منتدى عالم الأسرة والمجتمع - [ღ♥ღ دروس في الإتيكيت...(1)ღ♥ღ]

http://www.66n.com/pics/hosted/hvv67...0o4wikh0c5.jpg

المرة دي هنتكلم عن موضوع بيهم ناس كتير قوي لدرجة إن فيه ناس ممكن تفكر إنها تاخد كورسات في الموضوع بتاع عدد النهارده..

وطبعا لأننا دايما بنقدم لك كل حاجة تهمك عملنا العدد ده مخصوص للقراء الأعزاء، علشان نتعلم واحنا قاعدين في البيت..

عايزين تعرفوا إيه هو الموضوع العدد ده؟

يبقى لازم تقروا العدد ده لأنه جامد قوي..

إتيكيت العزومات

http://www.66n.com/pics/hosted/gtqde...z2ynszdq8z.jpg

أنا عارفة إن فيه ناس أول ما تقرا العنوان ده هتقول إيه الهبل بتاع العدد ده، إتيكيت العزومات ما احنا طول عمرنا بناكل وبنشرب وبنعزم وبنتعزم هو ده شيء جديد علينا ولا هو كتر كلام وخلاص؟

في الحقيقة إن الموضوع مش كتر كلام ولا حاجة.. كل الحكاية إن فيه تصرفات ممكن إننا نعملها واحنا معزومين عند حد وتكون التصرفات دي مش مناسبة وتعرضنا لموقف محرج والموقف ده ممكن إنه يوصلنا إلى قرار إننا مانقبلش أي دعوة عزومة على الغداء أو العشاء تاني..

يبقى إيه الحل، مش نكون عارفين الإتيكت ونتصرف بيه.....؟؟

علشان كده قررنا إننا نتكلم ونقول لك على الإتيكيت المتبع اللي المفروض إنك تعمليه لو معزومة عند حد.. تتصرفي ازاي.. تعملي إيه، ومتعمليش إيه.. مستعدة؟

يلاّ بينا مع بعض

1- خدي بالك لو معزومة على الغداء أو العشاء إنك تروحي قبل الميعاد بوقت قليل.. يعني قبل معاد الغداء بحوالي ربع أو نصف ساعة، لأنه مش من الإتيكيت إنك تروحي بدري عن كده وتفضلي قاعدة إلا إذا كانت العلاقة بينك وبين المضيف علاقة قوية قوي، كمان مش من الذوق إنك توصلي متأخرة عن معادك، يعني من الآخر الحكمة المتبعة في هذا الموضوع هي "خير الأمور الوسط" لا بدري ولا متأخر.

2- ياريت وإنتِ رايحة إنك تاخدي هدية شيك معاكِ "وعلى فكرة موضوع الهدايا ده هنعمل له عدد مخصوص نتكلم فيه عن إتيكيت الهدايا" بس على العموم ممكن تاخدي طبق حلويات أو بوكيه ورد شيك.

3- خدي بالك وإنتِ قاعدة على المائدة إن يكون جسمك في وضع مستقيم وإن إيديكِ تكون على طرف المائدة وبهدوء شديد تاخدي فوطة المائدة وتحطيها على رجلك ومش من الإتيكيت نهائي إنك تحطي الفوطة تحت الطبق أو تربطيها حول العنق إلا للأطفال.

4- خدي بالك إنك ماتاخديش طعام أو شراب من على السفرة إلا بعد ما تحصلي على الإشارة الخضراء من المضيف يعني يقول "اتفضلوا".

5- خلاص قعدنا وهناكل، خدي بالك إن الشوكة في الشمال والسكينة في اليمين، أنا عارفة إن كلنا عارفين المعلومة دي بس زيادة تأكيد، كمان خدي بالك إنه مش من الإتيكيت نهائي إنك تعملي أصوات مزعجة أثناء الأكل أو الشرب.

6- خدي بالك إنك ماتنحنيش على الأكل، يعني وإنتِ ثابتة في مكانك ابدئي في الأكل من غير ما تقربي فمك إلى الطعام.

7- مش من الإتيكيت إنك تتكلمي وإنتِ في فمك طعام ومش معنى كلامي ده إني باقول لك اقعدي كلي وإنتِ ساكتة، لا اتكلمي بس بعد ما تبلعي الأكل، وبخصوص النقطة دي أحب أقول لك إن فيه كلام مش مناسب نهائي إنه يتفتح على الأكل، زي الكلام عن الحوادث والمرض، يعني خلي موضوع الكلام عن حاجات تفتح النفس تكون عبارة عن الأخبار الخفيفة السعيدة.

7- من الإتيكيت أن يشترك معظم الجالسين في الحديث وتجنبي نهائي الأحاديث الجانبية على الطعام.

8- يمكنك تجفيف الفم بالفوطة وخاصة قبل تناول كوب الماء حتى لا يترك آثارا دهنية على الكأس.

9- بعد الانتهاء من تناول الطعام حطي فوطة الطعام على السفرة على الجهة اليمنى للطبق الخاص بكِ.

10- مش من الإتيكيت إنك تمشي بعد انتهاء الطعام على طول، يعني حاولي إنك تقعدي بعد الغداء مع المضيف لمدة حوالي ساعة تشربي فنجان قهوة وتشكريه على حسن الضيافة وحسن إعداد الطعام.

خدي بالك

وعلشان الموضوع يعدي بسلام خدي بالك من شوية الحاجات دي وإنت بتاكلي وبتشربي..

الشوربة

http://www.66n.com/pics/hosted/98ayp...5rxy55nvy2.jpg

ودي هيكون أمرها سهل جدا لو تم تقديمها في فنجان صغير "مخصص للشوربة" لأن في الحالة دي هتشربيها على طول من الفنجان.

لكن المشكلة بقى لو قدمتِ الشوربة في طبق، لأن ساعتها هيكون مافيش مفر من استخدام المعلقة، بس خدي بالك إنك ماتعمليش صوت وإنتِِ بتشربي بالمعلقة ولما تلاقي الكمية اللي قدامك في الطبق قربت تخلص حاولي بالراحة تميلي الطبق علشان المعلقة ماتعملش صوت لما تلمس قاع الطبق، ومن الآخر يعني مش لازم تشربي الشوربة اللي في الطبق لغاية آخر نقطة، سيبي شوية لما تلاقي المعلقة هتبدأ تعمل صوت.

السلاطات

http://www.66n.com/pics/hosted/n610s...nmoy8cc726.jpg

ودي لو قدمت لك في أحجام صغيرة يبقى مافيش مشكلة إنك تاكليها بالشوكة.... لكن لو قدمت على شكل قطع كبيرة زي الأوراق الكبيرة للخس يبقى خدي بالك إنك تقطعيها إلى قطع صغيرة مناسبة ليكِ، وتاكليها باستخدام الشوكة والسكينة طبعا.

الملاحة

http://www.66n.com/pics/hosted/evyd4...tw0eeiw6yh.jpg
بالنسبة لملاحة الطعام اللي من غير غطاء "المفتوحة" علشان تاخدي منها الملح ده بيكون عن طريق استخدام طرف سكينة نظيفة وتاخدي شوية ملح على طرف السكينة وترشيه على الطعام.

لكن خدي بالك لو كنتِ هتغمسي الطعام في الملح زي ما بيحصل في اللحوم هيكون كل اللي عليكِ هو وضع القليل على جانب الطبق الخاص بيكِ، وبالمناسبة دي أحب أقول لك إنك ياريت ماتحطيش ملح على الطعام إلا بعد ما تدوقيه الأول وتشوفيه إذا كان محتاج ملح ولا لأ.

كمان لو كانت الملاحة بعيدة عنك خدي بالك إنك ماتمديش إيدكِ فوق الطعام علشان تاخديها، كل اللي تعمليه إنك تطلبي من الشخص اللي بجواره الملاحة إنه يقربها منك شوية.

العيش

http://www.66n.com/pics/hosted/jo8np...n8312nkqrt.jpg

أنا عارفة هتقولوا هو العيش كمان ليه إتيكيت في الأكل، آه العيش كمان ليه إتيكيت هاقول لك عليه، وهو إنك تقطعي الخبز بإديكِ (قطعة صغيرة على قد ما إنتِ محتاجة) واوعي تقطعي العيش بالسكينة.

البيتزا

http://www.66n.com/pics/hosted/8gor7...clgabcckt0.jpg

طبعا ماحدش يقدر يقاوم البيتزا بس خدي بالك إذا لم تكن البيتزا مقطعة فقومي إنتِِ بتقطيعها إلي شرائح متساوية بالسكين، وبعد كده خدي شريحة على الطبق الخاص بيكِ وبالشوكة والسكين ابدئي في تقطيعها زي ما إنتِ عايزة، والطريقة دي مناسبة جدا لو كنتِ معزومة عزومة رسمية يعني "غداء عمل" أو وسط مجموعة إنتِ مش عارفاهم.

وفيه طريقة تانية ممكن إنك تاكلي بيها البيتزا وهي إنك تمسكي كل شريحة وتاكليها بإيدك بدون الشوكة والسكينة. والطريقة دي مناسبة لو كنتِ وسط أصحابك.

المكرونة الإسباجتي

http://www.66n.com/pics/hosted/hqv4n...lc4tkmhny5.jpg

أنا عارفة إن المكرونة الإسباجتي دي بالذات حكايتها حكاية وممكن إنك لما تلاقيها على السفرة إنك تتكسفي وماتاكليش، بس ولا يهمك، أنا هاقول لك على كذا طريقة سهلة خالص ممكن إنك تجربيها -وإن شاء الله- مش هتلاقي مشكلة في أكلها.

أول حاجة إنك تحطي الشوكة في المكرونة وبعد كده تحاولي إنك تلفي المكرونة حول الشوكة بس خدي بالك إنك ماتكتريش في الكمية اللي على الشوكة.

فيه طريقة تانية كمان ممكن إنك تجربيها وهي إنك تستخدمي الشوكة والسكينة في تقطيع شرائط المكرونة إلي أجزاء صغيرة تقدري إنك تاكليها.

وبالنسبة لـ"الصلصة" بتاعة المكرونة استخدمي معلقة المائدة الصغيرة في وضع أنواع الصلصة على المكرونة.

اللحوم والأسماك

http://www.66n.com/pics/hosted/gwgfc...mnwila6jdb.jpg

من أفضل الطرق لأكل اللحوم والأسماك هو إنك تاخدي قطعة اللحوم والأسماك الخاصة بيكِ وتضعيها في طبقك الخاص وبعد كده تقطعيها بالشوكة والسكينة وخدي بالك إنه مش من الإتيكيت إنك تقطعي اللحوم مسبقا وبعد كده تاكلي، ولكن من الأحسن إنك تقطعيها قبل تناولها مباشرة.

البطاطس بكافة أنواعها

البطاطس المحمرة

http://www.66n.com/pics/hosted/3h8ks...y2x6holzld.jpg

لو البطاطس المحمرة قدمت لكِ في طبق منفصل يبقى أنسب حاجة تعمليها إنك تاخذي الكمية المناسبة ليكِ بواسطة الشوكة على طبقك الخاص ثم تقطعيها إلي أجزاء صغيرة بالسكينة وتاكليها باستخدام الشوكة.

البطاطس المهروسة (البيوريه)

http://www.66n.com/pics/hosted/vegds...p10buht3ue.jpg

خدي الكمية اللي إنتِ عايزاها بواسطة معلقة المائدة الصغيرة وحطيها في الطبق المخصص ليكِ.

الحلويات

http://www.66n.com/pics/hosted/4gfsr...ucb8dm7c4f.jpg

خلاص كلنا والحمد لله، ندخل بقى على الحلو زي "الكيكة" أو "الجاتوه"، مافيش مشكلة إنك تاكليها بالمعلقة أو الشوكة.

http://www.66n.com/pics/hosted/8rq8f...nvqlrmaxxn.jpg

لكن بالنسبة لـ"الآيس كريم" بلاش موضوع إنك تاكلي الآيس كريم مباشرة بلسانك، ده خاصة لو كنتِ في مكان عام، خلي الموضوع ده بينك وبين نفسك، وأحسن طريقة لأكل الآيس كريم هي باستخدام معلقة الآيس كريم.

الفاكهة

http://www.66n.com/pics/hosted/0axhq...j6qx0t5hfj.jpg
ودي بتنقسم إلى الفاكهة اللي بتحتوي على عصير زي "الخوخ"، ودي أنسب طريقة لأكلها إنك تقشريها وبعد كده تقطعيها بالسكينة وبعد كده تاكليها بالشوكة.

ولكن الفاكهة اللي مافيش فيها عصائر زي "التفاح" فدي تقطع بالسكينة وبعد كده مافيش مشكلة إنك تاكليها بإيديكِ ونفس الحكاية مع البرتقال.

بالنسبة للفاكهة اللي فيها نواة زي البلح أكيد طبعا هتحتاري إنك تحطي النواة فين بس ولا يهمك ممكن إنك بعد ما تاكليها بهدوء شديد تحطي النواة في طبق الفاكهة الخاص بيكِ.

وكمان خدي بالك علشان ماتقعيش في الأخطاء دي:

1- إنك تعملي شاطرة ومافيش زيك وتضغطي بإيدك على الفاكهة علشان تتأكدي من إنها طازجة ولا لأ؟

2- بلاش تاكلي الفاكهة بشراهة شديدة كأنك أول مرة تشوفي فاكهة، يعني كفاية قطعة أو قطعتين من الفاكهة.