|
خطبت من اسرة ولم يردوا علي هل اتركهم اما ماذا افعل ؟
بسم الله الرحمن الرحيم
السلام عليكم ورحمة الله وبركاته تقدمة قبل فترة لخطبة بنت عمرها تقريبآ فوق 35 سنة وطلبو مني مهله حتى يسأل اهلها عني والان مضي اكثر من شهر تقريبآ ولا جواب او رد و فقدة الامل في الرد مع العلم ان البنت ملتزمة فماذا افعل ؟؟ --------------- والان انا عازم علي خطبت بنت اخو جدي المطلقة وقد نصحتني امي منها وقالت (( لو تضل طول عمرك اعزب ماتاخذها ماتصلحلك )) بصراحة انا ودي اتزوج وان شاء الله انها تلتزم علي يدي لاني مليت من البحث وطفشت وكل اسرة تخليني استنى من شهر الي شهرين حتي يجيك الرد باتزوج وتوكل علي الله او اواصل البحث ماهو رايكم ؟؟ |
طيب ليه انت ماتتصل عليهم وتسألهم ؟؟؟
اشوفها شي عادي صح والا لا ؟؟؟ اتصل واسأل فيه نصيب والا ادور غيركم ؟؟؟ ماتدري يمكن هم ينتظرونك تتصل ... وبالتوفيق |
اقتباس:
قالو حني ضاع رقم جوالك // فاعطيتهم اكثر من رقم هاتف ثابت وجوال حتي ما يكون لهم عذر بعد كذا وقالو خالص كلها يومين ورد عليك وصارت اليومين 3 اسابيع |
اخوي ان شاء الله توافق البنت ونبارك لك عما قريب لكن حتى تتضح الصوره أكثر ولا يكون فيه هناك غموض بالقصه
أخبرنا بصفاتك وشروط البنت اللي تبحث عنها لتكون زوجه لك فلربما كان هناك سبب قوي جعل هذه الأسره متردده أمام الرفض أو القبول ...!! لك دعواتي بالتوفيق |
اخي الحمد لله
البنت اللي انت خاطبها الان اكبر منك؟؟ وليش امك رافضه البنت الثانيه؟؟ ياليت تفصل الموضوع عشان نقدر نساعد |
دق عليهم واسألهم مره ثانية
لازم يردون عليك قلهم وش صار على الموضوع لاني محتار هل حصل شي بالموضوع سواء بالقبول او الرفض والله يوفقك |
يا أخي الموضوع ما يبغاله جوال ولا هم يحزنون
اتصل عليهم قلهم وش الخبر؟ فإذا أجلوك قل لهم آسف بكرة يجي الرد أو الله يوفقها مع غيري!!! بما أن الموضوع أخذ وقته الكافي فخلاص الموضوع مافيه مجاملات! وبالنسبة للزوجة اللي ما صلحت لأمك ما أنصحك تاخذها! ترى والله يا ناس الزواج مو لعبة ولا غصب ولا بنصحها وما أنصحها! تاخذها وتتوهق فيها!! صدقني بنتدم كثير على زواج مشي حالك!! وإذا كانت المرأة ماهي صالحة فالمشكلة أكبر من كونها تلتزم وما تلتزم!! صدقني ياما عشنا بأحلام إنا نقدر نغير أزواجنا ويا ما زوجي كان متخيل إنه بيقلب راسي فوق تحت! لا انا قدرت ولا هو قدر! والغريب إن كل اللي حولي ما قدروا يغيرون في حياتهم بعد!! صدقني الموضوع مو مسألة بعطيها كلام حلو أو بشتري لها هدايا أو أو أو كله كلام فاضي إذا كان الموضوع قناعات شخصية مترسبة مع الزمن!! راح تظل تعالج وتعالج وانت اللي تتغير وآخرتها تتركها على حل شعرها!!! صدقني يا خوي من تجربة!! ما أنصحك تاخذ وحدة تعيش بافكار تختلف عن أفكارك! راح تكثر المشكلات ويموت الحب!! قبل الزواج افتح عينيك الاثنتين وبعد الزواج أغلق إحداهما!! يعني قبل الزواج دور ودور ودرو وتحمل الين تلقى البنت المناسبة فإذا لقيتها اصبر على بلاويها وتشطر ذاك الوقت واكسبها في صفك! الله يوفقك! |
أخوي اتصل عليهم مرة ثانية عادي وقل شصار عالموضوع؟ اذا قالو مثلااصبر شوي فترة
قل عادي اذا مافيه نصيب انا انسان متفهم ونبغى كل شي عن قناعة وش كيف يرد عليك واخوي ترى شهر ماهي فترة طويلة مرة.. عادي بس اذا مستعجل دق عادي جدااااا والله يكتب لك الخير ويوفقك |
والله اذا كانت هذة السيدة المطلقة على خلق ودين تزوجها وتوكل على الله ...وان كانت غير ذلك...فانصحك بان تدور على اخرى..البنات كتير...دور انت بس...وان شاء الله تلاقى.......وقبل اى شيئ استخير الله....ثم استشير...دورة مرة ثانية ولا تياس
|
لا انصحك اخي الكريم في الدخول في موضوع خطبة جديدة قبل الانتهاء من الموضوع الاول ومعرفة ما وصلت اليه الامور.
من حقك انك تفهم وتستفسر منهم شو ردهم وبعدها تقرر ما هي الخطوة القادمة . وبالتوفيق ان شاء الله |
| الساعة الآن 10:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©