|
إلى جميع الاخوان والاخوات هل يمديني اتزوج بهذا الراتب
السلام عليكم الى جميع اخواني واخواتي اعضاء المنتدى تحية مني لكم جميعاً وادعوا الله لي ولكم التوفيق والسداد في الدنيا والاخره يشرفني مروركم على الموضوع ويهمني رأيكم فيه وهو الراتب طبعاً هذا الموضوع يدور في راسي من تقريباً سنه يروح ويجي ومحتار فيه ولم اخرجه من راسي الا الأن لأني اراكم الكفئ إن شاء الله في حسم هذا الموضوع ولا تخلونا تكفون انا موظف في شركة خاصة عملت فيها تقريباً 3 سنوات وشهادتي دبلوم ثانوي تجاري وعمري 25 سنه وراتبي 3000 ريال وشوي طبعاً مستحيل افكر بالزواج بهالراتب الا عشان فيه كم حاجه خلتني افكر الا وهي الاولى اني راح اسكن في بيت ملك للوالد الله يحفظه ويطولي بعمره هديته لي اني ما ادفع إيجار السكن فيه والحاجه الثانيه انه بيدفع جزء من المهر و الثالثه انه ولله الحمد ماعلي ديون او اقساط لاكن هنا السؤال هل بيكفيني الراتب في المعيشه بعد الزواج وهل البنات يقبلن الرجل بهالراتب اذا كانت الحاجات الي ذكرتها فوق متوفره واتمنى من الجميع المشاركة ولكم شكري |
اسئل نفسك اولا هل هذا الراتب يكفيك انتى وهى؟؟
اذا كان جوابك نعم فتوكل على الله وانت بدايات حياتك ولسع راتبك حزيد قدام بس اهم شيء التفاهم والقناعه |
اخوي ابراهيم
السلام عليكم اولاً ثق تماماً انك اذا نويت على الخير بيغنيك الله ثم تصدق و صل رحمك و سيفتحها الله بوجهك الامر الثاني مادام والدك ( حفظه الله ) بيساعدك في السكن و مصاريف الزواج فان شاء الله يكون راتبك كافي للمعيشه وحاول انك تطقطق يمين و يسار والامر يعد للبنت فيه بنات يصبرون و يراعون وفيه بنات لا ولذلك عند الخطوبه حط ابنت واهلها في الصورة تحياتي و مبروك مقدماً |
شكراً لسرعة التفاعل
الأخت رقاء والأخ فهد |
3000?? ما شاء الله راتب يكفي ويوفي بإذن الله تعالى, وتوكل على الله ورب العالمين سوف يبارك لك في هذا الراتب دام أنك نويت على فعل الخير , أهم شي الاقتصاد والاعتدال في المصاريف وفي نفس الوقت دام إنك شاب طموح حاول أن تبتكر طريقة دخل أخرى مساعدة لك كأن تعمل مساءا ( في حالة أن عملك الصباح فقط)
أنصح الشباب أن يأمنوا مصدر دخل آخر كالتجارة البسيطة أو أعمال السمسرة المشروعة في البيع والشراء ورب العالمين يوفق الجميع |
السلام عليكم.. انا من رأيي.. طالما ان والدك تكفل بالسكن.. وش تنتظر؟؟؟؟ لأنه اهم شي السكن وانت ما شاءالله مرتاح من الايجارات.. ثانيا: احتسب في الزواج وجه الله.. وانك تريد ان تعف نفسك. وان شاءالله ان ربي بيساعدك.. ثالثا: لازم تكون الزوجه عاقله وعارفه هي وأهلها بالوضع.. وتعرف راتبك وهذا طبعا قبل الملكه.. رابعا: انفاق الرجل على اهل بيته صدقه.. لكن انت لازم تنوي.. خامسا: حاول انك بعد الزواج "ان شاءالله" تتفق مع زوجتك على المصاريف والنفقات وتكون هي تعرف كم بقي معك من الراتب في هذا الشهر.. حتى تتفهم الوضع وما تطلبك فوق طاقتك.. وانا من رأيي مالك عذر في تأخيرك للزواج.. الله يوفقك.. ويرزقك ببنت الحلال اللي تسعدك وتهنيك.. ولا تنسى تعزمنا :) |
ثلاثة حق على الله عونهم وذكر (الناكح يريد العفاف)حديث شريف
:22: أعقلها وتوكل على الله وابحث لك عن زوجة قنوعة والله يطرح في راتبك البركة ،لكن لاتكن بالمره بخيل وتحتج دائما أن راتبك قليل لان المرأة تحب الرجل الكريم ولاتكن مسرفا فترهق نفسك بالديون لكن كن وسطا بين الامور -وممكن تطور نفسك وتبحث لك عن وظيفة اضافية تعملها في المساء ولو بحثت لك عن زوجة موظفة تساعدك على نفسها ممكن تريحك 0لكن عموما الزواج كله بركه وفيه اناس تزوجوا وهم فقراء فاعانهم الله وتيسرت امورهم وقد ورد في الاثر اطلبوا الغنى في الزواج وفقك الله وسدد خطاك وعليك بالدعء وكثر الاستغفار لانهما سوف يجلبان لك الرزق بأذن الله 0
|
اخوي اللي راتبه 1500 يكفيه واللي راتبه 20000 يكفيه لان الصرف على قدر الدخل بكل بساطة
|
اخوي انا زوج صديقتي راتبه فقط 4000 ريال
وساكن في بيت ابوه وعندهم طفلين والثالث جاي بالطريق وهذا هم عايشين ومبسوطين والحمدلله الواحد اذا نوى الخير ربي يعينه ويحط البركه في رزقه توكل على الله وتزوج وربي يوفقك |
اقتباس:
مثل ما قال أخوي بالضبط وبشكل عام يقرب لي واحد راتبه من 1500 الى 2000 ريال سعودي مع الاضافي وقاعد في بيت ايجار وماشاء الله عايشين أحلى عيشة ولله الحمد اهم شيء تكون سعيدة الحظ من النوع القنوع والمتفهم والمقدر للظروف والله يوفقك |
| الساعة الآن 07:43 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©