|
رول الدجاج بالسمبوسك
بسم الله الرحمن الرحيم
السلام عليكم ورحمة الله وبركاته جايبه لكم اليوم طبق يهبل والحلو فيه انه سهل وبسيط وطعمه يجنن ويبيض وجهك عند الضيوف المقادير: دجاجة مسلوقة ومسحبة(تفليل الدجاج) بصل مقطعة مربعات صغيرة فصين ثوم مدقوق جزر ,فلفل بارد,مشروم كلها مقطعه طوليا (اختياري) مكعبين ماجي بهارات مشكلة( فلفل اسود, لومي,كزبرة , كمون) كيس عجينة سمبوسة تلقونها بالجمعية جاهزة علبة قيمر علبة كريما حمرا(كريمة الخفق) جبن كلاس صغير يكون مالح ويفضل جبن كرافت الطريقة: بعد سلق الدجاج وتفلفلة قومي بحمس البصل والثوم بقليل من الزيت ثم قومي بحمس الدجاج المسلوق والمفلل ثم اضيفي اليها مكعبين ماجي والبهارات وقليل من الملح قومي بالتقليب باستمرار ثم اضيفي الفلفل والجزر والمشروم (اختياري)هكذا تنتهي الحمسة. بعدها تاخذين عجينة السمبوسة وتفردين وحدة وحدة وتضعين القليل من الحمسة داخلها وتلفينها اصابع (رول) وتصفينها في بايركس او اي صينية عندج بعد الانتهاء من الف والحشو تضعين في الخلاط اكهربائي القيمر والكريمة والجبن وتصبين الخلطة على الصينية وتدخلينها الفرن لمدة ثلث ساعة تكونين مشغلة الفرن من تحت بس وعقب الثلث ساعة تشغلي الفرن من قوق لين تشقر شوية وتطلعينها من الفرن وبالهنا والشفا وان شاء الله تعجبكم وانا في الخدمة لاي استفسار او سؤال الاشراف / تم تعديل العنوان مستكة_مستكة |
جذي يعني محد عجبه الطبق
خلاص انا زعلت ومرة ثانية لا تقولون نبي اطباق :( |
الصراحة طريقة يديدة أنج أتصبين عليها الكريما وأكيد حلوة تسلمين أختي وماتزعلين ونحن ننتظر جديدج يلا اتحفين بالمميز عندج ......
|
بارك الله فيك
|
شكرا لك اختي صدى المحراب لمرورك
شكرا لك اختي ام خالد لمرورك |
يمممممم شكلها لذيذه.......تسلمين
|
الله يعطيــــــــ 1000 عافيه ـــــــــــــــــــــــك
على الصينيه الرووووووووووووووعه والجناااااااان تسلمين ياغلا ارق التحااااااااااايا اختك |
شكرا لك اختي المغتربة جربيها وفعلا راح تقولين يمممممممممممممممم
شكرا لك اختي شااش وان شاء الله يرزقك باحلى ذرية صالحة قولي امين |
شكرا لك اختي المغتربة جربيها وفعلا راح تقولين يمممممممممممممممم
شكرا لك اختي شااش وان شاء الله ربي يرزقك باحلى ذرية صالحة وتفرحين فيهم قولي امين |
يعطيج الف عافيه على ه\ا الطبق الرائع
بس يا الغاليه بغيت اسالج عن الكريما الحمرا لاني ما عرفتها وين تنباع |
| الساعة الآن 06:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©