السلام عليكم ورحمة الله وبركاته..

اخواني واخواتي حابه اعرض لكم مشكله اخووي وان شااء الله الاقي الحل عندكم..


اخوي الله يسلمكم عنده صديق وهالصديق يحب ومتعلق بوحده وما يبي يتزوج غيرها..

بس العادات والتقاليد المعروفه انه الولد ما ياخذ غير وحده من الاهل وطبعا الولد محجوز حق وحده من الاهل وهي *بنت عمه*..

ويقول اخوي الولد ما شاء الله عليه زين واخلاق حلوه ما عنده سوالف ويشتغل وشخصيه ووسيم جدا وكل بنات اهله يتمنونه زوج لهم..


وابو الولد وابو البنت اتكلمو فالموووضوع وقالو ترى الولد هذا للبنت ** بنت عمه ** وعطاه كلمه للريال **ابو البنت** وما في مجال للمناقشه ..


عااد هني صديق اخوي ما يعرف شو يسوي لانه هو اصلا ما يبي بنت عمه وما يكن لها اي مشاعر او حب يبي البنت اللي يحبها ..
وعلى فكره بنت عمه من سمعت بالخبر انه هي حق فلااان طاار عقلها ومستانسه عالاآآآخر وتبي الولد ..


اخوي يقول الولد استخاار واايد وكمن مره وعقله متعلق بالبنت اللي يحبها.. والحين الولد ما يدري شو يسوي هل يترك اللي يحبها وياخذ بنت عمه اللي ما يحبهاا عشان يراضى اهله او يتزوج اللي يحبها ويزعلون الاهل عليه..

ويقول الولد انه يخاف على مشاعر البنت اذا رفضها بيقولون الناس وش فيها البنت الولد رفضها واخاف على مشاعرها وما ابيها تتحطم..

والولد محتاااار وحالته حاله وقال لاخوي خلاااص دام انه السالفه جيه ما راح اتزوج..:(


الحل و النصيحه اللي قلته حق اخوي عشان يقوله:_

** ما يتزوج بوحده هو مب مقتنع فيها واذا حصل الزواج يمكن يطلقها لانه عقله وقلبه متعلقين باللي يحبها وحراام يظلم بنت عمه بعد ما ياخذها..

** ويحاول يقنع ابوه او يكون وسيط يقول لابوه ما يقدر ياخذها لانه يحب وحده ثانيه..
وبس..

فياريت كلامي يكون واضح وفهمتو السالفه .. وابي حلولكم وان شااء الله تنحل المشكله..