|
ارحموني ... ارشدوني ... او خففوا علي ..!
السلام عليكم ورحمة الله وبركاته اخواني اخواتي انني والله ضاقت علي كل السبل وتسكرت بوجهي كل الابواب ولا من ليله تمر حتى اموت الف مرة من الحسرة والضيف الذي في صدري ... تعبت ونفذ صبري ... مشكلتي زوجتي الغالية .... لا اعلم هل هي تحبني ام تكرهني ام تتدلع علي ام تحاول السيطرة عي ام ام ام ...الخ (بعيداً عن فصحتي الي مالها داعي):25: يا جماعه ترى قصتي طويله شوي .. استحملوني .... انا ملكت على زوجتي من خمسة اشهر ونصف وباقي نص شهر على الزواج .. جلسنا اول شهر لا مكالمات ولا رسايل ولا حتى شفتها ... بعدها بدت العملية شوي شوي عن طريقي رسايل على الخفيف وبعدين مكالمات ومشت الامور بس شوفه لحد الان بحكم العادات المتغطرسه ... من بدت المكالمات وانا ادلعها بالكلام الحلو والهدايا ألي وصلت لحد الان اكثر من 20 هدية منها الغالي ومنها المعنوي وغير الرسائل الغرامية والسؤال عنها في كل ساعه ... احبها وهي واثقه تمامن بحبي .... بعد فترة شهرين تقريباً احس فيها فتور ومو زوجتي الي تعودت عليها بالبداية .. تتهرب من مكالمات ورسايلي بس بحذر .. لأنها من جد فيها ذكاء في هذه المواضيع ... وحتى الكلام الحلو بس انا الي اقوله لدرجة اني مرات اطلب منها انها تقولي كلام حب وحسه بس كذا مو من قلب... مرات اذا كانت طفشانه وماعندها احد تسولف معاه اتصلت علي ... يعني بالعربي اخر القائمه وهذا انا زوجها وبعد اسبوعين راح نعيش في بيت واحد .... متقلبت المزاج ... ومرات عصبية ... وذا بغت شي مني ولا ماعجبها كلامي راح الحيا وطلع إلسانها ... ولا العاده انا لحالي اسولف .... مرات تقط الكلمات في وجهي ولا تبالي ولمن اقولها انك جرحتيني تقول مو قصدي ولمن انا اجرحها بدون قصد تزعل وضل اراضيها ... قلييييييييييل جاداً تقول اسف وانا دايماً اقولها لها بدون اي داعي ... وصل الوضع اني اجيبلها الهدايا ولا ترسلي رسالة شكر ولا اتصال مع انها تعرف كيف انا متشوق لصوتها ... يعني صار كأنه واجب ..!!! ودايمن تتعذر معليش اختي جالسة معي كنت نايمه انا مع اهلي .. يا جماعه انا ماني فاهمها البنت معيشتني في عذااااااااب ...لدرجه انها حتى موضوع الدخله في الصاله بالعرس مصرة اني ما ادخل مع انها تعرف اني ودي ادخل وحط يدي في يدها ... بس ما طقت خبر ... يعني بالعربي اهم شي نفسها ... تكفون لا تخلوني .... قولولي وش اسوي معا .... مع اني جدً جداً رومانسي وطيب معها ومع اهلها ووسيم وهي تدري ومثقف ومن عائله هم كانوا يتمنوننا ...! |
سبحان الله هل تحتاج أن تهين نفسك لأن ترضي أمك وهي أمك طبعا لأن الأم لا ترضى بذلك ..
فلماذا تهين نفسك وتنزل من كرامتك وتمسح شخصيتك وهي رأس مالك امام زوجتك لترضيها .. لم تتجرأ زوجتك عليك الا لما رأت منك الشخصية الضعيفة التي لا تستطيع الرد عليها أو حتى محاورتها بالتي هي أحسن ..أو حتى الصبر عليها وتطنيشها .. لكن انت من أنزلت من نفسك الى هذا المستوى .. وفي المقابل الزوجة التي تفعل ما تفعله زوجتك لا تدخل في قواميس الزوجة الصالحة .. فكن على بينة قبل الزواج على طبعها وخلقها والا سترى الويلات منها عندئذ .. |
اسمحلي انت الغلطان والغلطان الف مره بالبداية انت اهنت نفسك معها باسلوبك وبالتالي هي عرفت شخصيتك وبدأت تستغل ذلك المطلوب منك تثقل شوي وتحاول تخفف الاهتمام فيها مو تبتعد لا تخفف
|
الاخ جمر كلامه صحيح شكلك انت مسوي من نفسك هيك بطريقتك اذا ما حست انك الرجل وصاحب الكلمة الان راح تبقة على هل حال الى الابد عندك اسبوعين يا تحاول تعدل من وضعك معها لان صدقيني بعدين بتندم واحسن شيء انك تقطع اتصالك معها نهائيا فجأة واذا اتصلت عليك قول لها بصراحة انت كذا وكذا (اذكر كل الاشياء الي مضايقتك) و من خلال كلامك نوه لها ان المسألة عندك ماخذة بعد بحيث انك تفكر تؤجل العرس وصدقني بعدها راح ينعدل الحال وانا كأمرأة اعرف اننا معشر النساء لا نحب الرجل الي يرمي نفسه عليها ونحب الرجل القوي الشخصية الي نحس معه بامان لانه قوي مو الي نحس اننا احنا اقوة منه واحنا مسيطرين عليه
|
هيه عرفت كيف طبعك عشان جيه..
انته اثقل عليها شوي وطنشها يومين وثلاث واربع وان شااء الله اتحس.. لا اتقوول ماقدر.. حااول وان شااء الله تقدر.. |
للأسف اخذت بمشورة غيري .. وهذه هي العاقبه
(استغرب من النساء نعطيهم الحب والعطف والاحترام وكل ما يتمنون وهذه هي ردة الجميل) حسبي الله ونعم الوكيل |
الله يعينك لكن أبي أقولك كلمتين فقط : الأولى : عز نفسك تجدها ، واللي ما يشوف لك جلالة لا تشوف له قدر . الثانية : من لا يبيني سعد عيني فراقه . الزعيم55 |
ينقل لعالم المقبلين على الزواج ليجد التفاعل المطلوب
|
أخي اتقل عليها شوية .. خليها تقلق علي غيابك عنها حبتين باذن الله تبدأ هي تبعت لك رسايل ..الله يسعدكم آميييييين |
اخوي ..
هذا المرأه شكلها من النووع اللي يحب يتملك غيره .. يعني بشكل عاام تحب اتمشي كلمتها وتسيطر عليك وهي الحين تمهد لك الموضووع .... طنشها كم يوووم و شووف ردة فعلهاا .. واذا ماشفت تغير منها .. كلمها باللي في خاطرك .. الله يعينك عليها .. لا تنسى انك الحين قبل الزوواااج .. بعد الزوااج يطلع المستخبي .. (( عز نفسك تجدها ، واللي ما يشوف لك جلالة لا تشوف له قدر )) ربي يوفقك .. تحياتي |
| الساعة الآن 07:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©