ساعدوني أرجوكم
 

السلام عليك ورحمة الله وبركاته...

اخواني واخواتي أعضاء المنتدى... والله ضاقت بي الدنيا وماني عارفه شو اسوي.... ما لقيت غيركم اشكيله.... شكلها حياتي قربت تنتهي.... والله كرهت الدنيا واللي فيها....

أنا مالكه من 6 شهور وخطيبي من النوع الشكاك بدرجه ما تتصورونها... هذا ناتج عن سبب فشله في علاقة حب سابقه أثرت فيه وايد... لما اكتشف انه البنت اللي كان يحبها خانته... المهم ما اطول عليكم... أمس كنت أكلمه بالليل وكانوا ربعه عنده فالبيت فقالي راح يتصل علي بعدين... المهم انه انا نمت من التعب فالصاله على القنفه والله... وكان جوالي على الصامت... المهم هو دق كذا مره ودز كذا مسج يسألني فيه انا ليش ما ارد... المهم بعدين دز مسج يقول فيه انه اذا قلتله انه جوالي كان على الصامت مثل الكمن مره اللي طافوا فما راح يسامحني أبد وهو شاك فيني وقالي كلام على اساس انه مش ولد صغير أكذب عليه واقوله كل مره انه جوالي على الصامت... ومو كل مره تسلم الجره!!! والله جرحني بكلامه.... المهم والله من الساعه 7 ونص الصبح لين الساعه وحده بالليل وانا ادق وادز مسجات وهو ولا عالبال.... خفت عليه دزيتله مسج... قلتله إذا ما تبي تسمع صوتي مو مشكله بس دخيلك طمني انك بخير.... المهم هو ما رد علي إلا عالساعه 2 من الليل يقولي فيه انه لازم اجاوبه على سؤاله اللي هو: أنا وين كنت أمس بالليل وقالي لا اتحاولين اتقوليلي انج كنتي نايمه... لأني اتصلت فيج ثلث ساعه بعد ما كلمته اول مره لما ربعه كانو معاه ومستحيل أكون نمت فثلث ساعه... المهم رديت عليه بمسج بعد ما يئست من كل محاولات اتصالاتي اللي فشلت لأنه مصر ما يرد على ولا مكالمه... المهم دزيتله مسج... وقلتله ممكن نتشاوف بكره ونتكلم لأنه ما راح نوصل لشي ونحن نتواصل عن طريق مسجات الجوال... المهم حلف انه ما راح يرد على اتصالاتي ولا راح يشوفني إلا لما أجاوبه وحذرني من اني اقوله اني كنت نايمه ولا هاذي راح اتكون نهاية كل شي بينا....

أنا وقسمن بالله أحبه وما أتخيل الدنيا من دونه وهو بعد يحبني بس يفسر كل شي على كيفه وشكاك بطريقه ما تتصورونها.... ماني عارفه شنو اسوي.... وأدري انه اذا كلامي ما اقنعه راح يتركني.... أعرفه زين وأعرف افرق بين الكلام اللي يقصده والكلام العابر والهالمره صدقوني يقصد كلامه.... ساعدوني.... الله يخليكم... والله دعيت ربي وايد...

آخر مسج دزه لي قالي انه راح ينام لأنه ما نام عدل من أمس واذا صحى وما لقى جواب ينتهي كل شي في حال اذا حس اني أكذب عليه!!!! شو هالعقليه يا ناس! والله تعبت من هالحال,,,, دايما اقوله ليش اتشك فيني.... يعيد ويقولي من تجربته الفاشله! انزين انا شنو ذنبي... قلتله اصابع ايدك من نفس الشي يقولي اني لازم اتساعده يتخطى هالمشكله... ما شاء الله عليه ريال ملتزم عاقل بس مافي شي امخرب حياتنا غير هالشك... والله انا أحبه وما ابي أخسره قولولي شنو لازم أسوي شلون أتصرف.... ما اقدر افاتح اهلي بالموضوع وما عندي اخوان اشاورهم.... ساعدوني وادعولي.... الله يهدي خطيبي ويبعد عنه هالشك...

أدري مشكلتي الكثير ممكن يعتبرها فاشله بس ما لقيت غيركم اشكيله...
سامحوني طولت عليكم.... وأعتذر على اسلوب كتاتبتي... والله اني كتبت اللي فقلبي وعيوني كلها دموع....
أتمنى منكم اتساعدوني...

جزاكم الله ألف خير ان شاء الله...

أختي نمله

عادي جدا الوضع كل الي عليك شوي صبر ومسايس قدر ما تقدرين
يعني تعاملي معه بحكمه وخليك جديه بتصرفاتك معه

وتحملي شوي

اعتقد انها فتره وتعدي لين يكسب الثقه بالي حوله طبعا هذا الشي ما راح يصير الا اذا انتي قدرتي تثبتين له العكس
يعني بتتعبين معه

وشي ثاني اتوقع هذي مهي من سلوكه الشك

الدليل موجود تعرض لخيانه لهذا السبب تولد عنده هذا الشعور الي هو الشك

يا الله :( الله يعينك حبيبتي والله قطعتي قلبي :( شو اقول لك والله محتارة شو اقول لك ... :( .

لا املك لكي سوى الدعاء في هده اللحضة وعلى العموم الاخوة هنا بالمنتدى راح يساعدونك اكيد وتلاقي عندهم الحل.

الله يفرج همك و يسعدك ويصلح حالك يا رب.

والله شايلة همك حبيبتي :(.

اختك دلع

أخوي نايف...

أشكرك على ردك... كيف اسايسه؟ أدري سؤال عبيط بس ماني عارفه اتصرف؟! اليوم الساعه 5 ونص الصبح دزلي مسج يقولي فيه اني لين الحين ما جاوبته على سؤاله... المهم قالي يبغي يعرف ليش ما رديت على اتصالاته ووين كنت بالتفصيل.... المهم قلتله... وبعدها يمكن اتصلت فيه فوق العشرين مره ودزيت مليون مسج اقوله اني أحبه وانه والله هذا اللي صار ومستعده أحلفله اذا هو مو مصدق... والله تعبت وانا اتصل وادز مسجات... أحس نفسي مذلوله يا خوي... وللأسف لا رد على اتصالاتي ولا على مسجاتي.... أحس اني راح اتجنن! مو عارفه شنو المفرض اسوي.... سويت كل اللي أقدر عليه بس ما جاب نتيجه....

أخوي نايف...

أشكرك على ردك... كيف اسايسه؟ أدري سؤال عبيط بس ماني عارفه اتصرف؟! اليوم الساعه 5 ونص الصبح دزلي مسج يقولي فيه اني لين الحين ما جاوبته على سؤاله... المهم قالي يبغي يعرف ليش ما رديت على اتصالاته ووين كنت بالتفصيل.... المهم قلتله... وبعدها يمكن اتصلت فيه فوق العشرين مره ودزيت مليون مسج اقوله اني أحبه وانه والله هذا اللي صار ومستعده أحلفله اذا هو مو مصدق... والله تعبت وانا اتصل وادز مسجات... أحس نفسي مذلوله يا خوي... وللأسف لا رد على اتصالاتي ولا على مسجاتي.... أحس اني راح اتجنن! مو عارفه شنو المفروض اسوي.... سويت كل اللي أقدر عليه بس ما جاب نتيجه.... ما أبا اخسره ما اتخيل حياتي بدونه

حبيبتي دلع...

مشكوره وايد على الرد وما اتقصرين.... والله حتى انا لا املك غير الدعاء جربت كل شي... والنتيجه ولا شي... الله كاتب علي الشقا... بس الحمدلله على كل حال... اللهم لا اعتراض.... بعد أقول أكيد حالي أحسن عن غيري بوايد... ادعيلي حبيبتي عسى الله يتقبل منج ان شاء الله

اختي الحبيبة
هو لماذا لم يدق غلى تلفون البيت عندما وجد انك لا تجاوبين..فاكيد سيطلعون له اهلك ويخبرونه انك نائمة ويعرف ان شكه غير في محله...
اخبريه ان كان لا يصدقك ان يسأل اهلك أين كنتي الأمس فس تلك اللحظة لكي يتأكد انك لا تكذبي
والله الشك يخرب البيوت ويجب أن يتعالج خطيبك عند طبيب نفسي ربما يساعده عن التخلص من هذا الشك
فيبدو انه ما زال لم يحل عقدته من خطيبته السابقة ويجب ان يواجه عقدته ويعالجها فيجب ان يغلق تلك الصفحة ليبدأ صفحة جديدة وجميلة معك
وفقك الله

مشمشة عمري...

شكرا على الرد حبيبتي... ما دق على البيت لأنه الوقت كان متأخر وايد...

ادعولي أرجوكم والله احترق من داخلي

حبيبتي مشكلتك ليست بالمشكله البسيطه...............فالشك من اهم اسباب الطلاق؟؟؟
انا ماودي اخوفك لكن اذا ماتغير زوجك قبل موعد زواجكم فاتركيه........لانك والله ستتعبين معاه ولاتجعلي مشاعر الحب تسيطر عليك بحيث لاترين عيوبه او تعرفينه على حقيقته؟؟؟؟؟؟؟؟
ممكن سؤال هل تجرتبه الفاشله من مده قصيره ام لا؟؟
وهل اهله او اقاربه فيهم هذه الصفه لانها قد تكون وراثيه؟

النوعيه هذى من الأزواج راح يتعبك معاه كثير

واذا انتى تبينه وتحبينه مثل ماتقولين الله يعينك تتحملينه الين الله يهديه

او اذا عندك طريقه تقدرين فيها تكسبين ثقته وماعاد يزعجك بعدين

الله يوفقكم ان شاءالله ويصلح زوجك