ملكتي بعد اسبوعين ولم أجهز شيء,, رجاء ساعدوني
 

السلام عليكم ...
بصراحة بنات محتاجة شوركم ومساعدتكم ..
ملكتي بعداسبوعين :14: وبقي ماجهزت أحس إني محتارة :16: في الفستان ولونه وموديله والتسريحة والمكياج والترتيبات والاستقبال....... خاصة إن الملكة راح تكون في البيت ومو عارفة بإيش أبدأ ...
وللعلم أنا ما كنت أروح مناسبات يعني ماأعرف إيش الناس تلبس أو كيف تتصرف ..
الله يسعدكم بنات اللي عندها شور أو فكرة تفيدني.. ورجاء لا تطنشوني لأن مافيه وقت... :d
وتقبلوا تحياتي...

الف الف مبروك وربنا يتمم بخير انصحك بدخولالروابط التى تخص المراه والازياء وركن العروس فى هذا المنتدى الرائع وانصحك بالدوام على المشاركه فيه باقى حياتك هيفيدك فى كل شىء فى المستقبل ان شاء الله والف مبروك وكل الهنا والسعاده يارب سلام

وااااو

باقي أسبوعين ولسه ما سويت شي ؟؟

يا برووودك

وفينك من أول ؟؟

المهم ألف مبرووووووووك مقدماً

شوفي يا ست البنات

أول حاجة تبدأي فيها الفستاااااان

لو جهز الفستان البقية تهووون

بعد الفستان احجزي :

1. كوفيرة تثقي فيها تعمل لك الماكياج والتسريحة

2. اشتري الحذاء _ الله يكرمك _ اللي يناسب الفستان

3. احجزي عند حرمة تعمل لك حمام مغربي + حلاوة قبل الملكة بيومين

4. قرري من أي محل راح تجيبو ضيافة الملكة ( حلى القهوة ، معجنات ومكسرات الشاهي )

5. لاتنسي تشتري توابع العشاء من ( عصيرات ، فاكهة ، كيك )

6. احجزي مكان يعمل لك الكوشة ومادام إنها في البيت فياحبذا تكون بسيطة شيفونات بحركات ناعمة

7. جهزي هدية العريس واللي غالباً تكون ساعة

8. لا تنسي تشتري المسكة اللي تناسب الفستان

9. قرري الملكة دي جي ولا بتجيبو دقاقة ..

10. جهزي شريط الزفة

11. اذا كنت تبغي تصبغي شعرك اصبغيه قبل الملكة بثلاثة أيام عشان إذا ما ضبط اللون تحوليه أسود على طول

12. إذا تبغي تشقري شقري قبل الملكة بيوم

امممم ايش كمان

إذا أتذكرت حاجة أجي أقولك

بس أهم شي اهتمي في نفسك

عناية مكثفة ، ماسكات للوجه يومية + ماسكات وحمامات زيوت لشعرك

ولا تنسي تتغذي كويس وتكثري من الفواكه وخاااصة العنب لانه يورد خدودك الباهتة

لا تقولي كيف عرفت .. الطير الاخضر قالي

وقوي صلتك بالله .. واطلبي منه التوفيق .. والتيسير

وإن شاء الله تتسهل أمورك .. واللي تخافي منه ما يجيك أحسن منه

وبالتوفيييييييق يا قمر

وأي سؤال أنا حاااضرة يا قلبي

***

عمرو راشد..
عبير الأحلام..
ألف شكرررررررررررررر عالتشجيع والمساعدة:22: ...وجزاكم الله كل خير.

ماشاءالله عبير الاحلام كل شي قالته

بس حبيت أضيف

فستانك خليه لونه فاتح << حلو مناسبة لملكة

شعرك لاترفعيه.. سوي تسريحة نعومة بس خليه مفكوكو على طبيعته

خلي زوجك يشوف الجمال


مكياجك خليه وردي وناعم.. وانتهبي ذوق الرجال بالمكياج مو مثل الحريم الرجال مايحبون الثقيل

جيبي مصورة تصورك انت والعريس.



ومبروووووووووووك والله يوفقك

صادقة شوبارد راحت عن بالي المصورة ..

الله يذكرنا بالشهادة يارب

***

هههه عجبتني حكاية الأحمر يا بحر الأحزان

المشكلة مو كل بنت يناسبها اللون الاحمر

حسب لون البشرة والشخصية


***

أنا أشوف إن قدامها حالتين :

يا إما تكون ناااعمة .. يكون الفستان فاتح .. وردي .. بيج .. سماوي ... الخ

والماكياج ناعم .. والتسريحة ناعمة فير مثلاً أو بيرم ..

أو تكون واااو .. فستان غير شكل .. أنا كنت كدا في ملكتي .. لان الناس متعودين على شكلي ناعم ..

ومتعودين يشوفوني بنوتة حلوة .. الوردي لوني المفضل .. والكل اتوقع فستاني وردي ..

جيت أنا وخالفت كل التوقعات .. وكان فستاني برووونزي .. والصدر فيه ورود حمراء ..وأوراق شجر خضراء ..

التسريحة كانت مرفوعة عشان هدي فرصتي ابين تسريحة شعري .. أما في الفرح نص الشعر راح يتغطى بالطرحة ..

وماراح تبان التسريحة ..

سويت طرحة زيك يا بحر الاحزان .. بس من الطرحة اللي تجي على الوجه مرمية .. ويرفعها العريس ..

ماكياجي كان ثقيل نوعاً ما .. ألوانه عودي + أخضر + برونزي

***

الموضوع هدا بالذات يرجع لذوق العروسة .. كل وحدة ولها تصور في خيالها ما تحب تطلع الا فيه ..

انا رأيي اني طول عمري ناعمة .. اجي كمان يوم ملكتي وانا عروسة واطلع كمان ناعمة ؟

لازم أغير وأكون جريئة شوية ..

ولا شو رأيك ميار ؟؟

***

شوبارد
بحر الأحزان
عبير الأحلام...
مشكورين عالنصائح:17: لكن أنا شعري قصير(تحت الكتف) وخفيف وماأعتقد تنفع فيه تسريحة مرفوعة!!!
ولأن بشرتي فاتحة ماعندي مشكلة في لون الفستان ..لكن أبغى أسأل...لازم فستان الملكة يكون (نفاش)؟؟؟؟
وياليت إذا تعرفون مصورة ترضى تجي البيت...(أنا في المدينة)كمان أبغى أسأل عن أفضل مشغل للتجميل يعني مكياج وتسريحة...وإذا تعرفون وحدة تسوي حمام مغربي..<<<<أدري ماتنعطى وجه:d

هلا بك ميار

يابرووودك خيتووو

الاجازة عالابواب ، وماراح تلاقي حجوزات

يابت اتلحلحي وربي بعدين تتورطي

لسه ما حجزتي ولا سويتي شي ؟

الله يهديك بس ، احجزي لو بالتلفون

***

بالنسبة لشعرك فما أعتقد في حل الا البيرم ، مو الفير ، انتبهي

اما الفستان مادام الشبكة في البيت مو شرط يكون الفستان منفوش ، حسب ذوقك ، وكمان خدي رأي أهلك يفيدوك

وممكن تشتري جاهز ، لان الوقت ما يمديك تخيطي ، ولو مو مخالفة لقوانين المنتدى كان دليتك

أما المصورة ، فوالله نفسي اساعدك ، بس تعرفي القوانين ، عالعموم أكيد عارفة أشهر مشغل في المدينة ، ما يحتاج

أدلك عليه ، بس لازم تحجزي من بدري ، وممكن تتفقي معاهم يجوك البيت ما يمانعوا ..

أما أفضل مشغل للتجميل ، فمعروووف ياقلبي ايش المشغل اللي يروحوله العرايس ، ولا كمان ما تعرفيه ؟

عالعموم الخيارات عندنا محدودة زي مانتي عارفة ، ومافي مشاغل كويسة إلا مشغلين ، وفيه حرمتين كانوا يشتغلوا

في المشغل وبعد كدا انفصلوا عنه ، شغلهم روووعة ، وأرقامهم عندي ..

أما الحمام المغربي ، ففي مشغل يا حبيبتي اسمه اممم ، بلاش الاسم ، تلاقيه عند فندق المريديان ، أول لفة يمين ،

عرفتيه ، عاملين عرض خاص برنامج شامل للعروس ، التكلفة معقولة ، والنتيجة مذهلة

***

أتمنالك التوفيق من كل قلبي ..