|
ام زوجي والملابس القديمة
العنوان اكيد مو مبين ايش القصد من موضوعي بس ابغى ادخل في الموضوع على طول ام زوجي اعطتنى ملابس قديمة لبناتها وانا في بداية حياتى مع زوجي يعنى كان ليه 8 شهور زواج يعنى بالاصح عـــروســـة جديدة
والله يا عالم ملابس قديمة واللي يقهر تقولى هذا حقت بناتى ما يبغوها خذي البسيها انتى وانا ولله الحمد اهلى من عائلة مرموقة وابدا ما عندي شيء اسمه تلبسي ملابس قديمة دائما جديد في جديد فا ايش رايكم في الموضوع ايش اسوي وزوجي ماشاءالله علية مو مقصر معايا بشتريلي من ماركات معروفة جدا والحمدلله حالنا ميسور ايش قصدهاااااااا ؟؟ نفسي احد يقولى هل هو احتقار او تحطيم او ذل او غيرة مانى عارفة او شيء عادي الا سوته وانا شفته شيء كبير مانى عارفة تم تعديل العنوان بواسطة الإدارة |
انا لو منك كنت قولتلها لا والله اصلى انا ما البس من جسم حد ياريت تشوفى حد يحتاجهم وتقولى لانى انا كمان عندى هدوم كتير قديمة مو البسها وبدى اعطيهم لحد يستفاد بيهم بس انا اقصد توصللها كده من غير اساءة
|
أختي لامير
شوفي هذي الحركه هي نوع من الاستحقار أو انها تبي تستفزك في نفسك وتقهرك أنتي اعملي حالك مو حاسه بشي او فاهمها حركتها واذا هي ما تستاهل انك تمشي الموضوع عشان زوجك صدقيني هذي أمه مهما عملت بتظل امه وبعدين راح تشتعل الحروب في بيت وحياتك الزوجيه بسبب أمك قالت وامك سوت وامك علمت كذا والا كذا طنشيها وعيشي حياتك وشوفي بقولك نقطه لا تلومين ام زوجك على تصرفاتها هي فرحه بولدها وتعبت فيه ووتحملت كل شي عشانه والان انتي اخذتيه منها طبعا هذي وجهه نظرها هي فهي تبي تستفزك انتي اكسبيها بطيبتك وحنانك وعامليها مثل ماتعاملين أمك كل فتره وفتره اهدي لها هديه لو كانت بسيطه سلمي عليها زوريها كل نهايه اسبوع بوسي راسها لما تسلمين عليها أسألي عنها اذا كانت مريضه اتصلي عليها بالتلفون واسألي عن احوالها احترميها وحطيها فوق راسك صدقيني بتحترمك وبتحبك وبتصيرين بغلاه بناتها وتحبك مثل حبها لبناتها وتعتبرك وحده منهم وهذا غير أنك انتي راح تكبرين بعيون زوجك شوفي الوحده لما تتزوج لازم تحافظ على بيت الزوجيه وتخليه بسعاده دايمه وأعظم سر من أسرار السعاده الزوجيه (( أم الزوج)) اذا احسنتي معاملتها و احترمتيها راح يحبك زوجك وام زوجك بتغير معاملتها معك |
السلام عليكم ورحمة الله وبركاته
ما اتوقع انها تقصد شيء
وقلة أدب مرة وحده ؟؟؟؟؟؟؟؟؟؟؟ هذي أم زووووجك يعني لولا الله ثم هي كان ما عندك زوج !!!!!!!!! تمدحي زوجك وتسبي امه واذا هو اخلاق وكريم فهو تربية امه الانسانه الطيبة ترضي احد يقول عن امك قلة أدب ؟؟ الرسول اللهم صلي وسلم عليه قال : ( لا يؤمن احدكم حتى يحب لأخيه ما يحب لنفسه ) ما اتوقع ترضيها على نفسك او احد من اهلك بكره راح يصير عندك عيال وتزوجيهم ........ عائلة مرموقة وتقووووولي هالكلام الله المستعان وكبار السن يحبون يحتفظون بالشيء إذا هم شافوه جديد يعني ممكن يكون بطيب خاطر اتمنى من المشرفين مشكورين مأجورين بتغير العنوان عذرا ممكن الرد يكون قاسي لكن لازم تكوني واقعية اكثر ان هذا الكلام غير لائق حتى لو كانت ام زوجك قوية ومتسلطة تحملي عشان زوجك لأنها هي جنته وناره وزوجك جنتك ونارك عامليها بما يرضي الله ياحريم اتقوا الله في امهات ازواجكم وآبائهم اتقوا دعوة المظلوم فإنه ليس بينها وبين الله حجااااااااب |
إذا ام زوجك حرمه كبيره في السن مااتوقع ان قصدها اهانتك او جرحك الحريم الكبار يتصرفون بطريقه عفويه يمكن مانفهمها او ننجرح منها خصوصاً انك ماتعودتي على مثل هالتصرفات في بيت أهلك.. انتي جديده وللحين ماعرفتيها كويس.. من رايي انك تسكتين وتتناسين الموضوع ولو تكرر في وقتها قولي لها شكراً ما قصرتي بس عندي ملابس ودولابي مليان شوفي يمكن فلانه محتاجتها.. أهم شي ما تحس انك متضايقه بالعكس ومافي مانع تقولين والله انا بعد جمعت ملابس ما احتاجها وش رايك احطها مع هذي وتعطينها أحد ولا آخذ هذي واحطها مع اللي عندي واعطيها أحد محتاج.. وانتبهي تشتكين لزوجك من امه.. لأنه بيكبر الموضوع وهي يمكن ما تقصد تجرحك.. خذي الأمور ببساطه.. |
اخت طليقي قبل الزواج قالت لي انها ستعطيني ملاسها القديمة!!!! وحتى القديمة لم تعطيني أياها
يعني لم تعطينا لا هدية في الزواج ولا قبل ولا بعد وفلستنا وخربت زواجي بعد...الله ينتقم منها اختي الحبيبة..اكيد ام زوجك طيبة وليست مثا اخت طليقي الشريرة التي توعد بملابس مستعملة ثم حتى هذا تخلف رغم انني كنت أيضا ميسورة الحال واقل مستوى منهم أكيد اختي اما هي بسيطة جدا على نياتها وعندهم عادي في العائلة يلبسون لبس بعض هل ام زوجك ميسورة الحال؟ اذا لا..فتعلمين انها عادات ان كانت جيدة الحال فلا اعرف ما قصدها بهذا |
أختي الكريمة
نقدر تفاعلك وانفاعلك ولكن آمل أن تختاري الكلمات المناسبة للنصح فالمنتدى منبر للتقويم والتهذيب.. وليست للترهيب الإدارة |
والله انا من وجهة نظرى يمكن هى مسكينه وعلى نياتها ويمكن الملابس عاجبتها وشايفتها شى حلو انه تعطيك اياهم
وشايفه ان بناتها غلطانين يرمونها من حلاوتها اذا كانت جايتك زياره ولوحدها البسيها علشان ترضينها وبعدين صرفيها |
حصلت مره حادثه مشابهه لامي انه لما كنا صغار انا واخواتي وحده قريبه لنا جابت لامي ملابس مبين مستعمله وتعبانه هديه لامي عشان نلبسها احنا هي كانت ملابس اطفال تدرين وش سوت امي ؟؟؟؟؟؟؟؟
ودتها للجمعيه للفقراء ولما سألت عنها بعدين هذي القريبه امي قالت لها الصدق وقال توقعت انها للفقراء وعشان كذا وديتها ماكنت عارفه قصدك , وبعدين ماتجرأت تتكلم وخجلت من نفسها . |
شوي شوي على البنيه
ردودكم قاسيه.. يمكن هي تسرعت في كتابة العنوان .. بالنسبه للمشكله.. سوّي نفسك عادي .. وعدّي الموضوع ولا كأن صار شي.. و نصيحتي لكِ.. انك تطنشي , لان ياما بتواجهك مواقف في حياتك اصعب من كذا .. فلا تكوني حساسه زياده عن اللزوم.. وهذا في مصلحتك وعشان المركب تمشي بالتوفيق |
| الساعة الآن 09:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©