منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المقبلين على الزواج (http://www.66n.com/forums/forumdisplay.php?f=7)
-   -   يريدني أن أتوظف ، ما رأيكم ؟ (http://www.66n.com/forums/showthread.php?t=86610)

ملك قلبي 10-05-2006 02:28 AM

يريدني أن أتوظف ، ما رأيكم ؟
 
السلاااااااااااام عليكم

حبيت اطرح عليكم سالفتي وودي اشوف رايكم لانكم اهلي الثانين :)
<<<<<<<<<<<<<<<<<<<<ما تعرف تعبر

المهم الله يسلمكم
انا متملكه من 3 شهور
والحمدلله زوجي اخلاقة حلوه ولا شفت منه الا كل خير
هو لازم اختلاف الراي والمناقر امر لابد منه بس اهم شي ما اخليه ينام وهو متضايق اصلا مايجيني نوم اذا حسيت اني زعلته او ثقلت دمي شوي عليه

الزبده الله يسلمكم
اني احس انه متحمس جدا اني اتوظف واشوف انه يصر علي في البحث عن وظيفه وانا والله ابي اتوظف بس موب كيفي قدمت على اماكن كثيرة وكل مكان لفيت فيه بس ما كتب ربي
المهم كل يوم يسألني هاه وش سويتي مارحتي تقدمين على شي ماقريتي اعلان شي قلت له وش فيك همك الوظيفه مرة انا بعد ابي اتوظف
انا اسوي اللي علي والباقي على الله
بس هو يقول لي احس انك باردة ومو متحمسة للوظيفه
وبصراحه احس اني كرهت اني اتوظف من كثر حنته علي
واحس انه صار يهتم في اني اتوظف اكثر من اهتمامه فيني
وانا اقوله الحين خلني اخلص من تجهيزات الزواج وحوسته وان شاء الله بيرزقني
واحس ان نفسيتي تعبت غير عن كذا انا اللي اجهز لنفسي وما فيه احد يساعدني كلن مشغول بحاله يعني بدال ما يواسيني ويخفف علي احس انه يزيد همي ويحسسني بالذنب
والمشكله انه دايم يشوف الاشياء الشينه وينتقدني فيها وانا انقهر منه والله ان قلبه طيب بس يجرحني بكلامه دايم وانا ادري انه ما يدري
وما اقول له شي ازعل شوي بعدين انسى
بس اليوم قلت له انك تدقق في اشياء بسيطة وانك تنتقد كثييير
وهو اعترف بس قال لي هذا طبعي ولازم تتعودين عليه
والله اني احبه بس يرتفع ضغطي منه دااااااااااااااايم
بس الله يعيننا على بعض ويسهل امورنا

معليش طولت عليكم بس وش اسوي مالي الا الله ثم انتم :)

msshq 10-05-2006 02:35 AM

الله يجمعكم على رضاه وييسر امر الوظيفة والزواج

سيدرا 10-05-2006 02:05 PM

لابد أن تسأليه سؤال مباشر وصريح ، لماذا تريدني أن أتوظف

قد يكون السبب مادي ، أي لتصرفي على نفسك ويرتاح هو وهذا دليل على البخل والعياذ بالله

وقد يكون السبب ثقافي ، أي يردك أن تطلعي على مجريات الحياة حولك فتكتسبي خبرة من المستحيل أن تكتسبيها في المنزل

هذا ولي عودة بعد سماع جوابك

أختك سيدرا

الزعيـــــم 10-05-2006 02:16 PM

اقتباس:

المشاركة الأصلية كتبت بواسطة سيدرا
لابد أن تسأليه سؤال مباشر وصريح ، لماذا تريدني أن أتوظف

قد يكون السبب مادي ، أي لتصرفي على نفسك ويرتاح هو وهذا دليل على البخل والعياذ بالله

وقد يكون السبب ثقافي ، أي يردك أن تطلعي على مجريات الحياة حولك فتكتسبي خبرة من المستحيل أن تكتسبيها في المنزل

هذا ولي عودة بعد سماع جوابك

أختك سيدرا

سيدرا ...................
كلام في الصميم وجميل ، أتفق معك.............

الزعيم55

قيروان 10-05-2006 02:27 PM

عزيزتي هذا حال الرجل الشرقي .. مايهمه في المقام الاول هو توفير حياة هانئة له ولعائلته.. فلا يهتم لقول كلام جميل مشجع او يسأل عن حال ..
بس زي ماقالت الاخت (سيدار) لابد ان تتأكدي من نواياه التي تحرضه على الضغط عليك من اجل الوظيفة..
علشان كذه.. إختاري وقت مناسب يكون فيه رايق.. وكمان لازم يكون المكان مناسب يعني مافي ازعاج ممكن ويوشوش عليكم ويقطع حبل حديثكم.. لان الحين شي مهم لازم تسوينه لما تصارحيه وتسأليه عن مكغزى سؤاله عن اذا وفقت بوظيفة والا لأ.. ترى شوفي لازم ماتشيلين عينك من عينه اذا كنت تبين تعرفين الحقيقة.... لأني نسيت اذكر ان من صفات الرجل الشرقي انه يتفنن بالكذب(على كيف كيفك).. فلازم تعرفين اذا كان صادق والا لأ..

ابوجنا الشرقية 10-05-2006 05:47 PM

لا تسيؤن الظن بالرجل

أنا أتوقع والله أعلم أن الرجل يحب أن يرى زوجتة سيدة مجتمع لها عطاء في أي مجال ...ويريد أن يفتخر بها كموظفة ...

لا أكثر ولا أقل ....وليس بالضروري أن يكون مؤشر على بخلة....أو على سوء حالة الأقتصادية.....

وانا من وجهة نظري يا أختي أنه لا يوجد أي مشكلة في الوظيفة ....وإن شاء الله تحصلين على وظيفة
في أقرب وقت .....بالتوفيق

night2005 10-05-2006 07:30 PM

اختي بالنسبه عن انتقاداته فعلا هذه طبيعه فيه في شباب هكذا ولا يقصد شيئا
بالنسبه عن الوظيف في شباب يفضلون خطيبتهم موظفه لماذا لا اعلم لكن خاصه اذا كان جامعي ،بس سأليه ليش مصر على اني اتوظف
بس انتي فهميه ان لي الله ما كتب ولما يقول اي شيء ردي عليه برود ادعي لي ، انا اللي علي سويته

لمسات ناعمه 11-05-2006 06:26 PM

احس انه السبب مادي واهو يبيك تساعدينه على الصرف

والله يوفقكم

ملك قلبي 12-05-2006 03:09 AM

اهلييييييييييييييييين

اول شي اشكركم على اهتمامكم وردودكم:d وجزاكم الله الف خير




msshq
الله يسلمك ويوفقك إن شاء الله

سيدرا
يعطيك العافيه
أنا سألته ليش هو متحمس للوظيفه كثير ؟؟
يقول لي حرام شهادتك حلوة وتعبك يروح على الفاضي
وانا احب اخذ الشي الحلو علشان كذا صدقته وهو اكيد يبي مصلحتي والله العالم اذا كان يبيني اصرف على نفسي او اساعده انا ما عندي ما نع لان حياتنا بتصير وحدة وماارح تفرقنا فلوس وما فلوس:)

الزعيم
يعطيك العافيه اخوي وجاوبت على السؤال

قيروان
والله ما ادري بس انا احب اصدق الشخص وما اسيء الظن فيه وخصوصا الانسان اللي باعيش معه باقي عمري ان شاء الله
جزاك الله خير:)

ابو جنا الشرقية

يعطيك العافيه يعجبني فيك رؤية الجانب الحلو وتفسيرة :)

night2005
اشكرك اختي الله يعيننا عليهم ويعينهم علينا

لمسات ناعمة
تسلمين عيوني والله ما ادري وش هدفه بس انا باحسن الظن الين يظهر وش يقصد ما ابي اسبق الاحداث واتسرع واظلمه


اخواني ابو جنا الشرقيه والزعيم تسلمووووووووووووووووووون من جد متحمسين معي
يعطيكم العافيه واحترم ارآآآآآآآآآآآآآآآئكم بشدة ولا يهونون الباقين

ما قصرتوا

بس الل قاهرني انه دايم يقول لي احس انك باردة وتبين الوظيفه هي اللي تجي لك
مع اني في كل مكان ادري ان فيه وظايف اروح له واحاول وسويت كم اختبار ومقابلة قبل الملكة بس هو يقول لي لك فترة ماعاد رحتي تقدمين وانا الحين احس اني مشغوله بترتيبات الزواج وحوسته
واجلت التفكير بالوظيفه
وسبحان الله لما الواحد يفكر بالشي ويشيل همه ما تجيه الابطلعة الروح لن اول ما ينسى سبحان الله تتيسر
والله يوفقنا وياكم جميعا
:) :d :) :d :) :d

البتول 12-05-2006 10:41 PM

يغلق بعد ان تحول موضوع الاخت ملك قلبي الى تشات بين ابوجنا والزعيم 55 مما يعتبر مخالفا لتعليملت الكتابة في المنتدى.


الساعة الآن 04:14 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©