|
رومانسية
يسعد صباحكم ومسائكم جميعا..
انا عندي مشكلة يمكن تكون بسيطة في نظركم لكنها معذبتني ومطفشتني .. انا تملكت ( عقدت القران) من شهرين ومتفقة انا وزوجي والحمدلله .. :14: بتقولولي طيب وين المشكلة ؟؟؟ أقوللكم المشكلة ياجماعة في زوجي لنا شهرين متملكين وللحين ماسمعت منه كلمة حلوة ولا كلمة غزل يعني شاطر يرسللي مسجات لكن بالكلام مايتكلم وحتى لما يجي يشوفني الأخ مسوي فيها مؤدب مرررة حتى يدي مايلمسها الا لما يصافحني في بداية اللقاء .....(والله انقهر لما اقرأ عن البنات الي يشتكون من ازواجهم انهم في كل مقابلة احضان وتبويس وانا محرومة من هالشي) :( ااااااه بيذبحني والمشكلة اني رومنسية مررررررررة وطول عمري اتمنى اليوم الي بتملك فيه علشان اللحظات الحلوة الي بعيشها مع زوجي ...:25: المشكلة اني متأكدة انه يحبني وعارفة هو ليش يسوي كذا معي... لأنه خايف انه اذا قاللي كلام حلو الحين ماراح يصير له طعم بعد الزواج وكمان هو خجول شوي .......... لكني أحس ان مشاعري بدأ يصيبها الفتور بسبب هالموضوع.. و المشكلة اني مااقدر ابدا انا واقوله كلام حلو لأنه هو الرجال وهو الي لازم يبدأ .... أرجوكم ساعدوني كيف اخليه يقولي كلام حلو من غير مااصارحه لأني اخجل من مصارحته ... بانتظار ردودكم جزاكم الله خييير .. |
اصبحتى زوجتة امام الله والناس فمن المفروض ان يعطيكى كل ما تحتاجين من مشاعر واحاسيس وتبادلية ذلك ولكن من الممكن ان يكون هناك بعض الاستثناءات مثل الخجل او لسة ما اخدتوش على بعض بالقدر الكفاية او رهبة الوضع الجديد اللى اصبحتم فية وفى كل الحالات سيتطلب منكى الوضع بعض الصبر والتحمل حاولى التلميح لة عن نقطة المشاعر والاحاسيس او احكى لة بشكل عادى غير مفتعل عن صديقة لكى فى نفس ظروفك وكم هى تعانى من برود زوجها وتحفظة او صديقة لكى متزوجة وزوجها يمطرها بمعسول الكلام وكم هى سعيدة بهذا وفى كل الحالات مش لازم تبدائى وتتكلمى ولكن حاولى تشجيعة على الكلام حتى ولو بالنظرات ( اذا كان يفهم نظراتك ) او شى من هذا القبيل ,,,اتمنى ان اكون افدتك وما اطلت عليكى وربنا يوفقك ........ |
وهل يضمن بعد الزواج يمطرك بالكلام المعسول
قد يستمر على ما هو عليه ويكتفي بالنظرات أو عندما يذهب للعمل يبعث لكِ بالرسائل كما هو الحال الآن واعتقد فترة شهرين كافية جداً ليذوب وتنكسر حواجز الخجل بين المخطوبين شرعاً عليكِ بالتلميح بأي طريقة وبادري أنتِ ببعض الكلمات التي تحرك مشاعره وتدغدغها علّ أن ينحل لسانه وعقدته من الخوف أو الخجل تحياتي |
اصبري الصبر زين ..
لو كان جرئ كان قلتي ياناس الحقوني زوجي جررييييئ .. الأيام قادمة فلا تستعجلين ، وحاولي أنت بأسلوبك الخاص تطيحين الميانة .. وصدقيني اللحظات هذي طعمها بعد الزواج ألذ وأعمق .. موفقة |
طيب بادري انتي بكلمات بسيطه
مثل سلامــات ياعمري ليه تأخرت ؟ وخليها تكووون عفويه اكثر.. ..وانتي تستقبلينه هلابك عيوني والله اشتقنا لك انا وقلبي ....مادري انت مثلي ؟؟ بس مادري عن علاقتك معاه قوويه انا في نظري ان شهرين كاافيه انكم تقولون هالكلام واكثر بعد.. والله يـــــوفقك ونحظر عرسك.......:) |
مشكورين لكل الي ردوا علي ....
هايدي انا مااقدر اقول هالكلام الي انتي قلتيه والله كم مرة حاولت لكن ماترضى تطلع مني لأني اخجل منه المفروض هو الي يخليني اتجرأ على هالكلام ... على العموم والله حاولت لكن هالكلام مو راضي يطلع ... :29: وعلى فكرة انا شفته 6 مرات وباقي شهرين ونصف على الزواج وبشوفه مرة وحدة قبل الزواج بحكم انه ساكن في مدينة ثانية ونكلم بعض مرة وحدة يوميا قبل النوم ...... يعني مجموع المقابلات بتكون 7 ... :26: والله احيانا احس اني جالسة مع اخوي مو زوجي ........ :( بانتظار ردود اخرى وجزاكم الله كل خير.. |
الأخت قطرت مطر ...
اول شي الثقل في هذا الوقت زين ولزم يكون مؤدب زي ما تقولين وإن كان تبينه يكون جريئ لما تشوفينه انتى دلعيه بأسلوب مؤدب كله او كلمتيني وهو يبدأ يمكن اذا شافك تتكلمين يجوز له هل كلام ويبدأ معك وينطلق من لى هو فيه والله يوفقكم ويوفقني |
بادري وابداي انتِ ياأختي،فقد يكون زوجك خجول شوي زيادة او حساس، فسوف ترين راح تشوفين ما يخليك ولا لحظة :قبلات احضان كلام عسل ...:d تحياتي |
مشكورين اخواني الوحيد - naceurha بحاول اطبق كلامكم ( اذا قدرت ):o
بانتظار ردود باقي الاعضاء.... :rolleyes: |
السلام عليكم
لاتشيلين هم انا الحين مملكه وصار لي 8اشهر ولله الحمد وما بداء يتكلم معاي كلام حلو وغزل واحضان وبوسات الا بعد الملكه بثلاث اشهر تقريبا انتي حاولي تبينين له انك رومانسيه وتمغنجي ادا صار عندكم تفنني في نظراتك وفي حركات يدك والعبي في شعرك وعاد ان شاء الله يفهم الله يوفقك :14: |
| الساعة الآن 10:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©