مين فيكم يابنات سوت حمام مغربي
 

يا حلوات نفسي اشوف كل اللي بالمنتدى بس ياللله عالعموم ميييييييييييييين جربت الحمام ومتى بلضبط يعطي نتيجة
وهل فعلا يبيض الركب والأماكن السمرا بالجسم

انا سارلي سنتين مواضبه عليه شهريا بعد الدوره وفادني كثيييييييييييييييير

صفاء وروعه

كنت مداومه عليه قبل الزواج ونتيجته رائعه اذا دهنتي جسمك قبل الحمام بجلسوليد ثم بعد الحمام وجسمك رطب بزيت بيبي جونسون راح تحصلين على جسم ناعم:22:

وصفة سحرية مع الحمام المغربي
 

انا صار لي اسبوعيا اعمله...بصراحة مفيد جدا بالذات لو بعده عملتي حلاوة.....بعد عدة جلسات من الحمام المغربي تلاقي لونك فتح والسواد اللي في الركب تقريبا اختفى....والمناطق المسمرة في الجسم فتحت.....بس بشرط تدوامي عليه اسبوعيا لمدة شهرين...ومرة في الشهر بعد الحمام اذا كان جسمك حساس انتظري الين اليوم الثاني واعملي حلاوة..واذا كان جسمك مو حساس انتظري ساعتين او 3 ساعات واعملي الحلاوة..( لو قدرتي تعملي الحلاوة مرتين بالشهر يكون افضل) ولا تنسي الطين المغربي او الغسول وهو عبارة عن طين مخلوط بالماء يوضع على الجسم لاكسابه نعومة وكمان يقفل مسامات الجسم ( في عشبة اسمها داد يعرفوها المغاربة...شكلها مثل جذع الشجرة تطحن جيدا وتوضع مع الطين المغربي ..تفتح الجسم وتبيضه) اغلب الصوالين تعمل سعر للحمام العادي وسعر اغلى للحمام بالاعشاب ونصيحتي للاخوات انهم يشترو الاعشاب و ياخذوها الصالون ..كدة يوفرو في سعر الحمام والاعشاب هذي عبارة عن طين مغربي وعشبة داد وعكر فاسي ( يوجد عند العطارين او المغاربة بس انتبهي لا يكون مغشوش اذا تبغي الاصلي حيكون غالي خذيه من عطار في سوق مشهور في طريق المدينة النازل في جدة) معليش ما اقدر اقول اسم المحل عشان قوانين المنتدى ) اتبعي وصفتي بحذافيرها وحتدعي لي حتلاحظي جسمك اتغير من حيث اللون والنعومة...وزوال الاسمرار..بصراحة شئ خيالي:22: ...بعد الشهرين تقدري تخففي الجلسات وتخليها مرتين شهريا...بصراحة مرة في الشهر مو كافية ابدا مع احترامي للعضوات
ملاحظة: مهم جدا ان اللي تعمل لك الحمام المغربي تكون شاطرة ويفضل المغربيات لانهم افضل من الجنسيات الاخرى اسالي عن افضل الصوالين اللي تعمل حمام مغربي...واغلب الصوالين صارت تخفض اسعارها في وسط الاسبوع او تعمل عروض معينة ( عدة خدمات ب 100 ريال ) استفيدي منها لانه بصراحة الحمام المغربي في جدة غالي اغلب الصوالين تعمله ب 150 ...لكن صارو يعملو عليه خصم 50% في وسط الاسبوع لبعض الصوالين يعني يصير ب 75 ريال..مرة سعر حلو
مع تحياتي لاخواتي في المنتدى....لا تنسوني من دعائكن ::23:

الحمام مغربي ممنوع مع الكريم
 

اختي العزيزة من شروط الحمام المغربي عدم وضع اي كريم او دهان على الجسم حتى يطلع الجلد الميت مع التدليك بالليفة.....كيف تستخدمي الجليسوليد وبعدين تعملي حمام مغربي؟؟؟؟ هل انتي مجربة الحكاية هذي؟؟؟ والا استنتاج؟؟؟ وهل فعلا يزول الجلد الميت بعد وضعك للكريم؟؟؟ انا جربت مرة غسلت شعري بالشامبو البسلم ثم دخلت البخار بعد ما وضعت الصابون المغربي...عند التدليك ما طلع الجلد الميت..استغربت!!! سالتني المغربية اذا كنت واضعة كريم او بلسم او دهان...قلت لا بس غسلت شعري بالبلسم ونزل على جسمي طبعا...قالت لي خطأ قبل الحمام لا تعرضي جسمك لاي كريم او مرهم او بلسم او زيت لان هذي المواد تعمل حماية للجلد من الليفة المغربية..وبالتالي ما يزال الجلد الميت بس ممكن بعد الحمام...نصحتني المغربية اللي تدلك بالصالون قبل الحمام المغربي بيومين ما اضع اي كريم على جسمي

اختي الفاضله هذا الكلام عن واقع تجربه يعني ثلاث سنوات تجربه وكريم الجولسريد استخدمه استخدام يومي للتوضيح اكثر مااحطه خصيصا قبل الحمام بس هو كريمي المفضل لبشرتي ونصحت فيه الاخت الفاضله لأنه يرطب البشره ويبيضها لأنه خالي من المواد العطريه القويه اللي تسبب للبشره السواد000وعذرا اختي اذا كان ردي الاول مش واضح وصدقيني بعد مااعرض جسمي للبخار ثم ابدا بالتفريك تطلع بلاوي سواء جسمي فيه كريم او مافيه لان الصابون والبخار والتفريك كفيل انه يقشع جميع الطبقات اللي على الجسم اجل وش الفايده منه

حبيبتي ريما2000

انا جربت الحمام المغربي ...... رائع ونتيجته حلوه وفعلا يوحد لون الجسم ويزيل السمار من بعض الاماكن

بس ماتكفي جلسه وحده لازم عدة جلسات ويبين الفرق

سويه عند وحده مغربيه متخصصه في مركز نظيف ومرتب (اهم شيء نظيف وتأكدي من نظافته)

وما راح تتحسفين .......................

وسلامتك

يا بنات انا اعملة فى البيت بس نفسى اروح الصالون و خااااااااااااايفة من التصوير و الكاميرات و هذا غير ان هناك عورة المرأة على المرأة
انتبهوا لا تتعروا برات البيت ما فى شى مضمون بها الزمن

السلام عليكم
ليش تتعبون نفسكم وتسونه فالصالون (زيادة مصاريف) اشترو الاعشاب وسووه فالبيت ولاعشاب للي قالتها الاخت الرماح الحزينة جدا مفيدة وانا احش ان الحمام المغربي فالصالون او في البيت نفس الشي بس الحمام فالمغرب غيييييييير تطلعين كانك مسوية تبيض شامل وكغييييييييييييير لانه يكون فمكان او صالة كبيييرة وبخار كثييف ويسخن الحمام عن بالاخشاب بشكل طبيعي مع مواد طبيعية 100% لذالك النتيجة غيييير وبزيد على وصفات الاخت الرماح الحزينة وصفة اخري وهي الحنة مع الداد وعصير ليمون الحامض تخلط وتحط على كامل الجسم لمدة 10 دقايق اوكثر تم تغسل اذا اتبعتو هالطريقة بانتظام راح تختفي كل البقع والحبوب وراح تصير البشرة صافييية وناعمة هالوصفة مجربة و نتايجها رهييييبة
مشكوريييييييييييييييييين

والله انا اسوي الحمام وماشفت نتيجه واسمع الناس يطلع منهم كتل اللي تعرف الطريقه صح تكتبها وبعدين اذا فتحت البخار اول شي اجلس كثير بعدين احط الكريم ولا لا