|
زوجي العزيز .. البس لي مثلما ألبس لك :(
انا نوعي كــــــــــــــــــــــــــــنــــــــــــــــــــ ــــت البس تنانير بالبيت قصيرة جدا وشورتات وبلايز اشكال وألوان ولبس كل ما هو مغري ولكن زوجي دائما وأبدا بالسروال المكسر والفانيلا الداخلية :( عيزت ومليت وانا اقول له بليز غير لبسك .. شريت له بجامات تنلبس لبسة وحده وبعدين تختفي وكنت احسسه شكثر انجذب له وارغب فيه اذا لبس لي وترتب شكله دايما أقول له مثل ما انا ألبس لك انت لازم تلبس لي مثلا ما على طول اجدد بلبس البيت وألبس كل شي يعجبك ويغريك لازم تهتم بنفسك لي وصلني مرحلة من الملل اني قمت من فترة اقعد جدامه بالبجاما وانام بالبجاما عندي وايد قمصان نوم يديده حتى ما انلبست بس والله ثم والله ان انسدت نفسي عنها نسيت شي اسمه قميص نوم والسبب اهو بعدين قلت مو الا البس له .. خل البس لنفسي بس والله يتلي حاله نفسية اني الحين وايد احس اهملت نفسي بسببه لاني ما احسه يهتم بنفسه لي .. وانعكس هذا الشي علي مليت وانا اكلمه ابهالموضوع بالعصبية وباللين وبساعات الرضى يوعدني خير بعدين يقولي انا ما ارتاح الا جذي الحين جسمه تغير وطلع له شوي كرش :11: يعني مع السروال المكسر والفانيلا الداخلية بالنسبة لي احط عليه ( إكـــــــــس ) ليش في رياييل جذي ؟؟ دايما يطالبون زوجاتهم باللبس وقمصان النوم والماكياج واهم مو قادرين حتى يلبسون بالبيت لبس مثل الأوادم والله بنفجر :( |
اول ماقريت موضوعك أحسب نفسي انا كاتبته بدون ماادري
المشكلة هذي عندي بالضبط نفسها ماتختلف عنها ابدا مع اني اهديه شورتات وبيجامات انواع واشكال |
أنا معـــــــكم ابي حل!!!!!
لاني لدرجه البس اشياء غبيه ملييييييت افيدوووووووووووووووووونا جزاكم الله الف خيييير اختكم |
عادي اختي هما طبعهم هيك مابحبه يكونو في البيت
الا بملابس الخروج احسن ماحدا ينادي عليهم ويتطروا يطلعوا مرة تانية وبكون عليهم يرجعوا مرة ثانية يغيروا ملابسهم بس مع الوقت بتعودوا |
الله يعين ازواجكم عليكم اقسم باللــه كرهتونا بالزواج زوجي مايلبس زوجي حار زوجي بارد زوجي طويل زوجي قصير زوجي مايضحك زوجي مايعصب زوجي دوامه طويل زوجي دوامه قصير زوجي راعي طلعات زوجي بيتوتي وعلى هالحاله :( ياناس مافيه انسان كامل افهمو هالشي ياناس خافو الله في ازواجكم معقول كل الازواج غلط وانتم الصح ...!! سابقاً الوم زملائي الازواج اذا جوني وانا عزوبي وقالو لي ياله خلنا نطلع نغيير جو نسافر ننحاش من هالديره بالدوام ضغط والبيت نكد !! بس الان عرفت السر عن نفسي ماتزوجت بس حسيت بمعانات هالازواج ... بس ابيكم تعرفون شي المراءه المرتبه العاقله الدينه المحترمه ... والتي تهتم بمنظرها وجمالها وزوجها .... لن تجد اي تقصير من زوجها ابدآآ وانا مقتنع جــدآآ ان اغلب الزوجات الانتقاديات هم اساس التقصير قارنو الازواج من زوجاتهم الزوجه المهتمه تجبر زوجها على رد الجميل وزياده والعكس صحيح وانا اقول هالكلام من واقع تجربة اصدقائي الازواج فهناك نوعان منهم واحد مهتم بزوجته ويراعيها ويحب يمدحها عندنا ويثني عليها لانه وجد الاهتمام منها والثاني نجد منه التهرب منها ولا يجيب سيرتها لابخير ولا بشر لانه يبي يريح باله منها ومن نكدها وانا قادر احكم على زوجته وانا ماشفتها ولا اعرف عنها شي بس من تصرفات زوجها واهتمامه بنفسه وببيته !! وافهم يافهيم ...!! |
انا بقول لك على شغله دايما اقول حق زوجي البس
زي ماانا البس لك بس انا الحين اقدر ظروفه يجي من الشغل تعبان وخصوصا ان دوامه طويـــــــــــل فلما يجي البيت المفروض يرتاح حتى بلبسه وارجالنا عندهم السروال والفانيلا اريح شي زي ماهو قدر حالتي لما حملت ماكنت اقدر البس له زي اول زواجنا وماتذمر فمن الواجب علي احترم راحته في لبسه بس انا ماالومك الوحده منا تحب تشوف زوجها انيق وحلو فانا انصحك تقولين لزوجك واذا مافاد حطي له يوم ملابس انتي مشتهيتها عليه على السرير وعطريها وبخريها وقولي له يلبسها يمكن تفيد هالطريقه الله يهنيك ويسعدك |
ياختي اذا طلب السروال الطويل والفانيله عطيه الشورتات والقميص انا عن نفسي زوجتي الله يخليها لي ويطولي بعمرها عاملتني كذا وبصراحه فالاول مليت وطفشت وصارت تقولي ليش مايعجبك القميص والشورت او البرمودا واعطيها السبب اقولها انه ثقيل تروح السوق تجيبلي قماش خفيف اقولها الالوان غامقه ماحبها احب الالوان الفاتحه لا ويكون الشورت واسعععععععععععع مرررره عشان الهواء يخش ويطلع بسهوله يعني الواحد يلبس يتبرد صارت تجيبلي وطبعا كله من حسابي لانها مو موظفه بس اقول الله يخليها لي وبكذا مشيت العملية وعلى قولت القايل زوجك على ماعودتيه عودي زوجك يتعود وتعمدي تخفي عنه سروايلها اللي ماتحبينها قوليله وسخه او تقطعة كذا ويكون البديل واسع وبارد والوان فاتحه وانشاءالله اكون ساعدتكن اخوااااااااااااااااااااااااااااااااااااتي ياالله كل وحده بلشانه مع زوجها تطبق وتدعيلي
|
أختي العزيزة ...متزوجة ..لعلك لاحظت ان معظم الاجابات اتفقت على ان الرجل الخليجي بشكل عام يحب ان يبقى في المنزل بالسروال والفانيلة ... ومنهم زوجي ... والعذر كما تفضلتي .... انا ارتاح اجلس كذا ...
صار لما يرجع من الدوام يدخل يسبح ... اكون انا مجهزة ملابسة اللي انا ابغاه يلبسها في سلة معاها شوية ورد وعطره الخاص ... يوم يرجع يلاقي .. لبسه العالمي اللي هو يحب يجلس فيه ( بكذا حس لني مو قاعده افرض رأيي عليه ) يوم احط له ملابسه وكأنها معروضة في معرض ... اعلقها بشكل حلو ... وهكذا ... اليين ما صار يجي ويقول لي ... ويش تبيني البس لك اليوم ... بس لاحظي المسألة ما تمت بين يوم وليلة .... كان فيها اخذ ورد ... وخذت مني وقت كثيييييييييييييييير بس الصابر يلاقي خير ودمت يا عزيزتي |
ياجماعة نبهتوني تروني من اصحاب الملابس الداخلية
الرجاء وضع حلول منكم واقتراحات عن نوعية الملابس اللي تتمنى الواحدة منكم تشوف زوجها لابسها والالوان المفضلة ان اردتم وشكرا على الموضوع |
كلامك سليم 100% و مع ذلك لا ارى مانع اذا كان الزوج من أصحاب الملابس الداخلية ان الزوجة تشتري له بيجامة حلوة او شورت حلو مع فانيلة كت او روب و تعطره و تحطه له بعد ما يخلص سباحة و تشوف وش اللي يصير. في الغالب اتوقع بيلبس للتجربة هنا تجي شطارة الزوجة بالمدح و التغزل لتقنع زوجها انه شكله كذا احلى. اعتقد التشجيع يفيد في كثير منى الأحيان.
اخوكي Romancy |
| الساعة الآن 01:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©