منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)

- مطبخ المرأة (http://www.66n.com/forums/forumdisplay.php?f=81)

- - الفته السوريه (http://www.66n.com/forums/showthread.php?t=85542)

الفته السوريه

مرحبااا صبايا كيفكم ان شاء الله تمام

بنات بدي منكم الفته السوريه لو سمحتو ضروري بدي اياها اليوم
فيها خبز ودجاج ولبن بس ما بعرف الطريقه بليز لحقوووني عليها اليوم تحياتي لكم

وينكم يا عالم كل شوي اشيك على الموضوع ما جدا بير
د

الي بيعرف يرد عليه الله يخليكم


	مرحبا بالأخت. أنا سوري ومعلوماتي بالطبخ منيحة لأني عشت عزابي طول عمري وبعرف أطبخ يعني ماشي حالي الفتة السورية أو (فتة الجاج): أولا يسلق الدجاج جيدا مع وضع فلفل وبعض حبات الهال للمرقة (للنكهة). ثانيا: يطبخ الأرز (حوالي كاسة ونصف) بجزء من مرقة الدجاج (أو يضاف إلى مائه مكعبات ماجي) ثالثا: تأخذ كمية مناسبة من مرقة الدجاج بعد السلق ويفضل أن تكون دافئة وليست حارة جدا (حتى يسهل إمتزاج الطحينة واللبن) ويضاف إليها بعض الثوم المهروس ويضاف إليها طحينة ولبن وتخفق بالخلاطة أو يدويا. رابعا: يقطع الخبز يدويا الى قطع صغيرة مثل اللقمة ويمكن تقميره بالفرن أو قليه ببعض السمن حسب الرغبة. خامسا: يوضع الخبز في صينية مناسبة ويضاف إليه كمية مناسبة من مزيج المرقة والطحينة واللبن والثوم بعد تسخين المزيج دون جعله يغلي (لأنه إذا غلى المزيج فسوف يفرط اللبن وتتغير طعمته (كمية تكفي أن يتشربها الخبز دون أن يبقى جافا أو أن يصبح غارقا في المرقة. سادسا: يوضع بعدها الأرز المطبوخ الساخن على وجه الخبز . سابعا: يوضع لحم الدجاج فوق الأرز. ثامنا: يرش على الوجه لوز مقشر ومقلي بالسمن البلدي وبعض البقدونس. تاسعا: ألف صحة وهنا للجميع. مع تحياتي: شب حباب

الف الف الف شكـــــــــــــــــــــــر اخي الكريم
الله يجزيك الف خير
وهذه هيه الطريقه الي بدي اياها
وما شاء الله معلم بطبخ طلعت
الله يجوزك يا رب
مشكور خيو

تحياتي

اختك حنان

هناء تقريبا مثل طريقة الاخ بس نعمل الرز مفلفل مع اللحمة الفرمة و لا نضع طحينة مع اللبن المثوم نضع معه نعنع ناشف و هو حسب رغبتك بس اله نكهة كتير زاكية و اذا مابدك نعنع ناشف على الوجه مع اللوز و الصنوبر ضعي بقدونس مفروم و كمان ملاحظة لا نضع اللبن على النار هذه طرقتنا و كل واحد طريقته شكل بعد ما انتهي من كل شيء كله بيكون سخن طبعا فقط من 5 الى 1- دفائق في الميكرويف او في الفرن و صراحة احنا بنعملها في جاط البايركس و ادعيلي

الفتة السورية أأأمم أطعم أكلة عندي تسلم يدك