يريد أن يتزوج ولكن!!
 

السلام عليكم


اخواني ودي استشيركم بموضوع ما يخصني واتمنى اني القى الجواب الشافي منكم


هي قصه لاحد زملائي

قصته هيا كا التالي

زميلي نفسه يتزوج وصار حلم بالنسبه له الزواج يفكر فيه 24 ساعه المشكله مو هنا المشكله ان والده متوفي وهو يحب امه واكثر واحد متعلق في امه من بين عيالها مع انها عندها اولاد وبنات كثير غير بس هو متبط فيها ويحبها حب شديد جدا
طبعا الرجال منضبط ولا عنده يمين ولا يسار من يوم انه صغير طبعا هو مو كبير عمر 23 سنه لكن عقله عقل واحد عمره 50سنه ما يفكر مثل الشباب ولا عنده مثل رغباتهم ابدا تخرج من الثانويه وعمره 18 سنه طبعا ما قبل في الجامعه اتجه للوظيفه براتب لا يتجاوز 2500 ريال المهم صار يوفر من راتبه الثلثين ويصرف الثلث المهم كون راس مال مش بطال دخل عالم الاسهم وبدا بالشغل على اصوله ويلا الفلوس من كل جهه وفقه ربي

صار يدرس بالليل لين اخذ دبلوم لمده سنتين وترقى بوظيفته لين ما وصل راتبه حوالي 5800 طبعا طلع من الاسهم وقرر يبني بيت له طلع قرض من البنك مع الي عنده وفعلا بنا البيت وعلى وشك انه ينتهي

طبعا الرجال محد ساعده بريال واحد حتى ابوه ما عنده ورث يعني هذا كله من تحصيل يمناه

طبعا الولد رزين جدا وكل زملائه ناس اكبر منه وانا واحد منهم يعني مايحب يجلس معد ناس نفس عمره
الولد عجبني وعجب مديري بالعمل وتمنيته لختي صراحه
حتى مديري وده ياخذ بنته تعرفون الي كذا نادر ها الايام

يعني كون نفسه صح
عنده بيت وسياره انا ماعندي مثلها ولا مديري بالعمل الي هو مديره بعد والي فوق هذا كله محترم جدا لابعد درجه
وماشاء الله عليه بفهم بكل شي
عقار اسهم سياسه حتى الحياة الزوجيه يفهم فيها لدرجه خياليه

هو نفسه يتزوج بس يقول ماودي اخلي امي لحالها مااقدر ابدا طبعا اخوانه مو من النوع اللي يئيد الزواج بمثل هذا السن

بس عاد الرجال كون نفسه معد له شغل باحد يعني مو بحاجة احد عنده اشياء لايملكها اخوانه الكبار

بس يرجع ويقول امي قلت ياخي اسكن معها قال انا اعرف امي ولا ودي اضغط عليها قلت طيب بيعو البيت واعمر بيت لك انت وامك جنب بعض قال ودي بس امي رافضه تقول رايحة ابوك بعدين ما بقى بالعمر كثر الي راح

قلت وش بتسوي ونت باني بيت ومجهز نفسك قال ابي ابيعه وش اسوي
قلت انت تبي العرس قال ايه ودي بوحده اسولف معها يعني تعرفون انتم عاد الباقي تشاركه حياته

عاد الحين هو محتار وده وما وده بالله وش يسوي

ولله لو يبي اختي اعطيه له بس عاد استحي اقوله رجال ونعم فيه
لا سفريات ولا تجمعات ولا خرابيط وشايل بيت اهله على راسه يا حظ اهله بس يعني يومه من الدوام للبيت والعصر مقابل العماره وبعيدن يرجع للبيت يجلس مع امه ويسولف معها لين تنام وبعيد يروح ينام بالله فيه احد مثله

تم تعديل العنوان

ما شاء الله

اخوي ولله مدري وش اقول لكن اذا هو محتاج الزواج لا يتردد ترا هذا مصيره

والله انا ارى ان الوالدين احيانا بيتسلطون على اولادهم وخاصة منهم المطيعون من الاولاد.
ما شاء الله الولد ملاك حسب ما حكيتنا ياأخينا عليك ان تنقي له فتاة جميلة وتعرضها عليه وتروح معاه الى عند والدة وتقنعها بهاي الزواجة لانو نصف الدين.

يمكنلك تعرض عليه اختك ما تستحي مو حرام ولا عيب لانك تريد فعل الخير. والله المستعان.

والله انا عندي نفس المشكلة مع والدتي انا الولد الوحيد ولا تريدني اتزوج على كل حال هداهم الله اوليائنا واصلح بالهم.

ماشاءلله علييييييه ماشاءلله انتبه تجيله عين الله يحفظه .............. والله ياخوي اذا انته فعلا ضامن الرجال وفعلا

كفؤ واخلاق مافي اي عيب تعرض عليه يتزوج كريمتك اذا ماتقدر بطريقه مباشره جيبها بطريقه غير مباشره .......

صراحه الرجال يعني جاهز مو ناقصه شي وسالفة امه مش ساده طريقه بلعكس مصيره يتزوج مابيقعد عزوبي طول حياته

انته فهمه هالشئ ..........انا من رأيي لازم وحده تستاهله وتكون باره بأمه كثير اسعى انته بموضوع زواجه وحتى اذا

مازوجته كريمتك دورله الحرمه اللى تستاهله

[QUOTE=برادو]
ولله لو يبي اختي اعطيه له بس عاد استحي اقوله رجال ونعم فيه
لا سفريات ولا تجمعات ولا خرابيط وشايل بيت اهله على راسه يا حظ اهله بس يعني يومه من الدوام للبيت والعصر مقابل العماره وبعيدن يرجع للبيت يجلس مع امه ويسولف معها لين تنام وبعيد يروح ينام بالله فيه احد مثله
[COLOR="Blue"]



وعليكم السلام ورحمة الله وبركاته ..


المثل يقول أخطب لبنتك ولا تخطب لولدك ..


وأكيد أختك في غلاوة بنتك ..


وما فيها شيء لو عرضت عليه .. بأسلوبك بشكل ما تهين اختك في المستقبل من الطريقة إللي تزوجت بها .


وبالنسبة لأمه يسكن معها أذا كانت وحيدة فالأفضل أنه ما يتركها ..

الله يوفقك ويوفقه وأختك بعد ..

ماشاء الله لاقوة إلا بالله

وين نلقىشباب مثل كذا بهذي الأيام

الله يسخر له الزوجة الصالحة الي تسعده وتحقق له آمانيه

اخي الكريم فعلا هذا الرجل نادر في هذه الحياه واتمنى من الله عز وجل انه يوفقه في دنياه واخرته وانه يوفقه ببنت الحلال الصالحه التي تسره ان نظر في وجهها وتحفظ عرضه ان غاب عنها اما مسالة انه يبي يبر امه بعدم الزواج فبصراحه انا ماشوف اللي يسويه بر فيها بالعكس اذا والله الانسان عنده قدره ماليه وعنده بيت يتوكل على الله ويخطب ويترك عنه التردد وقله ترى والله مافيه زي الزواج المبكر اللي حثنا عليه الرسول صلى الله عليه وسلم يكفيه انه يستانس بعياله وهو في عز شبابه وانت اذا تشوف انه كفو لاختك ياخي اعرض عليه الزواج منها ترى ماهو عيب وترى كثير من سلفنا عرضوا بناتهم واخواتهم على رجال اكفاء منهم عمر بن الخطاب وسعيد بن المسيب وغيرهم ويقولون في الامثال اخطب لبنتك ولا تخطب لولدكترى مافيها حيا ربنا يوفقه ويسعده ويرزقه بالزوجه والذريه الصالحه

ما شاء الله عليه في هالزمن الي مثله نادر او ماله وجود!! اخوي مافيها مشكله انك تعرض عليه اختك وايد عادي وياماصارت فاتحه في الموضوع وبما انك تعرف لاختك تقدر تفهمها اذا وافق اشكثر انه يحب امه علشان يخلونها قريبه منه .. والله الموفق