|
أنا في حيره
السلام عليكم
اابي اخذ رايكم بشي واتمى تفيدووني انا عمري 21 انخطبت قبل فترره لشاب الكل يمدحه اهلي موافقين عليه استخرت الله والحمدالله ارتحتله كلمت امي اني اابي شوفه شرعيه قالت طيب بقول لابوك قالتله وقال اوكي قبل مايجون الرجال ناداني وقال وش شروطك وش اللي تبينه قلت بكمل دراستي على الاقل لاخر سنه واستحيت اقول اابي شوفه خليته امي تقوله تفاجات بعد كذذا انه ماقالهم نبي شوفه استحى ابوي لا العريس ماطلب انا كااان ودي اشوفه امي تقولي شكله زين وخلاص انا ماابي اشوفه علشان الشكل بس اابي حقي اابيه يشوفني زين وانا بعد اابي اشوفه سكت فتره وقلت لامي وعصبت علي وقالت لابوي قالي اوكي بس بزعل اذا ودك اخلي امك تدق على امه وتقوله وش رايكم انا ماابي ازعل اهلي احسهم مستحين وبنفس الوقت انا ماابي اتنازل عن هالحق بعدين مو غريبه ان عريس ماطلب شوفه:( ااابي رايكم وش اسوي |
هونيها تهون
اذا اتكم من ترضون دينه وخلقه فزوجوه اهم شيء ان لا يكون دميم الخلقة فاذا كان شكله مقبولا وه1 يمكن معرفته من ابوك لانه راه يكفي تحياتي |
وعليكم السلام ورحمة الله
الشوفه من حقك الشرعي وبإمكانك ترفضي إذا لم يتاح لكِ ذلك والمحير فعلاً أن العريس لم يطلب الشوفه لا يكون لديه علة أو مشكلة ولذلك خشي من رؤيتك له فترفضينه رأيي أن تصري على مطلبك الشرعي برؤيته قبل عقد القران حتى لا تعضون أصابع الندم فيما بعد ومبروك مقدماً تحياتي |
النظره الشرعيه من حق الطرفين وليست حكراً على الرجل فقط انا متأكد ان الرجل يريد هذه النظره بل ومتشوق لها .. لكن قد يكون يخجل من هذا او هناك اي سبب ما لكن مبا انك لاتريدين ان تتنازلي عن حقك انا انصحك ان تكلمين شخص من عائلتك كان اخوك او خالك او عمك المهم يكون فاهم وواعي وقادر على شرح الموضوع بطريقه غير مباشره ويتطرق الى ان الشريعه السمحه احلت النظره الشرعيه ويوضح لها اهمية هذه النظره لان هذه النظره لها اثر ايجابي كبير على الطرفين ومن الذكريات الجميله بالحياه الزوجيه والتي لاتنسى ابداً مبروك مقدماً اتمنا لكم حياه سعيده كل التحايا لك |
عزيزتي لاتتنازلين عن هالحق انا لما انخطبت قالوا اهله انهم بيجون يشوفوني بس انا رفضت قلت ابيه هو يجي يشوفني اول لأني انا بعد ابي اشوفه وهذا من حقي
.... لا تخافين هالموضوع مايزعل وحتى لو اهلك كانوا منحرجين خليهم ينحرجون شوي ولا انكم بكرا تشوفون بعض بعد الزواج ولا تعجبون بعض .... |
أنا رأيي من رأي الأخت قطرة مطر...
والله يوفقك ويقدملك الخير :) |
لازم تشوفية ويشوفك لقول الرسول علية افضل الصلاة والسلام احرى ان يود بينهما
|
وعليكم السلام
هلا عزيزتي انصحك بالروية الشرعيه فهذا شيء مهم حتى لو الشاب ما يريد انتِ لازم تشوفينه عموما شوفة شرعيه لاتاخذ اكثر من 10 دقائق بحضور ولي امرك بابا او اخيك المهم لا تطول الفتره الجلوس مع الخاطب لازم حتى الشرع امر بذلك إلخ لا تترددين ابدا ابدا ابدا ابدا لازم طبعا من غير ما احد يدري فقط اسرتك واطلبي الشوفه الشرعيه للخاطب اي خاطب يتقدم لك وبدون ماتخبرون اقاربكم إلخ اتمنى اني افدتك ودعواتك بظهر الغيب |
اختي الكريمه
اعجب لوجود اناس يفكرون مثل اهلك و خطيبك في زماننا هذا و يهملون حق هو من اهم شروط نجاح الزواج و قد تنبه له الدين و امر به رسولنا الكريم منذ اكثر من 1426 عام الا و هو النظره الشرعيه التي تولد الموده و الرحمه. لعلك قد لا تعجبيه او لعكس اري ان تصري علي حقك الشرعي قبل عقد القران و كفانا اهمالا لمشاعر المرأه و حقوقها الشرعيه و فقكم الله الي ما فيه خيركم د. نبيل |
| الساعة الآن 07:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©