هل ارجع لهذا الزوج ؟
 

اكتب لكم مأساتي وارجوا ان اجد لديكم السبيل إلى راحة البال التي ودعتها من زمـان ..
انا متزوجة من 4 سنوات من رجل يقرب لي لكن من دولة اخرى من الخليج .. المهم تفنن هاذا الزوج في خيانتي على مدى أربع سنوات .. لدرجة انه خانني على فراشي ولكني سامحته لأني احبه ... وتوالت خياناته كل يوم مع وحدة غير شكل وانا في نفس الوقت احاول اكسبه مرة بالطيب ولما الطيب مانفع قلت اشد عليه وبعد مانفع ..
صارحته وقلت له عن اللي ايسويه رد علي وقال ( إن مافي زوج مخلص ) وإذا انا كنت ادور الاخلاص ترى ماراح احصله ولا مع احد ..
المهم كثرت المشاكل بيني وبينه وطلب مني اخذ له قرض من البنك ولما رفضت عصب وتعكرت حياتنا اكثر الا ان قال لي انا طـــالق !!!! وبعدها استسمح مني وقال ان اللي صار جدد حبنا على قولته ..وقررت ارجع له عشان ابني ولأني اشوفه لأي درجة متعلق في ابوه ..
المهم توقعت ان اللي صار درس له بس للأسف مستمر في خيانته .. أول ماأنــام يطلع ويكلم فلانه وعلانه ويتم لين الساعة 2 أو 3 صباحا ..ولين يستوي الصبح احنا انكون قاعدين واهوه في سابع نومه طبعا من السهر على التيلفون .. مع العلم اني مااشوفه إلا نهاية الاسبوع حسب طبيعة شغله ..
اهله كلموه ومافي فايدة .. اهلي تدخلوا وبعد مافي فايدة .. والله اني ماقصرت معـاه ودايما اهتم في ادق التفاصيل واحاول ابدع له على قد مااقدر واللي يبيه اسويه له اياه ..
محتاجة مساعدتكم ومشورتكم هل اصارح هالزوج بخيانته الجديدة واللي ماخذه عقله وتفكيرة .. أو اطلب ان يتمم الطلاق وكل وااحد يروح في حاله .. أرجوكم ساعدوني ماعندي احد غيركم استشيره

انا قريت رسالتك وحطيت نفسي مكانك
بصراحه انتي انسانه عجيبه خانك مو بس بالتلفون الا على فراشك بعد!!!!!!!!!!!!!
وللحين تفكرين فيه
اختي زوجيه بالحلال ان كان يعني ينصلح حاله
اعرضي عليه الزواج ....اقلها قاعد ايسوي شي حلال مو حرام

وان رفض الزواج اتركيه ترى والله مثل هالازواج مايستاهلون الواحد حتى يناظر لهم برحمه

وعلى كلمة مافيه زوج مخلص ؟؟؟؟ من قالك؟؟؟ والله مثل مافي زوجات مخلصات فيه ازواج مو بس مخلصين الا متفانين في الاخلاص

اختي لو خليت لخربت
هوه قاعد ايطالع شلته الفاسده علشان كده ايقولك مافي رجال مخلص

أ ختي الحبيبة
أ نا في رأ يي بأ ن الز و جة ,يجب أ ن تحس مع زوجها با لأ ما ن ,لأ نه شر يك حيا تها ,وهذ ه الصفة للأ سف غير مو جو د ة عند ك مع ز وجك
فمن ا لمفر و ض أ ن يتو ب بعد أ ن صا ر حتيه با لخيا نة الأ و لى بل تما د ى في ذلك
لهذ ا حبيبتي يجب أ ن تجلسي معه من أ جل ولد ك وتأ خذ ي منه و عد بأ ن لا يعو د لذ لك و إ لا خذ ي الحل الأ خر
ونسأ ل لهد ا ية والفرج من الله

Nergis
الف شكر على ردك على مشكلتي وبالنسبة لموضوع الزواج انا فكرت فيه مع انه صعب وايد ولو اني اعرف ان اللي يسويه بعد اصعب لكن إذا اهوه مايرجع البيت إلا نهاية الاسبوع كيف بيعطي كل وحدة فينا حقها ؟؟؟

Zayna
اشكرك على رد على مشكلتي بس ياعزيزتي الوعد اللي تقولين عنه اخذته بدال المرة مليون وكل مرة يبدي اسفه لي وانه يحبني ومايستغني عني بس تعود حليمة لعادتها القديمة ... ياما تصارحنا بس مافي فايدة

أنا زوجي كان يكلم بنات بس.. وكنت باموت..
وإنتي زوجك خانك وعلى فراشك..
أنا منك ما اقعد معاه لحظة وحدة..

في نوعية من الناس ما يتغيرون ووعودهم بليها وشربي مايتها..
ومن قال إن مافي ريال ما يخون..
هذا عذر أقبح من ذنب..

انا مع اختي بحرينية ولكن يعني اذا الرجل يكلم بنات نص مصيبة لكن خيانة عالفراش الله يعينك يا اختي ويساعدك كيف قدرتي تحملتي هالصدمة بصراحة انا لو مكانك اتركه لان لا يتراجع عن الغلط ودايما مستمر ومنو عامل اعتبار لا لك ولا لاحاسيسك وشعورك الله يساعدك على ما ابتلاكي ويهديه ويصلحه

الاخت بحرينية ولكن ... على قولتج في ناس وعودهم بليها واشربي مايها واعتقد ان زوجي اول هالناس ...
انا سامحته على خيانة الفراش ظننا مني ماراح تتكرر وتوقعت اني باكبر في عينه لما اطوفها وبيقول زوجتي عاقلة وتبي تحافظ على علاقتنا الزوجية بس للاسف الظاهر ان اللي فهمـاه العكس وصبري مش فارق معاه ..
شكرا على ردك ويعطيك العافية

rima
الف شكر زوجي للاسف مش عامل اعتبار لي ... والله ياريت شفتوه كيف كانت حالته متأسف ويحلف ويوعد وانا توقعت انه صج بيتغير بس خسارة عمري كل يوم يضيع اكثر ومافي فايدة ..ومحتارة شنو اسوي ؟؟؟

اولا : اللّه يساعدك ويريح بالك ويعطيك ما تتمنين ...

ثانيا : ليش ما تستشيرين احد من أهلك أخوك او اي شخص من عائلتك تحسينه قريب منك يساعدك ويوقف يمك...

ثالثا: اذا موا حابة تكلمين احد من أهلك في الموضوع صااااااارحية وفهمية انه هالشئ اللى قاعد يسويه يدمر حياتكم ويقلل من قيمتك ووضحي له انة لو وحدة غيرك تتركه لانه ما يستاهل وفهمية انه مستحيل وحدة غيرك بتقبل فيه وهو بهالتصرفات وما بيحس بقيمتك الا اذا فقدك...
واذا تحسين انك لو رحتي بيت اهلك فترة بيعتدل سويها ...
حاولي تشوفين نقاط ضعفه مثلا اذا كان يحب ابنه ومايقدر ما يشوفه اسبوع او أكثر احرمية من هالشئ خلنا نشوف بينفعونة هالبنات اللى قاعد يركض وراهم...

وقولي له هالعبارة يمكن شوي يحس على دمه

(( كما تدين تدان)) يعني لازم بيجي اليوم اللى بيحس وبيجرب الشئ اللى قاعد يسويه فيك اذا موا منك من وحدة غيرك ...