اليوم اكمل شهر من ولدت بنتي واليوم توها جدتها شافتها اقصد ام زوجي ولا انا اللي رحت واخذا بنتي وديتها لها
تسألوني ليش والله ما ادري بس اقول لكم السالفه

قبل شهر عقب ما ولدت توقعت ام زوجي تحضر لي في المستشفى لكثر ما كانت متشوقه لحفيدتها لكن ما حضرت قلت
في خاطري يمكن مشغوله ولا شي مر يوم يومين ولا حضرت وكان زوجي كل ما يجي لي بالمستشفى اساله ليش ما حضرت معاك عمتي كل يوم على يوم يقول لي بتحضر باجر لكن للاسف ما حضرت
المهم بعد ما ترخصت من المستشفى توقعت اتجيني في بيت ابوي لكن بعد ما حضرت وانه تفشلت من الناس من كثر ما يسألوني من رده فعل ام زوجي لان ما عندها لا زوجي واخو زوجي بس وانه سميت بنتي على اسمها لانها قالت لي اول ما حملت وقبل ما عرف شنو راح الله يرزقني اني اسميها باسمهاا وانه ما حبيت اكسر خاطرها وخصوصا انها مرة كبيرة بالسن المهم
اليوم كان عندي موعد حق بنتي في المستشفى وبعد ما خلصت الا ام زوجي متصلة وقال لها زوجي تبغين امر عليج واتشوفين الصغيرة واكيد قالت له ابغي المهم بعدين سألني تروحين حق امي انه تضايقت من تصرفه لان ما سألني اول بس بعدين قلت له على راحتك وقال لي شوفي انه وايد متفشل او خجلان من تصرف امي وطول الشهر اقولها تعالي بوديج بس اهيه اتقول لي بعدين وما ادري ليش تتصرف جذي وقال انا امي عمري ما فهمتهاا ولا راح افهمها

المهم رحنا لام زوجي وانا دخلت عليها ببتسامه واخذت الموضوع عادي لكن بصراحه كنت شايله في خاطري عليهاا واجد
واهيه استقبلتني عاادي لكن بعد ما دخلت وقعدت قامت اتقول لي سوي جدي وسوي جدي يعني قامت تعطيني نصائح زيادة عن اللزوم مثلا كحليها و ربطي بطنها علشان يقوى ظهرها وانه بصراحه ما احب هالاشياء وهالتخريفات وانه كل ما قالت شي قلت لها ان شاء الله وانه منقهرة من داخل يعني ما تجيني يوم اولد واحين تعطيني نصايح وكان كل ماتتكلم وتقول نصيحتها كانت اتطالع زوجي ولدها يعني وانه ولا كأني موجوده .....
المهم بعدين طلعنا لان كان عندي جامعه يعني ما تأخرت عندهاا لكن بصراحه ما ارتحت كلش وحسستني اني مب مهتمة ببنتي؟؟!! تخيلواا

المهم بعدين وين ركبت السيارة مع زوجي علشان ارجع بيت ابوي لاني ماخلصت من الاربعين كنت منقهرة كلشي وابغي اقول اللي في خاطري الى زوجي
وقلت له ان امه خلتني احس بجدي وجدي وزجي قال لي اذا عندج شي جان قلتي لها مب اتهاجميني انه
انا بصراحه كنت ابغي افش خلقي فيه بس اكثر شي كنت ابغي اقول له شنو في خاطري لكن اهوه ما فهم قصدي
وقلت له شوف انا المفروض ما اروح بس رحت علشانك علشان تعرف اي كثر انه مستعدة اسوي على شانك ولا تتعتبر انه ارخصت بقيمة نفسي ونزلت بروحي وكرامتي....

سؤالي لو كنتي مكاني يا اختي العزيزة شنو اتسوين وهل كان كلامي لرزوجي صح ولا غلط .....





في شي ثاني بعد ادري اني طولت عليكم بس بعد انا طماعه برايكم وخبرتكم

احين انا اروح الجامعه واتعب سهر في الليل وتعرفون البقيه المشكله لين خلصت االاربعين برد بيت زوجي وبتصير عندي مشكله المواصلات الى الجامعه ومن يمسك بنتي اذا كنت في الجامعه انا كنت متوقعه ام زوجي تمسكها بس احين عقب اللي صار ما اتوقع منها شي وزوجي قال لي انا امي ما اضمنها لج وانا سألت زوجي شنو اسوي قال لي اللي يريحج بس ما دام انه بقى لج كورس وتخلصين الدبلوم تقريبا ليش ما تنسحبين وتكملين الكورس الجاي
انا مسجله حق الجامعة ثلاث ايام في الاسبوع بس وفي وقت متأخر...
انا فكرن ان ابات في بيت ابوي اربع ايام من السبت الى الاربعاء ومن الاربعاء الى الجمعه اكون عند زوجي لان بيت ابوي اقرب الى الجامعه وما راح اتعطل على الجامعه لان راح اروح مع اخواني

انتوا شنو رايكم انسحب ولا اسوي اللي في فكري؟؟؟

ساعدوني برايكم ولكم مني خالص الدعاء.....