![]() |
أهل زوجتي يرفضون ان ارى زوجتي !!!
السلام عليكم ورحمة الله وبركاته .... واسعد الله صباحكم ومسائكم والف مبروك للمتزوجين وعقبال الخاطبين انا ولله الحمد والشكر مملك من شهر ونصف تقريبن ولحد الان لم ارا زوجتي حتى قبل الملكة !!!! اسمعوا قصتي تم الاختيار على هذه البنت بعد مشاورات وأراء وتفكير طويل ... قلت للأهل توكلنا على الله وخطبنا ولله الحمد بعد فتره وجيزه تمت الموافقه .... وقتها قلت للأهل كلموا البنت وأهلها عن النظره الشرعية .. قالو ماله داعي البنت مره تستحي وصغيرة حتى اهلها ماهي راضيه تكلمهم بعد الخطبه من شدة حياها وقعدوا يوصفولو جمالها واخلاقها ودينها الخخخخ ... ومن غبائي وافقت اتزوجها بدون لا اشوفها .... رحنا ذاك اليوم وملكنا وتمت الامور بخير ... ما حاولت اكلم البنت بعد الملكه مباشرة لأنهم يبون يسافرون اليوم ألي بعده ... قعدت اتحراها لمن ترجع من السفر ودي اسمع صوتها اقل شي .. عمومن رجعوا وكان على عيد الأضحى قلت بس هذي افضل وقت عشان اسلم على زوجتي وشوفها .. ورحت وشريت ذيك الهديه لها وهديه لأمها (حركات تشبيك مبكر) ولحد الان مبسوط .. عمومن رحنا يوم العيد انا وكل الاهل عندهم كمناسبة خاصه بين اهلي وأهلها ... قلت خلني اعطي الهدي لأختي وتعطيها البنت وتقولها الرجال يبغى يشوفك ... وهذا اللي صار وبعد ما تعشينا ذيك الليله دقيت على أختي وقلتلها خلي البنت تجهز انا شوي وجي اسلم عليها ... لكن المصيبه الطامه انها قالتلي ان اهلها ألا وهم ابوها وأخوانها مو راضين وهذي مو """" عاداتنا""""" اي عادات اي خرابيط هذا شرع فوق كل العادات ... انصدمت ذيك الليله وما قدرت حتى اجلس بالمجلس ... بلعتها مع انها قوية وقلت يا رجال لمن تكلم البنت حاول تقنعها عشان تكلم اهلها .... متى كلمت البنت ؟؟؟ قبل أمس !!!!! من شهر ونص .. والله اني مقهور .. لأسباب اختبارات هذي ثلاث اسابيع وبعدها راحت تجهز من برا السعودية .. عمومن رجعت بعد ما مت الف والف مرة تمت بيننا رسائل بسيطه وكلمتها .. وعرفت ان البنت مشتاقه لي موووووووووت بس الاهل واقفين بيننا .. وزواجي باقيله 5 شهور .. كم مره راح اموت ... كم مره راح ابكي .. والله حتى الدوام ما اعرف اروحله ... افكر فيها مع اني ما شفتها ... احس اني اموت فيها .. الله حببها في قلبي بشكل رهيب ... ومتلهف على شوفنها يا اخواني ارجو ان القى الحل عندكم لاني والله ابي انجن او بالاحرى شكلي انجنيت !!! يا اخواني لمن اقرى مواضيعم الي عنده مشكله وش يجيب هديه ولي وش رسايل يرسل ولي ولي ولي وقتها اموت قهر ... كلن شايف خليله الا انا .. يعني ماراح اشوفها إلا يوم الدخله ............... أنجدوني أنجدوني أنجدوني ارجوكم ... بس لحد يقولي حاول مع اهلها لني حاولت وبائت بالفشل |
خليها ترسل لك صورة لها ع الايميل او الجوال!!!!!!!!
|
الاخر ...
أول شي الله يعينك ويساعدك وحاسة بمعانتك لانه انا مااتصور انه مااشوف خطيبي :29: كل اللي اقدر اقولك اياه انه حاول تخلى اختك نقطة وصل وتجيب لك صورتها وتوصل كلامكم حاول تعرف مكان بتروح وروح انت له بنفس الوقت :d ما عليه يمكن تحس كأنك ترتكب جريمة بس حلال وخلك من هالتقاليد البالية وصدقني خطيبتك بتفرح بهالشي |
الله يكون بعونك اخي
و لكن هناك ألف طريقة تستطيع إنك تشوفها من خلالها أختك تروح لها و تطلب منها صورة . أو إنك تروح لها في مكان دراستها أو عملها . أو تتصل فيها و تنسق معها تشوفها بعيادة ( مثلا إنها تدعي المرض بعيد الشر عنها ) . أو إنك تستلطف أحد إخوانها و تقول له نحنا شباب و ما يصير كذا و تقنعه بأنك تشوفها . و هو راح يساعدك لما يحس إنك صادق معه . أو إنك تركب رأسك و تهدد بالإنفصال إذا ما شفتها . أو إنك تصبر و تعجل بالعرس و الدخلة و ربنا يعينك |
السلام عليكم
صادق عندنا الوضع كذلك وبعض الاحيان يجيبلك اختها الصغيرة (5 او 6 سنين ) ويقولك زي هذي ندخل لصلب الموضوع اما الصور باي طريقه فانا ضدها وضد انك تروح وراها لمكان عملها او دراستها اذا ايش الحل: ياخي خلك صريح وروح لرحيمك ( ابوها ) و اخوانها وقولهم هذي زوجتي هالحين مافيها شي لو شفتها و جلست معها حتى نرتب للعرس وصمل انك لازم تشوفها حتى لو كان ابوها موجود او اخوانها ( هذي اول مره حتى تكسر الحاجز) اعانك الله |
الله يعينك بصرااااحه صعبه
المفروض انه البنت بعد يكون لها دور في اقناع اهلها لانه من حقها انها تشوفك هذا الشرع |
كلمهم بصراحة و إذا مررررررررة عندوا
لمح لهم إنك بتنفصل عنها بطريقة ماتهين فيها كرامتهم و هم ماراح يرضوها على بنتهم عشان أمر يخالف الدين و الشرع |
الله يعينك أنا أؤيد كلام الأخ فهد و أقولك لازم تكون صريح مع الأب بذاته
خلك رجال و قل أبي أشوف زوجتي و اله و شرع الله معاي تحياتي الحظ |
شفها من عند الباب بسرعه واهلها مشغولين او ماهم موجودين
او الصور احلى وافضل طريقه اما الانفصال ماله داعي ترى بتطلعلك مشاكل مالها داعي |
اقتباس:
فحتما لا تعلم ما مخاطرها وبكل أسف عندنا في مجتمعاتنا العادات والتقاليد قد تطغى على الدين للأسف يحرم الحلال بحجة العادات والتقاليد ليس أمامك إلا طريقة محاولة إقناع والدها وأيضا أطلب منها هي أن تسعى لذلك |
الساعة الآن 01:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©