|
انا وزوجي واهله
ارجوكم ساعدوني مضى على زواجي 8 اشهر اسكن في شقة قريبة من اهل زوجي وكل يوم يذهب زوجي لاهله ويعود متكدر الخاطر وعلى اتفه شي يخاصمني ويزعل هو ويقول انا المخطئة وعندما اقول له لماذا انت هكذا يقول انا لااجلس مع امي واخواتي مثل السابق ومرة يقول اختي تقول نحن لانراك في اليوم الا ساعة واحدة
وفي بعض الاحيان يقول لي اذهبي ونامي عند اهلك لاني اريد ان انام عند اهلي وعندما ارفض يغضب ومايزيد قهري اني احبه وارضيه حتى لو كان هو المخطي وهو ينام بعض الاحيان وانا بجانبه على السرير ابكي ويقول اريد ان انام عندي بكره دوام .ماذا افعل لم اعد استطيع ان اتحمل علما انه يحبني ولكن اهله لايريدوني زوجة له .ماالحل وماذا افعل اذا قال لي اذهبي لاهلك |
اذا اهله لا يريدونك زوجة له لماذا خطبوكي اصلا اما بانسبه لاهله انتي حاولي ان تتقربي منهم اذهبي معه عندهم قابليهم بضحكه وابتسامه حتى لو غلطوا عليكي حاولي ان تمسكي نفسكي وقابليهم بعكسهم تماما وسوف يتغير الحال باذن الله
|
اختي رعاك اللّه
الرجل يشعر بي الولاء لاهله لذلك يحاول ان يثبت لهم انه نفس االابن قبل الزواج وان هذه الزوجه لن تغير في اي شي واعلمي ان كلام اهله يوثرفيه تاثير كبير واحيانا يشعره بي الذنب لذلك يجب عليك ان تكوني من اكثر الناس وصل لي اهله وان تحاولي ان تعدي شي من الطعام لي اهله قبل ذهبه اليهم وان تتلمسي ما يرضيه تجاه اهله من اتصالات وهدياء لااهله وزيارات حاولي ان تبدي سعدتك بي هذه الاعمال وان تعبري عن حبك لي اهله وانك تشعرين بي السعاده اذا هو ودهم حاولي ان تكوني بنت من بنتاهم وسوف يتغير زوجك الي الافضل ان شاء اللّه تعالى |
اختي تقول نحن لانراك في اليوم الا ساعة واحدة
>>>>>>>>>>>>>>>>>>>>>>>>>>>>>>>>>>>>>>>>>>>>>> عادي....حرشه بسيطه من اخته عشان يقعد معاهم فتره اطول..لا اكثر ولا اقل....وعشان يعرفون اخر اخباره.....لا تحطين ببالك هالامور...... >>>>>>>>>>>>>>>>>>>>>>>>>>>>>>>>>>> انا لااجلس مع امي واخواتي مثل السابق >>>>>>>>>>>>>>>>>>>>>>>>>>>>>>>>>>> الظاهر ان زوحك يحب يقعد مع اهل اطول وقت ممكن......ولانكم متزوجين من فتره قصيره فزوجك مو متعود على القعده معاك كثر اهله.....بس ان شاء الله بمجرد مايسمع انك حامل.....راح يلصق فيك 24 ساعه لحد ما تملين.......وراح يلصق اكثر اذا جاكم مولود....... بعدين يكفي انك متطمنه ان زوجك يقضي هالوقت ببيت اهله مو بمكان ثاني انتي ماتدرين عنه.... وعن الزعل وخاطر زوجك المكدر ..............لاتبينين له ان اهله يحرشونه مثلا.....بالعكس حااااولي تلطفين الجو قدر المستطاع......وحتى لو زعل.....قوليله حبيبي شنو مزعلك؟؟.....واذا حاول يركبك الغلط.....قوليله انا اسفه وحقك علي يا عمري والله مو قصدي.....!!... طولي بالك حبيبتي.....وخلي الليله تعدي على خير.....لا تنكدين على نفسك وعلى زوجك فوق النكد اللي فيه...... وبعدين لا يطلع منك الكلام اللي ينرفز....وببيت اهله يلاقي الكلام الحلو.......غرقيه كلام حلو وعسل لحد ما يزهق حياته.....هههههههه وانتي وشطارتك دووووووت |
دامه يحب اهله ليش يتزوج و يبلش بنات الناس وياه .. يا اختي اذا قالج انتي السبب قوليله انا هم مو ساكنه عند اهلي و انا هم ما اشوفهم و هذا زواج و انته على الاقل كل يوم تشوف اهلك و اذا تبي تشوفهم اخذني وياك انا شنو اسوي قاعده بالبيت بروحي ... شيء غريب والله الواحد شنو يقول بس اهله يخربون حياة ولدهم ... هل معقول في انسان جذي لا يرى عيوب اهله و يضعك انتي كشماعه .. يا اختي قعدي معاه و تكلمي وياه و قوليله الي تحسين فيه اذا متندم على الزواج ليش خذاج اهوا مو مغصوب .... و اذا حسيتي الوضع زاد سوءا كلمي واحد كبير من اهلج او اهلكم يحل الموضوع لانه تدخلات الاهل يا اختي كبيره و بالنهايه اهوا راح يركض وره اهله و من الحين اقولج حلي المشكله اب اسرع وقت لا يصير ما لا يحمد عقباه
اختج بني |
انا بنت عمه وتزوجني بختياره واختيار ابوه
امه تبغاه يتزوج بنت خاله حاولت اتقرب لها بالهدايا مافي فايده دايم تكلمني باسلوب جاف وماقلتولي وش اسوي اذا قال روحي لاهلك انا بروح انام عند اهلي |
وانا ماقدر اخلي احد من اهلي يتدخل لاني جربت مره وزعل بقوة ووعدته اني ماعاد اقول لاهلي
|
حاولي مرة ثانية عزيزتي مع أمه ودايما تقربي منها بالهدايا واذا بتقدري قولي لها ماما واذا قلك مرة ثانية نامي عند اهلك لاتقبلي
|
يا حبيبتي
خليه على هواه مصيره يتاقلم على الحياة الجديده لا تنكدي على نفسك ولا تذكري اهله بسوء ابدا بالعكس كل ماقال اختي تقول وامي تقول قولي له وهم صادقين فعلا لا تتاخر عليهم حبيبي وهو راح يتفاجأ من ردك ومرة وثنتين وثلاث واستمري بنفس الاسلوب سوي نفسك على نياتك واهله معاهم الحق دايما ترى هذا الاسلوب يسد اي تحريش ضدك من اي جهة لانه راح يقول لنفسه المسكينه ما ذكرت احد بسوء بالعكس توصيني ازورهم واراعيهم واذا شفتيه يوم ما زارهم قولي له علامك اليوم ما رحت للاهل عسى ماشر ........ فهمتيني يالغاليه ؟..... سوي اللي قلت لك عليه وشوفي النتيجه واذا قالك روحي عند اهلك قولي له انت تامر وروحي ولا كان فيه شي عاااااااااااااااادي حاولي تقضي وقتك مع اهلك ببسطه ووناسه ولا تتصلي عليه ابد الين ما يتصل هو ويسال واذا سالك ليش قلت الاتصالات حذاري تقولي له انت مشغول مع اهلك ومو سائل عني ومن هالكلام لا قولي له حبيت اعرف متى راح تشتاق لي بالرغم من اني مشتاقه لك من اول ما نزلت من السيارة وخذيها بدلع ومرح الله يهدي سركم يارب جربي وما راح تندمي ان شاء الله ........ |
الله يكون بعونك
نفس المعاناه لى اربع سنين لاحظت زوجي مايحب ياكل او يجلس الامع اهله وصار يتصيد الفرص عشان يروح لهم بس انا سهلت عليه المهم صرت اسوى نفسي نايمه عشان ياخذ راحت ويطلع وبالنسبه للتغير ماظن 00 ومانصحك تروحين معاه لانهم بيعطونك ................ لانه صارت لى قبل وكانو يسيبون فى الغرفه لوحدي ويطلعون او يجلسون ساكتين 000 |
| الساعة الآن 04:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©