|
خطيبي ليس كباقي الخطاب
السلام عليكم
مممممممممممممممممممممم ابغي رايكم في الموضوع التالي بليييييييز الموضوع هو انه صار لي مالكه تقريبا شهر وبحكم ظروف خطيبي ودراسته في الخارج كانت الايام اللي قظيتها معاه 10 ايام بسسسسسسسسسسسسس كان التواصل بينا يتم في التلفون والزيارات وكانت المكالمه بينا ما تتعدى ال 8-10 دقايق ما اعرف ليش اغلب المخطوبين يقعدون بالساعات!!! وقلت لنفسي يمكن هذا في البدايه ..او يمكن لان الزيارات تكفي للسوالف والكلام مع انه المعروف عن خطيبي انه مسولفجي مثل ما يقولون الحين هو مسافر صارله اسبوعين ونص ولظروف المكالمات الدوليه صرنا ما نكلم بعض الا كل يومين مرة والمسجات هي من طرفي بس اما هو ما بعثلي الا يا دوب مسج وحده والمكالمات صارت قليله منه ...اكثر شي انا اللي ابادر يعني اليوم ثالث يوم وما دق علي ولا حتى مسج!! وانا قررت اني ما اسويله ولا ابعثله مسج واشوف شآخرتها بيتذكرني ولا لا!! لا تقولولي مشغول....يعني 5 دقايق كل يومين ما بتاخذ من وقته ولا تقولولي المكالمات الدوليه غاليه...مسج بالنسبه لي تكفي اللي اسويه صح ولا اصارحه واذا صارحته شو اقول؟؟؟؟؟؟؟؟؟؟؟ صح بعد بغيت أقول انه دايما يقولي انه كلامج معاي صاير رسمي وانا والله مو قصدي احاول اقوله كلام حلو بس تعرفون تونا يا دوب مكملين الشهر ومثل ما قلتلكم المكالمات يا دوب تكمل 10 دقايق يعني منو اللي يمديه يقول كلام حلو في 10 دقايق يا دوب اسأل عن احواله مممممممممم بانتظار مشاركاتكم |
الله يسعدك اختي
طيب يمكن ظروفه الماديه صعبه شوي او الدراسه متعبته خليك جنبه ولا فيها شي اذا بادرتي بالسؤال بتكبرين بعينه اكثر واكثر صدقيني |
مشكور اخوي نايف
بس ياخوي انا بعد محتاجه انه يحسسني اني مهمه بحياته يعني 3 ايام ما يبعث لي حتى مسج !!!!!! |
انا من رأي انك تتابعيه وترسلي له وتصارحيه بالموضوع ..بطريقه غير مباشره .
لاني اخاف يكون لقا له وحده غيرك..خاصه بلاد بره ويش كثرهم...............دمتي لي بود. |
نعم نعم
ما يمديه لقى وحده غيري يا الفداء وبعدين هو والحمدلله ملتزم دينيا بس خايفه اصارحه..... |
انا اشوف انه حسب تعود الزوج وثقافته في المجتمع الي حوله يعني حسب الوضع الي يشوفه عند اهله واصدقائه انا اعرف ناس يتكلمون في اي وقت وبمدد طويله وناس مختصر مره
كما اعرف ناس كل زياره يمر محل هدايا ويجيب هديه ويغلفها تغليف فاخر وناس يدوب الهدايا الرسميه الشبكه والدبله وهدايا بسيطه انا مثلا لما كانت خطوبتي خطبت من ناس يتعاملون بالهدايا بكثره وانا اهديت زوجتي ساعة وطقوم الماسىوبعض الهدايا الخاصه لاكن زوجتي نجحت قبل الزواج وقبل الملكة يعني قبل ما يصير بيني وبينها اي مكالامات او لقاء لاكن هي توقعت اني اجيب لها هدية ضخمة بمناسبة النجاح لاكني انا غفلت عن هذا الشي لاني ما فطنت له يمكن لو اني ذاكر لكنت جبت هدية تستاهل لاكني ما جبت وزعلت البنت زعل كبير ولا عرفت سببه الا بعد فتره المهم بالنسبة لموضوعك حاولي توضحي له شوقك له وتبيني له بالتلميح انه اكيد مشغول والا ما سكر السماعة ابد وانه اكيد مشتاق لك اكثر من انتي مشتاقه له وبهذي الطريقه تعرفي هل الرجال بخيل او ضروفه المادية ليست جيدة او هذي الامور مو من اهم اولوياته ام ماذا |
يمكن انتي جافه شوي وانتي مو حاسه..عموما مايمنع انه لما يكلمك تقولين له كلمات حلوه ومو جريئه في نفس الوقت مثلا يا حلو يا سكر يا واحشني يا طعم ولا تستعجلين وعموما طبيعة الرجل تختلف عن المرأه انه يعبر عن حبه ماديا اكثر من العواطف والمرأه عاطفيا اكثر من الماديه...شوي شوي وعموما هذا ما يمنع انك تبدين ملاحظاتك على جفاؤه هذا بس بلطف وهذي شطارتك..خليك ناعمه ودلوعه لما يكلمك لانه كرجل مكتفي من الدفاشه من اللي يشوفه برا ..فانتي لازم تتميزين وتحسسينه بالفرق بينك بنعومتك وبين خشونة العالم...تحملي وتذكري ان لا راحه تامه الا في الجنه...تحياتي...
|
شكرا اخوي انا هنا...كلامك جدا مهم
بالنسبه لكلمات الشوق ..ترى ما اقصر فيها دايما اقولها..وابعثها في المسجات وهذا اللي محيرني في كلامه لي اني رسميه في حديثي معاه اما ماديته فالحمدلله بالعكس ..والبخل مستحيل لانه من قرايبي وعارفه عنه كرمه وهذا الشي لمسته بنفسي بس يمكن يكون هذا طبعه مثل ما قلت واتمنى من كل خاطري انه ما يكون طبعه اختي مشكلتي أصدق انا ابدا مو جافه والله احمله مشاعر كبيره ومسجاتي ممكن تشفعلي اذا كنت استحي اقول هالكلام مباشرة ومشكووووووورة اختي على نصيحتك راح احاول بس انا بصراحه مو قادره اتصل فيه ابي اشوف متى بيتذكرني؟؟؟!!!!!!! |
يمكن الرجال من النوع الحياوي يعني مستحي منك
اعطيه فرصه يتعود ويمون عليك اكثر |
الله يسعدك ان شاء الله مع خطيبك.......يمكن خطيبك ما يحب يطول في المكالمه تره عادي انه خطيبي نفس الشي ما يطول في المكالمات بس عادي مافي اي مشكله......واذا ما كلمك ثلاثة ايام انتي اتصلي له وكلميه لان يمكن انتي تنتظرينه يتصل فيك وهو في نفس الوقت ينتظرك تتصلين فيه فانتي على بالك مو مهتم وبالعكس...على فكره انا مريت في هالتجربه وكنت ما أتصل ..لكن الآن انا على طول اتصل لان صارت لي مشاكل على هالسالفه..وعلى قولتك انتي ارسلي له مسجات فيها كلام حب ... الرجل يحب يسمع الكلام الحلو مو يقراه ....والله يوفقك ان شاء الله......تحياتي
|
| الساعة الآن 06:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©