المكالمه الهاتفيه الأولى بين المتزوجين حديثاً ....نرغب اعطانا تجاربكم للفائده
 

بسم الله الرحمن الرحيم

ازف لكم احلى الأماني واطيب المعاني لهذا المنتدى الرائع بأعضائه وقرائه و القائمين عليه ....
بأني قد تملكت على الفتاه التي كنت اتمناها ولله الحمد من قبل ومن بعد ... وعقبال العزاب والعازبات يارب ترزقهم
بالشئ الي يتمنونه .
ســــــــــــــــــــــــــــــــــــــــــــــــؤ الي
المكالمه الأولى عاده وش تكون غزل من اولها او تهنئه .. وما هي الأشياء التي نكثر منها والأشياء التي يجب تجنبها ؟
ولكم تحياتي

نعم مثل ماذكر أخوي الفاضل

خلك على طبيعتك
ولا تتصنع الأمور

لسببين
الأول / لكي لا تبني في خيالها عنك صورة تنصدم بها في الحقيقة

ثانيا / مصير الأمور ستنكشف ففي حالة تصنعك للأشياء الآن بعد الزواج ستخرج على حقيقتك


أيــضا
نصيحة نصيحة لوجه الله
لا تبدأ معها بغزل
أتعرف لماذا ؟
سيخطر في بالها ( أنك على علاقات مسبقا ) وإلا كيف تعلمت هذا الكلام والغزل !!

إذا .. الحل
في أول مكالمه تكون ( للتهنئة ) فقططططط ولا تطيل في المكالمة الأولى ( لتكن فقط خمس دقائق بالكثير )

في ثاني مكالمة ( وأرى أن تكون بعد المكالمة الأولى بيومين ) حاول أن تعرفها بنفسك بدون مبالغااات أو إصطناع أشياء وأيضا حاول أن تتعرف عليها وعلى بعض جوانب حياتها وأيضا ( لا تطيل في المكالمة لتكن نصف ساعة فقط )


أيضا .. نصيحة لك أخي الفاضل
لكي لا تملك هي ويملك أهلها وتضعها في إحراج
لا تكثر من المكالمات لها

لتكن نصف ساعة يوميا فقط

عموما
أنت أعلم بحال خطيبتك

لكن خوفا من أن تملك أو تزعجها أو تضايقها أو تضايق أهلها


وبالنسبة للغزل
لا تستعجل عليه
إلين تاخذون على بعض
وتعرف أطباعها زين



اسأل الله أن يديم عليك السعادة

الله يوفقك ويسعدك




بالنسبه لي اول مكالمه من زوجي كانت مضحكه نوعا ما بس زي ما قالوا الاخوان اهم شي لاتطول

انا دق علي العصر وكنت نايمه دوام بالجامعه لازم انام واول ما صحيت شفت الجوال لقيت رقم ما اعرفه واخوي جنبي قلت له شف هالرقم مميز لما شافه اخوي قال هذا خطيبك (كنا مملكين وقتها يعني زوجي تقريبا)

المهم هو كان على اعصابه(زوجي) رجع دق المغرب وانا طبعا كنت جالسه مع اهلي يوم شفت الرقم جتني روعه قمت لغرفتي ورديت هو اول شي بارك وانا من الروعه ما عرفت اتكلم شوي وعرف عن نفسه قال يمكن ما عرفت صوتي انا طبعا ما عرفته الا من الرقم هو قال انا فلان انا رديت ايه عرفتك يعني فشلته من اول مكالمه للحين ذاكرها لي ومكالمته الاولى ما تعدت دقيقه :)



الله يوفقك معها واهم شي الصراحه من اول والسواليف مع الوقت تجي يعني اول شي تبداء مكالمتك نص ساعه ومع الوقت ما تدري شلون وصلت لثلاث ساعات واحيانا اكثر









تحياتي

دلوعه زوجي

اول مكالمه معروفه اصلا هي بتكون خايفه

يعني لازم تكون بس تعارف لاغير ولاتطول دقيقتين...

بعد اسبوعين ثلاث ابداء بالغزل بس يكون من قلبك لانه يبان التصنع بالذات في هالامور ..

الله يوفقكم ان شاءالله......

اول مكالمه معروفه اصلا هي بتكون خايفه

يعني لازم تكون بس تعارف لاغير ولاتطول دقيقتين...

بعد اسبوعين ثلاث ابداء بالغزل بس يكون من قلبك لانه يبان التصنع بالذات في هالامور ..

الله يوفقكم ان شاءالله......

خلك على طبيعتككككككك

مثل مااقالو الاخوات ماقصرو واهم شي لاتطول لان المكالمه الاولى هي تخوف انا بغيت اموت لكن الله لطف الحمدالله ومرت بسلام

والله يوفقكم يااااااارب ويسعدكم
تحيتي
اختك الهم

هههههههه..

والله ذكريات هالايام ما راح تنسوها ..

وما شاء الله كل الاخوان ما قصروا و اختصروا الموضوع ..

بس ابصراحه أنا كنت خوافه .. المسكين كان يتصل و يتصل و يتصل بس ما كانت عندي الشجاعه أرد عليه ..
كنت امطنشتنه .. ويوم طفر خلى اخته تتصل و اتكلمني وبعدها عطتني اياه من غير ما اتقولي ..
طبعا كنت مستحيه واحس انه الدم في ويهي حااااار وهو حس بهالشي وما طول كلها دقايق .. كان يا دوووب يسمع صوتي من الخوف ..

و ظليت ع هالحال فتره .. وبعدين اتعودت عليه اشوي وحسيت انه من واجبي اني انا بعد اتصل فيه مب كله هو ..
وصرت اكلمه يوم ويومين لا .. وهو كل مره ايعاتبي لانه يبي يسمع صوتي يوميا بس كنت اتحجج دايما باني مشغوله .
وبعدها صرنا نتكلم بالساااااااااعات لين انحس بالنعاس ونرقد .. وما اينش الا على صوتي ..


نصيحتي .. خل الامور تمشي على طبيعتها .. يعني بدون اي تخطيط ..

اذا حسيت انها ممكن تتقبل غزلك من ثاني مكالمه ما فيها شي طلع الي في خاطرك ..


وعسى الله ايوفقكم ويسعدكم ان شاء الله ..

عاد حرام عليكم
اسبوعين ثلاث ما يقولها كلام حلو
انا اول مكالمه من زوجي كانت دقيقة
السلام عليكم
كيف الحال
كنت ابي اقولك تصبحين على خير
مع السلامه

ههههههه