ملح الحليب
 

السلام عليكم

شلونكم



بسألكم عن ملح الحليب الي عليه صورة بقرة عزكم الله موجود بالعطار

منو جربته ؟

انا سمعت ينعم ويبيض

هل ينفع للجسم والمناطق الحساسه ؟



أرجو الافاده

:)

هلا وغلا ياعمري
انا صراحه جربته من زمان عقب ما تتسبحين تفكري فيه جسمك وتخلينه شوي ثلاث دقايق تقريبا
عقبها تغسلينه بس تشعرين أن جسمج يأكلك ويحكك واااايد وتتمنى تغسلينه بسرعه ههههه
ويوم تغسلينه تحسين بنعومه في جسمج
يقولون أنه يبيض لو إستمريتي عليه
وانا ما إستمريت عليه كسلت منه ^_^
الله يسعدج ويحقق أمنياتج

مشكوره اختي...

عقب ما استخدمه أغسل بالصابون ولا اهوا بدل الصابون ؟؟

بنات الي مستخدمته او سامعه عنه تفيدني

لا شكر على واجب حياتي
إنتي عقب ما تتسبحين عادي وتخلصين تفركين فيه جسمك بس ما اظن انه يصلح للمناطق الحساسه هو بس تحطينه على مناطق السوده في الجسم وتفركين لمده ثلاث دقايق وعقبها تغسلينه بالماي وبس
ومثل ماقلت لك انا ما إستمريت عليه بس ربيعتي تقول خلصت غرشتين وما إستفادت منه
ياليت لو في وحده من بنات المنتدى إستفادت منه تخبرك^_^
الله يسعدج ياعمري

انا استعملته يا اختي ونشف جسمي صرت احط كريم او ما حط جلدي يابس مع العلم ان بشرة جسمي دهنيه

أنا أستخدمه ومن أول أستخدام أحسست بالفرق نعومة فائقة للجسم وأستخدمه لكامل جسمي بالنسبة لتفتيح المناطق الداكنة يفتحها ويصبح الفرق واضح من أول أستخدام إلى أن تخلص العلبة .. طبعاً تستخدمينه بعد تنضيف الجسم بالطريقة المعتادة وهو يعمل كمقشر لا يصيب الجلد بالجفاف على العكس والأفضل قبل أستخدامه تستعملين السدر مع ملعقة عسل وملعقة من الحليب المجفف وتخلطينهم مع بعض بالماء وتظعينهم على البشرة لمدة نصف ساعة مع التدليلك بعدها أغسليها وضعي ملح الحليب راح تحسين فرق كبير ...جربي طريقتي لانها أفضل من أستخدام الصابون العادي الذي يسبب جفاف الجلد..

يعطيكم العافية..
يعني استخدمه لكامل الجسم
عادي ؟

انا استخدمة والله مره حلو وتحسين بالفرق بسرعه
وتستخدميه على الجسم كله
ومع الاستمرار تلاحظين ان المناطق الداكنه تخف وتروح
وتحسين بالنعومه
والله انصحك فيه

مشكورة بنت الامير انا ناويه اشتريه وحبيت استفسر عنه قبل :)