خطيبي والمسنجر
 

مشكلتي باختصار ...................
احس انه مخبي علي شيء فيه .......ماهو قادر يستغني عنه .............ولما طلبته الباسوورد ...جن جنونه ...
شسوي معه؟؟؟؟

ليه الحشرررررررررررررررررررره :11: إن بعض الضن سوووووء..... طيب انتي عندك حاااااجات خااااصة ما ودك تنحرجي معاااه فيها صح :28: (طبعا مي محرمه بس يمكن محرجه) فكل واحد صدقيني عنده تصرفات واخطاء مايبغى غيرة يتضايق منها فلذلك يتهرب هذا اذا فرضنا ان عنده حاجات خاصة.


ويمكن طبعه كذا مااااايحب الحشررررررررررره فإلتمسي له العذر ولايدخل الشك بينكم نصيحححححححححه



قاسي شوي :d بس اعتذرررر جدا وفقكم الله .....

اشتقت لأمي....
أتغابى ..... طيب الى متى ؟؟؟ وبعدين انا ما سألته عن الباسورد الا لما حسيت بتصرفاته الغريبة على المسنجر ... حنا نتقابل يوميا على المسنجر ... لأنه مسافر حاليا ....والله تعبت من الأخذ والرد .......

nonah_sh
تعتقد انها حشرية مني لما اسأله عن الباسورد ؟؟ طيب هذا بيصير زوجي ... وانا عمري ما سألته عن حياته قبل ما يخطيني .... لان مالي حق في كذا ..... لكن من بعد ما ارتبطنا.......... المفروض بيننا شفافية !!!! والا انتم وش رايكم ؟؟؟؟

شكلي بأريح راسي من النت والمسنجر ..... واكلمه على التليفون بس ..... بس والله اني أشيل هم فواتير التليفون ... ومتحمله المسنجر عشانه ... ( النت مجاني عنده بحكم عمله )
مشكورين جميع على الرد

معاك حق صدقيني بس لا تزودينها معاه أنا عندي ايميل ومستحيل اعطية خطيبتي حتى لو طلبتني تعرفين ليه !!!

لأن فيه ايميلات اصدقائي ونااااس ملقف وفضوووووليين وأطقطق على روسهم شوي فكيف اعطيه خطيبتي يمكن تفتحه وانا ماني عااارف ويراسلوها(طبعا الإنسان يحب الاستكشاااف خاصة الخطيبة :29: ) ويتلقفوووووا وتعرفين الفاض الشباب ما هي مناسبة اذا شافتها البنت حتى لو مزززح فاااهمة :11: !!

وبعدين اذا كان ماضية ماهوا قد كذا اخطاء ومراااهقة والخ....(طبعا اخطاء معقوله) ليه تحاولين تحرجية وتجبريه على الكذب مثلا لتطلعي عليها .... معاك في الصراااحة بس بحدود لا تتدخل في الخصوصية ياأختي ماحد يرضاها حتى انتي ماودك يعرف اخطاءك في المدرسة الجامعه لا سمح الله مثلا ....
صدقيني لمن تسألني خطيبتي عن ماضيي وتصر احاول اصرفها :28: والبنت المفروض تفهم ماتحرج خطيبها والحمد لله اخطاء ماهي عميقة مثلا تدخين خفيف تفحيط سهرات في مقاهي بلوووت مضاااربات واقول مثلا فماذا تستفيد منها خطيبتي لمن تعرفها....!!!مع العلم ان اي انسان يخطب يروق ويخفف كثيرا من اخطائه حتى يبقى قدره عالي في عين زوجته...

طولت صح لكن والله اتكلم معاك بصرااحة وانتي طلبتي المساعده فهذا رأيي الخاص... ولو تسيبي الماسنجر افضل بكثير

والله يوفقكم....ودمتم ساالمين....

nonah_sh
جزاك الله خير

انا بصراحه اشوف ان من حقك تعرفين بس مش لدرجة انك تطلبين الباس وورد

يعني ممكن تقولين له بما انك قررت تتزوج المفروض تعرف ان الخصوصيه ماتت

اذا عندك شي صارحني واوعدك ما ازعل بس نحل الموضوع هذا اذا تحسين ان في شي غلط اما لو انتي بس تبين تعرفين فهميه انك مو شاكه فيه بس اسلوبه يخليك ترتابين منه وشوفي شيرد عليك والله يساعدك يارب ويخليكم لبعض

انا لا اعترض على حرصك على اخلاق زوجك
انا اعترض على الاسلوب لان بكره بتقولين ابي اشوف رسائل الجوال وابي اشوف الارقام الي في الجوال وتبدين تشمين ثيابه وتفتشين جيوبه ما ادري هو من حقك او لا
الي اعرفه ان الرجل يحب الي يضع الثقه فيه ويحسسه بغلاه واهميته
انا ما اقول ان الرجال عادي يلخبط ويكون له علاقات مشبوها لا ابد انا لا اقول ذلك اطلاقا لاكن لا بد من اسلوب يعني تنصحيه باسلوب خفي وتبيني عضم هذي الامور لو حدثت مثل لو تقولي صديقتي اكتشفت ان زوجها يغازل وزعلت وراحت لهلها لاكن انا الحمد لله واثقه فيك ولا يمكن اشك فيك يعني من هذا الكلام
الله يوفقك في زواجك ويجمع بينكم بخير وانصحك بالاستمتاع بهذه الفتره كما انصحك ان لاتتعمقي في تفاصيل حياتكم بعد الزواج لان ذلك قد يسبب خلافات مو وقتها وقد تفركش الزواج لان الخلافات بعد ماتفهمون بعضكم اهون من الخلافات قبل ما تفهمون بعض
يعني ركزي على الرسائل الحلوه والهدايا وما الى ذلك:14:

الحكمة ثم الحكمة
 

أختي العزيزة
عليك بالحكمة في كل أمورك وأحسني الظن بزوجك فكل واحد منا له خصوصيات!! طبعا ليست حرام ولكن تحبين ان يكون لك وقت خاص مع نفسك ولا آنا غلطانة؟:)

وعسى الله يديم المحبة والهنا بينكم:)

لا تظنين ظن السوء فيه .. يمكن ماعنده شي .. و يمكن عنده بس مايبي يطيح من عينج لا تحاتين انتي الاصل .. و بعد الزواج بيترك كل شي لا تحاتين ..

و طلب الباسوورد ومبين انتي شاكه بالموضوع اكيد مايرضى .. لانه الشك محد يرضى فيه .. يعني لو انتي طلب منج الباسوورد و مبين شاك فيج اكيد ماتعطينه . صح ؟؟

فانتي خليها على الله و لاتخلين اشياء تعتبر تافهه نوعا ما تأثر على حياتج .. انتي كسبيه .. خليج زوجته و حبيبته و صديقته .. و اهو ماراح يشوف غيرج ولا يسوي شي انتي ماتبينه ..

سمي بالرحمن و اهدي و لا تشكين فيه ..

والله يهنيج ياااارب :)