سلطة الجرجير (1) الرائعة
 

سلطة الجرجير :

أنا عندي أكثر من و صفة لسلطة الجرجير راح أنزلهم لكم ان شاء الله في المشاركات القادمة ، بس هالوصفة هي المفضلة عند زوجي و اللي دايم نعملها و ما نمل منها و إليكم المقادير و الطريقة :

المقادير:

2 شدة جرجير
2 طماطم
1 جبن شيدر كرافت العلبة الصغيرة
صنوبر محمر بقليل من الزيت
الصلصة الفرنسية ( البرتقالية ) الجاهزة
الصلصة الايطالية ( الشفافة ) الجاهزة

الطريقة :
- يقطع الجرجير تقطيع خشن مو ناعم يعني يقطع كبار ، و سصف طبقة في البايركس .
- يقطع الطماطم مكعبات صغيرة جدا" جدا" و يوضع على طبقة الجرجير.
- يبشر الجبن بالمبشرة بس الناحية اللي ثقوبها صغيرة و يوضع فوق الطماطم .
- يرش نوعين من الصلصة فوقهم ( الايطالية و الفرنسية ) رش عشوائي حسب رغبتكم .
- يرش الوجه بالصنوبر . ( مو تنسون الصنوبر ترى يعطي السلطة طعم رائع احرصوا عليه ok )

جربوها راح تعجبكم ان شاءالله وايد ، خفيفة و لذيذة و خصوصا" لعشاق الجرجير :d :d :d :d

والله سلطه جنان مره روعه انا جربتها وعجبت زوجي مره

مشكوره حبيبتي عليها وياليت تنزلين الوصفات الثانيه لاني من محبي الجرجير

تسلم إيدك الحلوة ياحلوة ....



يعطيك مليون الف عافيه ياقلبي على هذا الطبق اللذيذ ........



تحياتي

مشكووووره حبيبتي مبين عليها لذيذه
وياليت ماتاخرين علينا في باقي الوصفات ..لان بصراحه قليل ماتلقين وصفات حلوه للجرجير

وعلى فكره وصفاتك غريبه والاكيد انها لذيذه ......

تحياااتي لك

معقولة اتأخر عليكم يا حبايبي و انتوا مفرحين بهالتشيجع الأكثر من رائع و تواصلكم الدائم و الله انكم اسعدتوني كثير ، و مشكورة يا حياتي الهنوف و يا بنت الأمير و أنا فرحت كثير انك جربت الوصفة و ما راح أتأخر عليكم بإذن الله . يا أختي ام العيال و شكرا" جزيلا" و الله يديم المحبة بينا يارب ..

مشكورة اخي بلوبيرد أن شاء الله ما أخيب ظنك فيني و استاهل ال10/10 .
مشكورة اختي ملاك على مرورك الكريم .