منتدى عالم الأسرة والمجتمع

طبعاً حتبقى كارثة إن بعد كل التوضيب اللي عمالين نعمله منعرفش ناكل ازاي صح لإن ساعات لما نيجي ناكل بالشوكة والسكينة بنقف قدام حاجات معينة ونحتار ناكلها ازاي علشان كده جمعت لكم مجموعة من أصناف الأكل وطريقة أكلها..

البطاطس المحمرة

http://www.boswtol.com/shababeek/ima...aem_13_01c.jpg

أكلها سهل جداً مش محتاج لا شوكة ولا سكينة إلا لو كانت أصابع البطاطس طويلة زيادة عن اللزوم بيتم قطعها نصين بالشوكة وممنوع تماماً استخدام السكينة.

البسلة

رغم إن فيها صلصة ومرقة وحاجات من دي إلا إنها بتتاكل بالشوكة بس بنفس طريقة الملعقة بمعنى إنك بتغرفي البسلة بالشوكة من الطبق.

الزيتون

http://www.boswtol.com/shababeek/ima...aem_13_01d.jpg

طبعاً لو حاول حد أكل الزيتون بالشوكة حيسبب إصابة خطيرة للشخص اللي قاعد قدامه علشان كده أحسن حل إنك تاكلي الزيتون بإيديك وترمي النوى بلطف على جانب الطبق.

المكرونة الإسباجتي

فيه ناس علشان يسهلوا على نفسهم أكل المكرونة بيقطعوها قطع صغيرة قبل الأكل وده غلط جداً والمفروض إنك تمسكي الشوكة بشكل عمودي على الطبق وتبتدي تلفي الشوكة في المكرونة بس مش لمدة كبيرة علشان متخديش كمية زيادة عن اللزوم مره واحدة. وممكن تستعيني بالملعقة لسند المكرونة في الشوكة.

الحلويات والجاتوه

http://www.boswtol.com/shababeek/ima...aem_13_01a.jpg

في حالة أكل الجاتوه بنستعين بالشوكة والملعقة الخاصين بالجاتوه وبنبعد عن استخدام السكينة وده بيتم عن طريق قطع الجاتوه بالشوكة مع استعمال الملعقة لسند القطعة المقطعة.

البيتزا:

البيتزا بتتاكل بالإيد وبتتمسك من قاع مثلث البيتزا ممكن طبعاً استخدام الشوكة والسكينة في أكلها.

الساندويتشات:

الساندويتشات دايما بتتاكل بالإيد ولا يستخدم فيها أي أدوات أخرى.

الفراخ

لازم تتاكل بالشوكة والسكينة ولو كان المقدم أمامك نصف فرخة فبنفصل الصدر عن الورك ونبدأ في تناولها بمنتهى البساطة. بس المهم التحكم الجيد في الشوكة والسكينة.

الشيش كباب

http://www.boswtol.com/shababeek/ima...aem_13_01b.jpg

في حالة تقديم الشيش كباب في أسياخ على السفرة بيمسك السيخ بالشمال ونبدأ إخراج اللحم من السيخ بالشوكة الممسوكة بالإيد اليمين وبعدين يتم تقطيعها قطع صغيرة تناسب الأكل بس طبعاً مش بنقطعها مرة واحدة ولكن على عدد مرات احتياجك للأكل.

معلومات على الماشي

* ممنوع تناول أي مشروبات في حالة وجود طعام بالفم.
* عند الشرب لايشرب كل محتوى الشراب مرة واحدة إنما يؤخذ على فترات.
* الفوطة مش بتتربط على الرقبة ولكن بتوضع بأناقة على الرجلين.
* فوطة السفرة مش بتستخدم في تجفيف العرق أو خلافه إنما هي لتجفيف الشفاه فقط.
* السكينة مش بتيجي خالص جنب الفم وممنوع منعاً باتاً لحسها.

دي آخر حلقة من حلقات "فن العزايم" أتمنى تكونوا استفدتم منها وكل سنة وإنتم بألف خير وصحة وسلام.

والموضوعات السابقةهى:

http://rashaelaraby.com/Sharings/hit.gif
فن العازيم
ترتيب السفرة
فن التوزيع