|
الغاء حفلة الزفاف ( العرس )
مساء الخير جميعا.....
لكل المقبلين على الزواج.....عندي سؤال للشباب والبنات........ ايش يكون شعور البنت لما يقول خطيبها انا ماابي اسوي عرس....؟؟ أكيد هذا اليوم اللي تحلم فيه من صغرها.....بكل سهوله تطير أحلامها بالهوا... ماهو بسبب مادي.....لكن هو مزاجه كذا....يقول شوفوا مصاريف العرس وادفعها...لكن ماابي اسوي عرس شنو يكون السبب برايكم.....مزاج....ولا ماهو فارق معه شيء........؟ وانتوا يالشباب.....ايش شعوركم إذا البنت قالت انا ماابي عرس.............مع إني مااظنها تحصل؟؟ :d أتمنى تعطونا آرائكم......... الموضوع يهمني كثير.......لأنه حصل لقريبتي.......وهي تحس ان خطيبها مغصوب عليها لكنها ماتبي تتسرع وتفتح الموضوع معه وتطلع غلطانه..... انتظر الرد..... Mad Vision |
أعتقد أن هذا من حقها أن يكون لها احتفال يكون محدد بمقاييس الشريعة الإسلامية بدون إفراط أو إسراف :d ، و الشعور الطبيعي أخي أو أختي السائله أن يكون له حزه في النفس ، لكن أعتقد إن كان لأسباب وجيهه كسوء الحالة الإقتصاديه أو الأحوال الإجتماعيه كوفاة أحد الأقارب فإن الفتاه عادة ما تتفهم :17: ، والأعراس اليوم للأسف ليست للفرح لأنها فقدت محتواها ونجد أقل من يستمتع بالحفل هما العروسان مع أن الحفل لهما وهذا لأنها تعدت الحدود فأصبحت الأعراس عبارة عن حلبات سباق لتلميع البرستيج للعائلات :18: وأصبحت متصنعة زياده عن اللزوم ، فمن رأي الشخصي إن كان العروسان سيدفعان المبالغ الطائلة ليسعدوا الناس وليس أنفسهم فمن الأولى أن يكتفوا بحفل عائلي صغير لا يخلوا من مظاهر البهجة المباحة(في الآخر لازم تسوي حفله ) ، وليدخروا هذه الأموال لهم فهم أحق بها
|
ليش ماظنك تحصل ان البنت تقول مابي عرس ؟؟؟
بأذن الله اذا رزقني الزوج الصالح اول شروطي ماابي حفله زواج ولا كلام فاضي انا اشوفه والله ان حفله الزواج بهرجه وتكاليف واسراف ومعاصي وذنوب وحدث ولا حرج ... كلها مظاهر في مظاهر .. واقل حفله زوا ج راح تكلف خمسين الف ريال ... المسأله المفروض تحسب بالعقل والله حرام خمسين الف تروح كذا بالهوا ء... هذا غير ان العروسين بيفتحون عليهم باب هم في غنى عنه اللي هو العين والحسد ... والعين الكل يعرف انها حق ... خخمسين الف ريال انا اولى فيهم اشتري فيهم ذهب او شي ينفع للبيت ... عموما اذا كانت البنت صغيره طبيعي انها ماراح تتنازل عن حفله الزواج ... لكن فكري انا وطبعي مااحب حفلات الزواج ولا احب الأأزعاج .. تعجبني البساطه وعدم التكلف بأي شي ... |
بالتاكيد حلم كل عروس انها تسوي حفلة عرس حلوة يتكلمون عنها الناس ويمدحونها والا ماكان سموها "ليلة العمر"
اذا كان السبب ان ميزانيته ماتساعده فمافي مشكله ممكن اسوي حفلة عشا بسيطه للاقارب بس وبالعكس يمكن تطلع احلى بكثير من العرس ونوفر فلوس العرس لشهر العسل |
هلا والله
صج ماعنده سالفة ليش مايبي عرس؟ اذا مافية سبب مومنحقة يقول ماابي عرس وخاصة البنت تبي تستانس وتفرح لكن بالنسبة لي اذا كنت أحب خطيبي خلاص لاعرس ولا بهرجة فاطية أهم شىء نكون سعيدين ولا نسويها مشكلة لكن اني سويت عرس بس بسيط وحلوو كان تحيااااتي |
أهم شي الإتفاق ،،بين الطرفين
ولكن لا ننسى ،، أن أكثر النساء بركة ،، أيسرهن مؤونة والسعادة ليست في الاحتفال ،، بل حقيقة السعادة هو ما بعد تلك الحفلة فكم رأينا من زيجات خيالية انتهت بعد فترة بسيطة بطلاق ولله الحمد بدأ الناس يتعقلون هذه المسألة ،، فصرنا نجد بعضا من علية القوم والتجار يختصرون في زواجاتهم ،، ويسهلون الأمر كثيرا ،، |
ايش شعورك يازوجة المستقبل إذا قال خطيبك ماابي عرس؟؟
اولا شكرا على مشاركاتكم.... :22:
وثانيا......انا اقصد إذا كان الخطيب مايبي عرس من غير سبب مقنع...وهو ماتفرق معه إذا كان فيه مصاريف أو لأ.... بمعنى آخر انه رافض عرس اصلا.....وحتى لو كان عائلي..؟؟ من غير مايكون فيه ظروف مثل وفاة احد الأقارب مثلا....لأنه في ظرف مثل هذا المفروض يكون تقدير من الطرفين لمثل هذا الشيء وطبعا لو ماعملوا عرس بيكون توفير ممكن الزوجين يسافروا ولا يساعدهم بتأثيث البيت..وأمور كثيره وانا معاك يااخت لولو.....إذا البنت صغيره بالعمر شيء طبيعي انه تصّر وتصمم انه يكون فيه عرس.. لأنها تبي تنبسط وتتفشخر على صديقاتها كالعاده...ويكون فرحه لها وإشباع لغرورها..... وانا قلت مااظنها تحصل انه البنت تقول ماابي عرس.....لأنه هذا الشائع.....نادرا ماتكون البنت هي اللي ماتبي.... الأغلب انه الزوج هو الرافض...... وهذا من مشاهداتي لكثير من اللي حولي... Mad Vision |
لا عاد حتى زواج عائلي لا والف لا
الزواج او حفله الزواج ايش الحكمة منها اصلا ؟؟؟ اولا مظهر فرح بين الأأهل وللعروس والعروسه ثانيا اشهار الزواج بين الناس اما عرس بدون حفلة يجي وياخذها ولا من شاف ولا من درا ... لا مايصير لا زم يكون فيه مظهر فرح حتى لو كان في بيت اهل العروس والخالات والعمات من طرف العروس والعريس هم اللي يحضرون .. الأقارب فقط يعني ... ومن غير تكاليف وبطاقات دعوه او كوشه وطقاقات وووو ... عشاء بسيط وتنتهي الحفله الساعه عشر او 11 بالكثير لكن انه يبغى عرس سكيتي لا مستحيل ... ايش مسوين هم جريمه ؟؟؟ |
بصراحة عن نفسي راح ازعل كثييييييييييير ..
لكن في نفس الوقت مستعدة اقبل بحفلة صغيرة يتجمعون فيها أقرب الأقربين و في بيتنا و بأقل الخسائر لكن على الأقل أحس أني عروووس و ألبس الفستان الأبيض |
| الساعة الآن 12:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©