منتدى عالم الأسرة والمجتمع

في الحلقة اللي فاتت اتكلمنا عن ترتيب السفرة وانتهينا منه بس طبعاً دي مش النهاية لإن لسه فيه "فن التوزيع"!! أيوه حتى التوزيع بقى له فن؛ توزيع الأكل فن وتوزيع الضيوف برضه فن... تعالوا معايا بسرعة نشوف فن التوزيع بالتفصيل.

توزيع الأكل

http://www.boswtol.com/shababeek/ima...3azayem_01.jpg

1- عند توزيع الأكل نبدأ دايماً بالشخص الأكبر في السن أو الأكثر أهمية واللي مكانه إلى جانب صاحبة الدعوة وبعد كده بيبدأ التوزيع على السيدات بالترتيب وبعدين صاحبة الدعوة وفي النهاية رب الأسرة.

2- ممنوع منعاً باتاً أن يبدأ الضيوف في الأكل إلا بعد توزيع الطعام على كل الضيوف وخصوصاً صاحبة الدعوة ولو توزيع الطعام استغرق وقتا طويلا من الممكن جداً إن الضيوف يتجاذبوا أطراف الحديث بهدوء.

البوفيه

في حالة لو المكان ضيق على عدد الضيوف من الممكن إنك تتبعي نظام البوفيه وفي الحالة دي بيتم وضع الأصناف كلها على السفرة والأطباق على أحد جوانبها وبيتم رص الشوك والملاعق والسكاكين على شكل مستطيل إلى جانب الأطباق أو من الأسهل إنك تلفي كل ملعقة مع شوكة وسكينة في فوطة يستحسن تكون قماش ومن لون مقارب للون مفرش السفرة.
بالنسبة للسلطات والأطباق الباردة بيتم وضعها في ركن بعيد عن مكان الأطباق الساخنة.
بعد الانتهاء من الطعام بيتم رفع الأطباق كلها وتستبدل بأطباق الحلو.

توزيع الضيوف على السفرة

اختيار المكان المناسب لكل ضيف على السفرة شيء مهم جداً ويجب مراعاته لتجنب أي مشاكل قد تحدث عند اختيار الشخص المناسب في المكان غير المناسب ..

1- بالنسبة لصاحبة الدعوة من الأحسن إنها تختار مكان تقدر منه تراقب باب الدخول والمطبخ والضيوف وأحسن مكان بيكون على رأس السفرة وفي الجهة المقابلة بيجلس الزوج أو رب الأسرة.

2- على يمين صاحبة الدعوة بيجلس أكبر الأشخاص سناً أو أكثرهم أهمية وزجة هذا الشخص تجلس إلى جانب رب الأسرة.

3- من الأفضل إننا نتجنب جلوس سيدتين أو رجلين إلى جانب بعضهما البعض. وعلى هذا الأساس بيتم توزيع باقي الضيوف على السفرة

همسات للضيف وبس
لضيف البوفيه

http://www.boswtol.com/shababeek/ima...3azayem_02.jpg

1.ممنوع طبعاً إنك تملي الطبق على الآخر ولكن يفضل غرف كميات قليلة وإعادة ملء الطبق عند الحاجة

2.لو كنتِ في حاجة لمزيد من الطعام.. ممنوع الغرف في نفس الطبق اللي كنتِ بتاكلي فيه ولكن بتسيبي الطبق وتغرفي في طبق جديد.

لضيف السفرة

1- لو توقفت عن الأكل أثناء الطعام لفترة بسيطة لازم تضع الشوكة والسكينة في وضع مستقر على الطبق بحيث تكون الشوكة فوق السكينة.

2- عند الانتهاء من الطعام بيتم وضع الشوكة والسكينة في شكل متواز وسط الطبق.

3- من الممكن إنك تسندي بكوعك على السفرة خلال حديثك مع باقي الضيوف أو وقت انتظار الحلوى ولكن بطريقة رقيقة غير لافتة ولفترات قصيرة.

4- خلّي بالك إن السؤال عن الملح أو الفلفل يعتبر إهانة لسيدة المنزل لكن لو الطعام ناقص ملح قوي من الممكن تناول الملاحة أو طلبها من الشخص الجالس بجانبك دون لفت النظر إليك.

خلّي بالك وأشوفك المرة الجاية مع آخر حلقة من "فن العزايم" و"ازاي ناكل" إن شاء الله