|
اين يذهب الرجال المتزوجين عندما يسافرون وحدهم
ندماعندي سوال محيرني ماهي الاماكن التي يذهب اليهاالرجال المتزوجين عندما يسافرون الى الخارج وحدهم
|
على حسب شخصية الرجال ولو اني ضد سفر الرجال المتزوج لحاله او مع ربعه بالمررررررة
مب لازم يتقابلون 24 ساعه هو ومرته وبنفس الوقت ممكن ينبسط مع ربعه يعني يسافرون كذا عائله مع بعض تصير جمعة ووناسه الحريم يطلعون مع بعض والرجال يطلعون مع بعض يعني لو زوجتك متعرفه على زوجات ربعك حلو وتمام سافرو قروب مع بعض ..بعض الايام تطلع انت وزوجتك لحالكم وبعض الايام تسهر مع ربعك وتنبسط وبعض الايام تطلع مع عيالك وينبسطون هذي احسن سفرة بالنسبه لي لاني ما افضل نسافر انا وزوجي لحالنا الا لو بنفعد فتره بسيطه تغيير جو بس لو بنطول بالسفر لازم نكون مجموعه عشان ننبسط اكثر وما نمل اما الرجال اللي يترك زوجته وعياله ويسافر مع ربعه ما يعجبني ابد |
أصلا أي رجال يحب يسافر بدون زوجته يجيب الشبهة لنفسه
فلا بد ان يتقي الشبهات ياخذ زوجته ... |
السلام عليكم ورحمة الله وبركاته
انا خاطب واحب السفر اكثر من اي شي ثاني واحب خطيبتي واموت فيها ومستحيل اخونها وصدقوني اني ما اروح عشان اغلط وادور الحرام لا لكني احب اطلع واغير جو واكسر الروتين يعني مثلا اروح قطر عشان اشوف مباره كرة قدم وارجع او اروح الكويت حضر مسرحيه وارجع او مره رحت اسبانيا عشان مصارعة الثيران يعني احب اسوي حاجات غريبه وخطيبتي مره تنزعج من سفراتي وتحاول تمنعني بأي طريقه لكن احاول اقنعها بشتى الطرق لكن بالنسبه للرجل السبب الرئيسي وخصوصا المتزوج انه يحاول يبحث عن حريه يحسس نفسه انه يقدر يسوي شي لنفسه وانه له حق ان يستمتع لوحده ولنفسه بعيد عن الزوجه والأطفال والسبب الروتين والتكرار واحساسه ان كل شي يسويه هو لبيته وزوجته وعياله وانه ناسي نفسه هذه وجهت نظر فقط يعني لا يشب فيني احد وشكرا |
اختي الكريمة
موضوع جميل ويمكن القول ان اختلاف طبيعة الرجل وشخصيته وتربيته واخلاقه ومدى العلاقة بينه وبين زوجته تحدد هدف السفر. وانا من مؤيدي مشاركة الرجل زوجته في حله وترحاله تحياتي |
أعتقد السفر في مجموعات هو الحل الوسط ...
يعني يسافروا مجموعات كل واحد و معه زوجته و هناك يسووا عصابات .. الشباب لحالهم .. و البنات لحالهم ... لكسر الروتين و الاحساس بالحرية و الاستمتاع في نفس الوقت أما الخيارات اللي حطيتها فحادة جداً .. يعني يا أبيض يا أسود .. طيب وين ألوان الطيف ؟ تحياتي |
شكر الجميع على مشاركتهم 00ولكن عندما يسافر الرجل وحده يكون هو على آخر وناسه والمراه في حاله نفسيه ونظرات الاقربين تزيدها تعب غير المسوليات التي تتحملها وحدها في غياب الزوج ايش رايكم مو صح 000
|
انا احترم وجهه نظرك ياأخ dareko
وانا كزوجه اايد رأيك ولازم الزوج يكون له يوم يطلع فيه الحاله مع الشباب |
ليس بالضرورة ان يكون نظري لزوجي يا ابيض يا اسود لكن اعتقد ان المغريات في السفر00تجعلني ارفض فكرة سفره قطعيا00حتى لو على فراقي له00
|
اكيد قبل الزواج كان عنده شي صاحبه في البلد الذي يريد السفر اليه وخاصه اذا تكرر السفر لنفس البلد ستكون شبهه واضحه ...وعلى الزوجه الحرص والانتباه.....ويجب ان تعرف الزوجه الفطنه من جواب الزوج عن سبب السفر لماذا تلك السفره وجهة نظر
|
| الساعة الآن 04:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©