|
سيناريوهات و تعليمات الشوفة للشباب ( (ممنوع دخول النساء ) )
طبعاً البنت يوم يتقدم لها شاب و تقبله مبدئياً تكون فرحااانة مرررررررررة و ودها تقاااااااامز من شدة الفرح ... بس أكيد هذا كله يحصل داخل غرفتها و الا قدام أهلها تسوي نفسها ثقيلة و محتارة و يمكن في الحالات المستعصية تسوي نفسها مو مهتمة ... سرعان ما تغتال الفرحة بكلمتين من والدها: يا بنتي ترى اتفقنا ان الشوفة يوم كذا .! هنا تدخل الفتاة في مرحلة من الهواجس و الوساوس و الخيال العميق .. :24: :24: :24: :24: :24: تفكر .. ايش تلبس .. :24: :24: :24: :24: :24: كيف تمشي .. :24: :24: :24: :24: :24: كيف تجلس .. :24: :24: :24: :24: :24: وين تجلس .. :24: :24: :24: :24: :24: كيف تتنفس .. :24: :24: :24: :24: :24: ايش تتنفس .. :24: :24: :24: :24: :24: ليه تتنفس <---------- (تذكرون اللي حالتها مستعصية !!) :24: :24: :24: :24: :24: وين تحط عيونها .. فوق .. تحت .. عليه .. :24: :24: :24: :24: :24: و الله مشكلة هالشوفة .. الله يعينهم البنات تحياتي - انتهى الموضوع - . . . . . . . . . . . . . . . . . . . . . . . . . . . . . . . . طبعاً الحين يفترض و بعد هذه المقدمة المرعبة انه لم يبقى الا الشباب أو المتزوجين و المتزوجات ... يعني اللي موجه لهم الموضوع أصلاً: نريد نصائح للشباب المقدمين على الشوفة .. كيف يخفف من ارتباكه و ارتباك البنت ؟؟ كيف يبدأ الكلام معها ؟؟ كيف يقرأ أفكارها و يعرف اهتماماتها و سلوكها ؟ غالباً بيكون شافها و هي مقبلة .. ماذا يفعل اذا كان يريد أيضاً أن يراها و هي مدبرة ؟ ايش يسوي اذا كانت طالعة متحشمة مررررررررة و هو يبي يشوفها بلبسها العادي ؟ نرجوا مشاركة الشباب و طرح استفساراتهم .. كما نرجوا مشاركة المتزوجين و المتزوجات بالاجابة على الأسئلة السابقة و طرح تجاربهم لكي يستفيد منها البقية .. شكراً |
ممممممممممممم
بننتظر النصائح من المجربين ،، ومشكوور ع الموضوع يا اخي الكريم ،، وتقبل فائق احترااامي... |
السلام عليكم أخوي
موضوعك حلوورجعنا لايام حلوة ..بالنسبة للارتباك فهذا طبيعي في البداية ولكن مع الوقت بيروح وخاصة اذا ارتاح كل طرف للآخر وعادة تكون البداية من الشاب طبعا البنت بتدخل وتسلم وزين منها بعد وبعدين يجي دور الشاب يسلم ويسألها عن احوالها ودراستها اذا كانت طالبة او عملها اذا كانت موظفة (وطبعا لا تسأل عن الراتب ) ولاتكلمها ابدا عن الزواج وممكن حتى تكسر ارتباكها تقدر تسألها اذا تبي تعرف اي شيء عنك واثناء ماهي تجاوبك بتعرف االكثير عنها وكذلك من جلستها اذا كانت مغرورة او متواضعة ..رزينة او مخفوفة ...وهي بعد كذا بتقوم تطلع وبتشوفها وهي مدبرة واذا ما قامت تقدر تطلب منها تحضر لك اي شيء ( ابحث عن شيء مو موجود) مثل ماء او منديل .....وبتشوفها كذا ...والله يوفقك أخوي ويكتب لك الخير |
موضوعك رووووعه ولقافتي ( بدخول الموضوع ) جابتلي ام الركب من الخوف
شوفتي الشرعيه قريبه كل شوي ناطه المجلس اسوي بروفه ههههههههههههههههههههههه وربي ميييييييييته مدري خوف ولا خجل واكثر شيء احس اني راح اخجل من اخوي ياااااااااااااااااربي من جد مرتبكه وقررت اني ماراح ارد على اسألته اصلاً عساني اسمع من الخجل محتاااااااااجه دعواتكم ان ربي يوفقني ويجملني بعينه ويجعلني له كما يحب يارب |
السلام عليكم و رحمة الله
موضوع حلو و رائع ,, بالنسبة لي , كان يوم الشوفة يوم ما ينسي ,, دخلت المجلس و تفاجأت بمجموعة حريم جالسات يتقهوون , طبعاً انصدمت و تراجعت و بغيت أحط رجلي , قلت يمكني داخل غلط , ما أمداني الا أسمع وحدة من الحريم تناديني تقول لي تعال يا وليدي حياك تعال , دخلت و سلمت عليهم و أنا مرتبك و حالتي حالة. طبعاً لاحظ اني مسوي بروفة مع الوالدة قبلها و محضر أسئلة بس اللي صار لخبط أوراقي كلها و خلاني اختفي جو هدومي من الربكة و الحياء. بعد ما جلست فطنت ان البنت جالسة معنا لأنها كانت الوحيدة اللي كانت كاشفة و مو لابسة عباية , يعني ما يبيلها ذكاء. طبعاً ما سألتها و لا سؤال و ناظرت فيها مرة و لا مرتين. أمها حاولت تفتح مواضيع للنقاش بينا بس ما في فايدة , أنا رايح فيها و قلبي قاعد يدق دق دق دق , تلوموني ! , و البنت مستحية مرة و وجهها كنه طماطة. عاد سلمته عليهم و مشيت. بعدين كلمتهم و قلت لهم أبي شوفة ثانية بس هالمرة بدون جمهور لو سمحتوا ,, و فعلاً رحت شفتها مرة ثانية و كان معنا بس اخوها الصغير ,, و سألتها عن دراستها و ايش ناوية تسوي في المستقبل و ايش نظرتها للزواج و هل تحب الأطفال , يعني أسئلة عامة و تقليدية , و بصراحة أسرتني بشدة من هذي الليلة و صرت ما أفكر الا فيها , حتى أمي صارت تناظرني و تبتسم , عرفت اني خقيت على البنت و حبيتها. هذه تجربتي بكل اختصار أتمنى أنكم تستفيدوا منها و بالتوفيق لجميع الشباب و البنات و الله يرزقكم بابن و بنت الحلال تحياتي أخوكم / اصقر |
هلا بك أخي ليوناردو ذكرتني بنظرتي لخطيبتي قبل كم شهر المهم دخلت علينا وكان معي اخوانها ويووووه يالبنت والخجل وجهها محمر ومرتبكة مررره وخايفة سلمت و جلست جنبي وأسألها بعض الأسئلة لكن ماحولك أحد!
المهم عرفت ان الموقف صعب لديها قلت خلني اسولف مع اخوها علشان اجريها على الجلسة وانها ترد لكن لازال الخوف والخجل مسيطر عليها وبعدها قامت من المجلس والحمد لله البنت دخلت المزاج وحبيتها والزواج قريباً إن شاء الله ،،، |
يا ليوناردوا والله انك ما ادري اش اقول
انت ليش تسال وانت صاحب النظريات الجميله والعلمية المفروض انك انت اللي تعلمنا ولا انت مرتبك وخجلان من يوم الشوفة طيب سؤالي (((للعزابيه))) اش اللون اللي تفضل ان البنت تكون لابسته يوم الشوفه(لون يبشر بخير) ثانيا البنت والولد اذا ما ارتبكوا فهذا يدل على شوفات سابقة يعني لما يرتبكون هذا دليل على انهم باقي على الفطرة بعدين ماله داعي الكذب ((تسألها عن دراستها )) اصلا ما خطبتها الا وانت عارف كل شئ عنها ثالثا خلو النقاش ذاك اليوم ودي وحلو وهادي مو كننا جالسين في ((أوراق ثقافيه)) وش ناويه عليه ،تحبين الاطفال.................................الخ قولوا مثلا ان شاء الله يكتب لنا الخير بشوفتك وان شاء الله انك ما تشوفين الا الخيروالسعادة |
اقتباس:
تحياتي |
اقتباس:
شكراً على التكتيكات الخطيرة سلمتي |
اقتباس:
كل هالبروفات و آخرتها ما راح تردين على أسئلته !! الله يكتب لك اللي فيه الخير و انشاء الله تكونين أحلى ما شافت عينه تسلمي على اللقافة قصدي المرور |
| الساعة الآن 02:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©