خطبتي بعد أسبوعين بس يقولون خطيبتي دلوعة!
 

السلام عليكم ورحمة الله وبركاته وبعد ،،،

أهنئكم على هذا المنتدى الرائع ،الذي قلما أنت تجد مثله في المحبة والأخوة بين أعضائه ، ففله دركم يأعضاء ما أجملكم وما أجمل محبتكم ووقوفكم مع بعضكم :22: ويشرفني أن أكون عضواً جديداً معكم ، وإليكم موضوعي :
بعد أسبوعين ستكون خطبتي إن شاء الله :d ولكن أسمع من بعض قريباتي نقلاً عن نساء أخريات أنهم يقولون أن خطيبتي دلوعة ! :25: فما هو الدلع المقصود لأنه صراحة البنت تعمل معلمة ودائماً تهتم بالموضة والأزياء والمكياج وتحب السفر لكن ايش المقصود بالدلع هذا وكيف أتعامل معه مستقبلاً ولكم جزيل الشكر ،،،

هلا بك أختي حائزة الأمل وأشكرك على سرعة الرد والله يخارجنا من بعض الدلع ! هههههه

لكن إن شاء الله بعد الزواج تزين الأمور شكراً لك عزيزتي،،،

الدلع ::بصراحه
................
................
أما بالنسبه لرأي الأخت فاقدة امل أختلف معاها لأنه هذي شخصيه أنانيه وحب التملك
مش دلع وشكرا

أولاً /أشكرك على الرد والمشاركة ،،،

ثانياً / ................
................
ويخالف تماماً موضوعي بالكلية والصواب أقرب لما ذكرته الأخت حائزة الأمل والأنانية ليست كما تقول هي بل هي شيء والدلع شيء آخر!

لا بالعكس الاخت حائزة الامل ذكرت عدة انواع من الدلع فعلا البنت اذا دلعوها اهلها مثلا في تصرفاتها محد يرد عليها وكلمتها تمشي تكون دلوعة على زوجها وبحيث ان كلمتها لازم تمشي ولا ما بتتحمل وفيه دلع ان الوحده تبغا تشتري كل شي يعجبها نظرا لتعودها على اهلها مثلا
لكن فيه نوع من الدلع ما ذكرتوه وهو مرة مفضل عند الرجال
الا وهو الدلع في الكلام والحركات فيه بنات سبحان الله خلقتهم كذا حتى لو ربوها اهلها على الجفاف والشغل في المطبخ وما تروح ولا تجي بس برضوه تلاقي كلامها وحركاتها دلووعة مرة هذي صفة تنولد فيها البنت ونص بنات الدنيا تتصنع هالدلع لكن ابدا ما يكون زي الدلع الطبيعي اللي تنولد فيه البنت
حتى ضحكتها تصرفاتها ردات فعلها تصير كلها لطيفه وبدلع
بس الله يعينك من الغيره عليها لانه هذا بيكون طبعها في كل مكان لو بتتكلم مع راعي محل بتكلمه بدلع هههههههههه
لان عندي وحده تقرب لي كذا وزوجها بينهبل عليها صارت حتى السوق ما تتكلم تروح مع زوجها وهو يكلم حقين المحلات وبالسفر ممنوع تتكلم مع احد تصورو ههههههههههه

سبحان الله .. ما حد مرتاح في هالدنيا !!
اللي زوجته دلوعة يشتكي .. و اللي مو دلوعة يشتكي !!!

أنا في رأيي ان الدلع و الخجل حلو على البنت و يعطيها جمال و رونق خاص .. بل الكثيرين يقرنون الدلع و الخجل بالانوثة نفسها ..
ما أتكلم عنه هو الدلع الأنثوي الفطري .. يعني في الكلام و الحركات و طريقة المشي ... الخ

أما الدلع و التغلي في الطلبات و فرض الرغبات فهذا ما لا يحبه الرجل عادةً ..

و اذا هي مدرسة غالباً بتكون من النوع الأول و الله أعلم ..
أما قضية الاهتمام بالموضة و المكياج فأعتقد شي حلو و يدل على أناقتها و تذوقها .. و الا تبي تتزوج وحدة مبهذلة !!
أما حبها للسفر فيدل على حبها للتنويع و التغيير و كسر الروتين و هذا يدل على أنها فتاة متجددة و مرحة .. شكلك تبي وحدة تقليدية مررررة ؟؟
مجرد تحليل

تحياتي

بسم الله الرحمن الرحيم
اخى المميز
ما هى قصتك بالضبط اهى دلوعه ولا متدينة ولا هى قصة ابن عمك مع خطيبتك ان كان كل هذا يجتمع فى خطيبة واحده فنصيحتى ابحث عن واحده اخرى

السلام عليكم
أخي ألف مبروووووووووووووك
والله إن الرجال ما يعجبهم شي، واحد يقول زوجتي ما تعرف تتدلع شسوي؟؟؟؟، والثاني خايف من زوجة المستقبل لأنها دلوعة......الله يهديكم
في رأي لا تسمع كلام أحد، وأنت راح تشوف زوجتك ودلاعتها بعد مدة بسيطة وراح تنبسط جدا لأنها دلوعة، لأن معظم الرجال يحبوا إن زوجاتهم تتدلع عليهم، حتى لو كان بعضهم يظهر العكس، عموما المفروض إن الدلع ما يزيد بحيث يعمل مشاكل بين الزوجين، إنما يبقى في حدود تزيد السعادة والبهجة بينهما.
الله يوفقك ويكمل لك على خير