|
مقبلة على الزواج لكنني لست سعيدة
بسم الله الرحمن الرحيم
السلام عليكم ورحمة الله وبركاته والله ما أعرف من وين أبدا مشكلتي وتفكيري اللي ذبحني.. أنا مقبلة على الزواج عمري 22 وزوجي أو خطيبي 32 رجال مرة محترم ومرة أخلاق ومرة أحبه ويحبني..والسواليف ما تخلص بيننا..وين المشكلة ؟! المشكلة انه يحسبني ملاك واني فتاة كاملة وأنا مليانة عيوووووووووووووووب هو يحبني ومقتنع تمام الإقتناع بشخصيتي وأخلاقي وديني وشكلي مشكلتي انه يحسب اني كاملة الجمال من ناحية الشكل والجسم وأنا مثل كل البنات فيني عيوب كثيرة يمكن ما تكشفت له لأنه ما يشوفها خصوصا من ناحية جسمي بتقولون وش هالمشكلة السخيفة لكن وربي انها مأرقتني لأنه إنسان دقيق جداً جداً جداً ويبي كل شيء تمام التمام وكامل وأنا دايم دايم أقوله ترى أنا مو ملاك ترى أنا فيني عيوب ترى مو شرط الظاهر يعجبك يعني اني كاملة..وهو كأنه ما يسمع كلامي..وكل كلامي مقدمات له عشان ما ينصدم بعد الزواج بعيوب جسمي وشكلي..لأني يقول أبيك دايم مثل المانيكان أنا أقوله بليز لا تصير دقيق لكن هذا طبعه يشوف كل صغيرة وكبيرة وأنا ياويل قلبي فيني عيوب لا تعد ولا تحصى الحمدلله فيني ميزات كثيرة ولله الحمد لكن مشكلتي ينصدم ما أبيه يحسب اني شيء تام الجمال وأطلع شيء ثاني رغم ان فيني ميزات جمال نادرة بأي بنت لكن أنا مو كاملة أنا إنسان والإنسان لازم فيه عيوب.. بليز لو أحد واجه مثل مشكلتي أو يقدر يقولي شيء يخفف عني لا يبخل علي أنا محتاجة لاي رد مهما كان لو كلمة واحدة تكون مفيدة.. لأني تعبت مرة.. |
انا زواجي قريب واعاني من نفس مشكلة الاخت.... وخطيبي دقيق جدا جدا جدا ... مالعمل ؟؟؟؟
|
ههههههههههههههههههههه حتى انا مثلكم!
|
الميزات الزينه ان شاء الله تغلب السلبيات
ومافيه احد كامل ومافيه عيوب ابدا ابداابدا لا تهتمين الحب والقبول ماله دخل في هذي الامور البسيطة ومبروك ان شاء الله |
والله يااخواتي انا لست متزوجة ولا مخطوبة..ولكن ارى من وجهة نظري حل بسيط لكن.. تحاولي لبس الملابس التي تخفي عيوب جسمك مثلا اذا كنتي تعانين من الكرش لاتلبسي حزام او حرائر..وعليكن بالرياضة لانها تشد الجسم وتصح البدن وتغير العيوب..وبعدين مافي بنت خالية من العيوب لأان الله هو الكامل فقط جل جلاله ..لذا لايتعيركن الخوف وتوكلوا على الله وان شاء الله ربي يجعلكن احلى النساء في نظرة ازواجكن..:14: أختكم حائزة الأمل |
اختي تقولين : ( هو يحبني ومقتنع تمام الإقتناع بشخصيتي وأخلاقي وديني وشكلي 0) نصيحتي لك : كل ماخطرت في بالك مثل تلك الوساوس قولي أعوذ بالله من الشيطان الرجيم 0فهو الذي يريد صرفك عن الخير بوساوسه الخبيثة فلا تكوني ضعيفة له وكوني على ثقة بربك ثم نفسك وتوكلي على الله وبإذنه تعالى ستوفقين لحياة زوجية سعيدة بحول الله وقوته 0 |
اختي العزيزة أماني
ربما ما أنت تعتقدين انها عيوب بنظرة خطيبك انها مميزات فلا تخافي حبيبتي وكوني سعيدة انك جميلة بعينه فكل رجل له ذوق والحمد لله انك تعجبينه ولا تذكري له عيوبك وعندما يقول انك كاملة لا تقولي "لا" بل اسعدي وحاولي ان تستغلين ما يحب فيك والله يتمم عليكم بخير ويسعدكم يا رب |
انتم قلتوها الكامل وجه الله سبحانه ,, يعني سواء احنا يابنات او الشباب كل واحد فيه عيوب ومميزات لكن قد مايقدر الواحد ينمي مميزاته الي عنده ويصحح من عيوبه ,, لكن من ناحية الشكل هذي خلقة ربي والحمد لله على كل حال واهم شي تكونين انتي واثقه من نفسك وماتخلي هالموضوع يسيطر عليك ويقلل من نفسك وموفقيــــــــن ياعرايس والله يسعدكم :14:
|
اولا انتي سويت غلط كبيييييييييييييييييييييييييير بانك لمحتي له بان فيك عيوب بالعكسسس انتي كذا فتحتي عيونه وبتخليه يدقق اكثر ويبحث عنها والحين صار يشعر بالفضول وش هالعيوب اللي تتكلم عنها وبيدقق فيك اكثر
المفروض تحسسينه بانك كامله وانك مرة معجبه بنفسك لان شعورك صدقيني ينتقل لزوجك وطبعا مو بالتصريح لا بالتلميح وطريقة كلامك عن نفسك حسسيه انك حلوة وكامله مثلا قولي صديقاتي يشتكون من هالشي الحمدلله انا ما اشتكي منه يووه صديقتي تقول عندها كذا وكذا لكن انا الحمدلله ماعندي هالشي . تصدق يمكن لاني متعودة اهتم بجسمي وبشرتي من صغري كذا انتي تدخلين براسه فكرة انك انتي حلوة وكامله وكذا مارح ينتبه لعيوبك وحتى لو انتبه لها يحس انها تافهه لانك خلاص برمجتيه على انك حلوة وكامله اسأليني اتكلم لك عن خبرة وتجربه وبحكيلك سالفه تدل على قصدي مرة واحد خطبتله امه بنت شافتها بمناسبه جميييييييييييييله وحلوة بشكل غير طبيعي والام قعدت توصفها للولد لين داخ وماعاد قدر ينتظر الشوفه وفعلا يوم جت الشوفه طلعت الام كلمت ناس غير اللي شافتهم بالمناسبه وطلعت البنت عاااااديه وضاق صدر الام قالت يا ليتني ماخبيت الولد اخاف يتحطم لين شافها ليتني ساكته وكذا يوم رجعو قال الود بعذرك يمه وش هالزيييييينه :) ببساطه لان امه برمجته على هالفكره صدقيني تنفع كثييير هالطريقه حتى لو لاحظ عيب مارح يفكر فيه وبيقول احسن من غيرها من البنات فيهم بلاوي لانك انتي برمجتيه ان البنات دايم يشتكون من اشياء انتي ما تشتكين من شي ارجو ان الفكرة تكون وصلت |
انا والحمدلله خاطب واكلمي خطيبيتي والله ثم والله ماهمني شكلها ولا وزنها اهم شي اخلاقها وانا اعتقد انو خطيبك يهمه اكثر شي الاخلالالاق
وعلى فكرة خطيبتي وزنها مليان لكن والله اشوفها غزال ولله الحمد والمنه وانا اقولك اذ زوجك حبك من قلبه صدقيني ماحيفكر في اي شي ماسمعتي الي يقول ابيك بعيوبك ابيك بحلوك بمرك ابيك ابيع هالعالم واجيك وراضي بالمر الي فيك وسلالالام |
| الساعة الآن 03:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©