اخواني وخواتي ارجوا لمساعده
 

السلام عليكم ورحمة الله وبركاته
اليوم انا بعرض لكم مشكلة وحده هي مثل اختي لانها قريبه مني ونبي منكم الحل صديقتي حلوة ومتعلمه ومافيها قصور وقايمه بزوجها لابعد الحدود وتحبه ومب مخليته يحتاج شي وهو بعد يحبها ويموت يها لكن في بينهم مشكله الا وهي ان زوجها يبي يتزوج وياخذ الثانيه وهي رافضه مع العلم انه من زمان ايلح على هذا الموضوع وكان بينهم ويبي يقنعها وهي رافضه مبدأ انه يتزوج عليها وبعدين قام يقول حق هله وربعه انه خاطره يتزوج وصل الكلام لصديقتي ترى زوجك يبي يتجوز فنصدمت مسكينه ان الموضوع كبر وفي وايد ناس عرفوا بالموضوع فكلمته قال والله انا قلت لج من البدايه ان فخاطري اخذ وحده ثانيه ابي اجرب الحياه مع زوجتين وان هو منذ الصغر كان يحلم بزوجتين فقال لها انا مب متزوج الا اذا وافقتي لاني مابي ازعلج لاني احبج قالت لا انا ماراح اوافق قال اهنيه انتي تجبريني اتزوج بالسر والخطابات تارسين الديره مب مشكله وهي فداخلها محترقه ومعصبه وحتى من ناحية الجنس ولا مره قالت له انها ماتبي كله تعطيه ولا مره ردته لكن هو صار مايجيها وذا رجع البيت لقاها كاشخه وتنتظره قعد شوي معاها وبعدين دخل ينام انه تعبان ولا حاط فباله ان في وحده تنتظره يمكن تكون محتاجه او شي من هالقبيل علشان هشكل هي زعلانه ان هي مب مقصره معاه بالعكس هو مقصر معاها من ناحية الفراش فشلون بياخذ الثانيه ارجوكم انصحوا رفيجتي لانها وايد زعلانه وكل يوم تصيح وخلاص زوجها صار مايتكلم معاها الا عن الزوجه الثانيه ولا بيقعد ساكت وبيدخل ينام يعني مافي مواضيع الا الزوجه الثانيه وهي مسكينه تحاول تفتح مواضيع ثانيه وهو يتهرب ويحاول يسكرها لكن موضوع الزوجه الثانيه تلقونه مقصر على التلفزيون ويتكلم من صجه ومعطيها اهتمام الحين هي ايش تسوي مع زوجها تكفون ساعدوها لانها مسكينه ومعاها الضغط مع العلم ان الضغط ماجاها الا لما تزوجت وهي عندها منه بنتين ارجوا النصح والمساعده لها

وشكراً

الحل وربنا يجعله بفايده
انها خلاص قالت رئيها انها مش موافقه
تبدء بقي في فعل كل جميل يمكن يغير رئيه ولا تفتح الموضع ده تاني معه ودائماً الابتسامه دائماً الملاطفه وكأن شئ لم يكن نهائي يعني بلاش الوش الكشر ولا الزعل وتبدء توريه ولا العروسه دائماً في شهر العسل
ابتسامات مفاجئات عزومات الست الشطره اللي تخلي جوزها ميلحقش يفكر حتي في نفسه مش في غيرها
وربنا يهديه

احسه مصمم ومن قلب يتزوج مو بعيب بلزوجه ...لا ...حب بلتجربه وهدا برايي صعب يغير فكرته ... لاانه لو عيب بلزوجه كان قلنا حاولي تتغيري للاحسن ....بس هذا ايقول حلم حياته؟؟؟ .....انا من رايي مدام انها مو موافقه تستغل نقطة انه يحبها وتكلمه بهدوء الزواج مو لعبه ومو هو حق التجارب ... زواج يعني زوجتين وبيتين بينفتحو وكل بيت له حقووق .....فهل بيقدر يلحق على البيتين والمصاريف وعلى نفسه وعمله؟؟؟وماراح يقصر باي منهم؟

هاي المشاكل الي ما لها حل معين لان ما في سبب محدد
بس في الدعاء خليها دايما تدعي الله أما إذا خلاص قرر يتزوج فالله يعينها و يصبرها

وانا رأيي من رأي ام ميرا كمان ...........

احمدي ربك حبيبتي خذا رايك في الموضوع ..

خليه يتزوج بعلمك أحسن من يتزوج وراك ، وخليه يتزوج وحدة من ديرتك ولاياخذ له وحدة فلبينية ولامغربية..

حكمي عقلك واحبسي مشاعرك ، صدقني هذا الزواج راح يعود عليك بالسعادة إنشاء الله..

وترى تغير معاملة زوجك معك هذا يدل إنه زعلااااااااااااان عليك مرة إنك منعتيه من الحلال ..

طيب وش رايك لو اكتشفتي إنه يخونك ..!!

بترجعين تحبينه زي أول ..!!

وش تفضلين الخيانة أو الزواج بالثانية ؟!


عندي لك نصيحة :

ناديه وقولي له (في لحظات رومانسية) أنا موافقة إنك تتزوج بس بشروط ، واشرطي إنك ماتشوفينها ولاتكلمينها ولاتشوفك ولاتكلمك ، ترى والله هالشرط يريح الزوجة كثيييييييير ..

والروحة لأهله أسبوع لك وأسبوع لها ، يعني ماتتلاقون أبد ، وقولي له عيالك عيالي ، لو تجيبهم عندي كل يوم..بس زوجتك الله يخليها لعيالها ..!

والله أعرف واحد يحاول يقنع زوجته بالزواج بالثانية وسنين هو وإياها شيل وحط ، آخر شئ تزوج فلبينية مسيار ..!!

هذا لأن زوجك صاحب دين فكر بالزواج ، ولو واحد غيره كان خانك ووسع صدره بدون صجة ولاإزعاج..

كوني عونا له على الحلال ولاتضطريه إلى الحرام ..

حاجة الزوج إلى زوجة أخرى حاجة فطرية وطبيعية ..

ويمكن بعد (احتمال وارد) هو مصر عشانك إنت رافضة يمكن لو توافقين يبرد اللي في خاطره ويهون ..
أقول يمكن ...!!

أدري إن الوضع صعب على قلبك ،بس معليش حاولي تضحين عشان زوجك..

والله يعينك يارب ويسخره لك ويصرف عنه الزواج الثاني ..