|
بنات ورجال: غلطت بحق زوجي يزيادة، وش أسوي ؟؟؟؟؟
السلام عليكم
آسفة اذا كنت في المنتدى الغلط أنا متزوجة من سنة تقريبا، من رجل والشهادة لله خلووووق ومحترم وكريم النفس والمال وحبوووب بالمرة يعني بجد يحبني يحترمني ويقدرني بشكل ما كنت أتخيله حتى لو اختلفنا يمكن ارفع صوتي من الزعل عليه لأني عصبية شوي ، بس هو يتكلم بحزم وهدوء لا يصارخ ولا يسب ووالله ما شفت منه شيء أبد يزعل واذا غلط يعتذر لين أرضى واذا غلطت أنا واعتذرت يرضى بسرعة المشكلة صارت يوم السبت (قبل 3 أيام) كنا على سالفة ما تسوى، بس أنا كنت غبببيييية وكبرتها وصارت خناقة، المهم مع الزعل صارخت بوجهه بقوة وأنه ما يقدرني ولا فيه خير .. ولا إرادياً .. عطيته كف .. (بأبكيييي كل ما تذكرت الموقف) طبعاً أنا يوم طقيته انتبهت لنفسي وصنمت من اللي سويته هو بغى يمد يده بس مسكها وأحس وجهه حمر وعصب .. ثم قال بهدووء بس أحس دمه بيطلع: "اللي سويتيه بيغير أشياء كثيرة بهالبيت" وطلع من البيت ( الكلام هذا قبل المغرب) جلست أبكي كل اليوم أكلمه على جواله ما يرد وأرسل له رسايل ولا فيه فايده رجع الساعة 9 وشاري عشاء من برا شاورما حق ثنين.. وبدون أي كلمة ( فقط السلام).. عطاني عشاي وراح لكمبيوتره,, رحت أتأسف له وأترجاه يطقني يسوي فيني اللي يبي بس يرضى وهو مو راضي حتى يتلفت لي :(:( أرجووكم ساعدوني .. له ثلاث أيام (اليوم الثلاثاء) ولا كلمة إلا السلام عليكم ومع السلامة.. اللي يخيليني بأموت من القهر إني أعرف طبعه عززيييز نفس بقوة .. يعني من جد عزة نفسه معروفه عنه قبل حتى ما أتزوجه وأنا عارفه إني جرحته بكلامي قبل أجرح عزة نفسه وأهينه بكف وهو لا يقدر يطقني ولا يقدر يرد الإهانة وللحين كلمته إن أشياء كثيرة بتتغير تقتلني.. ماااااااااااااوددي أخسره وأخسر أخلاقه وحبه لي أنا غبية والله غبيه ساعدوني أرجوووووكم وش اللي بيراضيه وهو اللي كان يرضى بكلمة |
السلام عليكم ,,,
تبغي الصراحة ... وبدون زعل .. زوجك رجل ونعم الرجال .. بس انتي ما قدرتيه ... وواجب عليكي عينك ماتشوف النوم الين ترضيه بأي طريقة كانت ... وأتذكري حديث الرسول صلى الله عليه وسلم وبلاشي أذكره .... أمنياتي بأن يوفق الله بينكم ... |
وعليكم السلام نرحب بك ونتمنى الفائدة لكِ موضوعك في قسمه المناسب *** اولاً : استغفري ربك لإرتكابك اثم عظيم بحق زوجك ثانياً : لا تتوقعين ردود مواسية او مخففه عن ماحدث معك ثالثاً : احمدي الله عز وجل ان الموضوع الى الان في سلام *** عظيم زوجك وصبور وقليل من هم مثله ، لو فرضنا اكبر الفرضيات لسبب رفع صوتك ومدة يدك على زوجك بهذة الطريقة ، والحمد لله انها انتهت على هذا النحو والاّ كان اخذتيه بالعصا!!! ايضاً يأتي بالعشاء لكِ وله...لله دره ما احكم عقله انتِ أخطأتي وخطأك سيبقي محفور في قلبه فترة طويله لكل فعل ردة فعل ماذا تتوقعين منه : ان راضيك في نفس اليوم هيهات لما فعلتي زوجك لو تستطيعن وضعه في عينك ففعلي ... هو من شرفاء الرجال لانه يعرف ( خلقن من ضلع اعوج ) سيأخذ الزعل وقته وينتهي بعد جرح ماذا عليك فعله : 1- لا تكدرين عليه بسب زعلك 2-كل ما تشوفينه اطلبيه المسامحه والصلح 3- لا تدخلين احد بينكم لا من قريب ولا من بعيد 4- استخدمي جميع وسائل مكر النسوان في محاوله ارضائه 5- استميتي في طلبك وبقوة 6-اعطيه العهد والميثاق بعد العودة >>>>>لان الثانيه مدري وش نهايتها 7- حسسيه بقيمته لديكِ *** ننتظر النتائج التى ستظهر معك الله يوفقك وينفس كربك خالص احترامي |
اقتباس:
حاولي قدر اسطتاعتك ان تحتكي به اثناء وجوده بالبيت ..اطلبي السماح ..ابكي امامه لانك ادركت هول تصرفك ..لا تهملي البيت او الطبخ له و استدعيه لسفرة الغداء وان رفض ان ياكل لا تاكلي .. استميتي في طلب رضاه ..قبلي راسه مرارا ويديه وتاسفي بحرارة ......و الله الموفق |
يابختك .....بزوجك ..
لكن ما أعرف شو أقولك غير حسبي الله منك المفروض تكوني عكس هذا الكلام ..وياريت تتعلمي منه هذه الاخلاق وربنا يوفقك ويكون في عونك تعرفين كل وحده قرأت هذا الموضوع تتمنى يكون زوجك هو زوجها أو يكون زوجها بأخلاق زوجك. |
لا حول ولا قوة الا بالله
بصراحة لسانني يعجز عن اي كلام ماذا نقول .......... مو كافي انك مازلت في عصمته ماذا تريدين اكثر بالعكس الرجل قلبه كبير و ما مسوي مشكلة كبيرة لان لو كان يريد كان طلقك في نفس اللحضة او كان على الاقل رد اعتباره باي طريقة (الزواج مثلا) بس اصبري وتوسلي وقبلي الارجل بس ممكن سؤال ؟ ايش الضمان انه بعد ما يرضى انك لا تعاودي الكرة مرة ثانية انت كسرت رجولته في البيت فيا ترى شلون تنرد الله اعلم تحتاجين رجل يجاوبك على هذا التساؤل |
اشترى له هديه عطر مثلا وهيئى له ما يشتهى من طعام والبسى له احلى الملابس وتزينى
وضميه اليكى مبتسمه |
ما قادر اتصور الموقف....صفعتي زجك ...صعب ...اتخيلي حد ثاني صفعه كف ، شو كان سوى فيه...اللي عملتيه شي كبير صعب انه يغتفر ..واقول الله يستر مب اي حد بيتصرف تصرف زوجك اللي عنده ضرب الحريم عيب ... اتمنى يكون احساسك بالي سوتيه عظيم....لا تتركينه خليكي لاصقه فيه وتوسلي عشان يسامحك ، ومب بعد فترة اتقولين انا اتأسفت كثير وكيفه ما عاوز يسامحني انا سويت العلي...لا ..لو زعلان منك العمر كله انتي مفروض تتوسلي العمر كلهززلأن هذه الفعله عقابها كبير عند رب العالمين.
الله يهديكم ويصفي النفوس |
اقتباس:
اقتباس:
وايضا مع الاخت الفاضلة " بنوتة أمورة " ،، والله الموفق وتقبلي فائق احترااامي.. |
الى الاخت اللي تسمي نفسها ميو . . . بكل صراحة زوجك بالفعل رجال . . . وأنت للاسف ما فهمتي هذا الرجل من أول خاصة انه كان يمسك نفسه عند الغضب و لا يرفع صوته عليك لكن للاسف انت زوتي الموضوع لذا حقيقة لا اعلم ماذا سوف يفعل بك لكن فالوا العرب قديما جنت على نفسها براقش لذا عليك الانتظار حتى يفعل الله بك ما ياشاء
|
| الساعة الآن 01:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©