|
اخبروني رجاء هل هذا الوضع طبيعي ؟؟؟
السلام عليكم
حقيقتاً اعصابي متوترة جدا وقد اتهور في اتخاذ بعض القرارات خاصة في هذه الايام من شدة الضغط النفسي والمعنوي .. فانا في مرحلة تدريب وإقبال على وظيفة في نفس موقع التدريب واعمل في مجال آخر في نهايت اليوم .. الحاصل اننا تقدمنا لخطبة احد الفتيات لي .. ذهبت انا ووالدي واتفقنا مع الاب وكل شي 100% .. طلب الاب ان نمهله فترة ليسئل عني والى الآن الوضع طبيعي امهلناه اسبوع كامل ولم يتصل .. بعد ذلك اتصل والدي ...واخبرة الاب انه انشغل ويريد فترة اطول .. وامهلنا اسبوع آخر ولم يتصل .. واخبرت والدي ان نقف هنا ونتركه اذا اراد يتصل هو او ينتهي الموضوع .. مرت اسبوعان .. بعدها اتصل يسئل عن موعد العرس مما يوحي بالقبول .. تقبلناه بشكل طبيعي وبترحيب .. فطلبت الطلب الشرعي وهو رؤية الفتاة .. فوافق ومرت الآن اربع ايام ولم يتصل ليحدد الموعد . اتصل اليوم ولكن كان جوال ابي بعيدا عنه ولم يعلم عن الاتصال .. فعاود ابي الاتصال به واخبروه ان الاب خرج وهذا كان في الصباح .. والآن الساعه الثانية ليلا ولم يتصل .. هل الوضع طبيعي بهذه المماطلة؟؟؟ ام انه لايريدنا ام ماذا؟ كنت اتمنى ان يقولها ببساطة لم يكتب الله نصيب .. ولا اريد ان (يحرق اعصابنا) بهذه الطريقة بالمماطلة ... فاخاف ان لم يتصل غدا ان الغي الموضوع تماما واخبر والدي انه حتى لو اتصل لن اذهب ولن اخطب ولن افعل اي شيئ معه .. اذا كان هذا فقط في فترة الخطوبة مدة شهر كامل ..كيف ستكون الملكة الزواج ؟ اعتقد سنكمل سنتين للنتهي؟ وضحو لي يا أهل الخبره .. الفتاة خلوقه ودينه الى باعد حد بشهادة اختي لانهم يدرسون في نفس الصف .. انتظر آرائكم |
يا اخي اصبر هذا زواج وليس شراء سياره
افترض انك بتشتري سياره كم معرض بتمر وكم خبير بتسأل فاصبر فهذا زواج وتوكل على الله امرك إن شاء الله ميسر . ويا مدور الهين ترى الكايد أحلى والله يوفقك تحياتي |
أخي الفاضل...إل إم ماذا دهاك أو تظن أن المدة هذه كبيرة... لاتخف هذا الشيء...لازم يصير.. وأنا عن نفسي وربي جلست شهرين ونصف أبوي يسأل عن خاطب ...والكل يثني عليه .. وفي آخر المطاف يعني لما جينا نقول تفضل تعال شوفني صدمة بصدمة أنو الكل يثني عليه وبالأخير طلع ....صاحب كأس أسأل اله السلامة والعافية...والكل يظن انو كويس وراعي تقى... فلا تلومهم هذي عشرة عمر مو يوم أو يومين... أنت صار لك سنين من دون زواج إلا الحين حبكت عندك إلا تزوج :d طووووووول باللك وفررررررررررج الله قريب وعسى أن تكرهوا شيئاً وهو خير لكم...وكل تأخيره وفيها خيره زي مايقولوا ...هاه أكمل بعد وإلا :29: |
شكلك متوتر لان عندك وايد اشيا وكلها مهمه وجايه بفتره وحده
الوقت اللي خذوه مب كثير وعادي جدا وكل ناس ولهم ضروفهم واكيد البنت تبي تفكر وماتستعجل عشان ماتندم وبالنسبه للرؤيه الشرعيه يمكن هي مستحيه ومأجلين عشانها او يحاولون يقنعونها لاتتوتر او تخاف والله يكتب لك اللي فيه الخير وطمنا عنك |
اقووووووووول توك بالف انا ابوي خلى زوجي ينتظر سنه والله : :29: :29: ووخطبه شهر :25: وملكه 4شهور :25: :29: يعنيي مررررررررررررررررررمطه ولطعه محترمه ان شاء الله ماتاكلها :23: انتظر ولو عندك اخت والا بنت عرفت المعنى من هالحركات والله يتمم عليكم ويوفقكم ان شاء الله :22:
|
ياأخي الوضع طبيعي ... هذا زواج .. لاتلومهم ....بعض الناس يسوي هالحركات .. عشان يتأكد بس الخاطب شاري البنت ومستعد يصبر .. والا خلقه ضيق .. بيمل ويقول بدالها غيرها ...
أو يمكن عندهم ظروف ثانية شاغلتهم .... ماتدري ..... عموما إذا كانت البنت تستاهل ....لاتفرط فيها بسبب قلة صبرك ( تستاهل لقب ...عميد الكرة الأرضية في الحرارة وقلة الصبر ) طول بالك .. ولا تقطع فيهم ..ولا تكابر .. اتصل مرة ومرة وأسأل .. وين وصل الموضوع .... يعني تابع المعاملة .. لايطنشونك الله يوفقك |
اقتباس:
مااحس الموضوع فيه مماطله؟ بس انت تحسب ان فيها مماطله وافرض ان فيها مماطله؟ وبعدين؟؟ يمكن هم مشغولون شوي نصيحه مني لك ولاترميها حااااااااااااااااااااااااول ان تجد اعذار لناس عوضا عن اتهامهم ونقدهم تقبل تحياتي مخـــــــــــــــــــــــــــــــــــــــاوي الدمعه |
اكيد اخوي قاعدين يتغلون عليك لا أقل ولا اكثر ويسئلون عنك
ونصيحتي حاول تدور على اعذار لهم |
يأخى انا حقيقه اقلقتنى عصبيتك الزياده عن الطبيعى , واود ان لا تكون طبع فيك .
وارجو ان ما تشعر به حساسيه مفرطه تجاه الموضوع . هل تبخل على رجل يعطيك ابنته بعض ألأيام ؟ |
صراحة ياإخوتي,
هذا ليس من السنة في شيء, لم أعلم أن هذا كان ساريا في السلف. بل إني أري أنه من المغالاة. فالزواج يسر وليس بعسر |
| الساعة الآن 09:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©