سالفه محيرتني بخصوص تجهيز العروس
 

السلام عليكم

أنا زواجي بإذن الله راح يكون بعد حوالي سنتين
فأنا أغتقد إنه لسه عندي وقت طويل للتجهيز بس في نفس الوقت ما ودي أزنق نفسي خلال أيام الدراسه لأن دراستي شوي صعبه و دايم عندي اختبارات ففكرت اني الحين في هالفتره أبدأ أشوف أشياء بس مو عارفه وين أبدأ :21:
أفكر في الفستان بعدين أقول مابي موديلات 2005 أبي موديلات السنة اللي بأتزوج فيها
أخاف أحدد يوم و أحجز له (قبل الزحمه :27: ) بس أفكر سبحان الله يعني ماحد يعلم الغيب...شلون أعرف ان الموعد اللي راح أختاره بيكون مناسب ولا لا يعني ماحد يدري بالضروف بالذات ان احنا لسنا وضعنا ما استقر يعني زوجي وده يكمل دراسات عليا و لسه ما ندري بيكمل في البلد ولا بيطلع بره و اذا كمل في البلد ما ندري في اي مدينه...هذا باذن الله راح يتحدد خلال هذه السنه فأنا أعتقد نحدد بعدين الموعد على هذا الأساس...و هذا شي بعد يؤثر على تجهيزات الشقه يعني احنا لسه ما ندري حتى وين بنسكن :30:
الملابس و كذا أحس بدري مع ان فيه وحده من خوياتي تقول لي اذا شفتي شي في السوق و عجبك (قميص نوم ولا شي) اشتريه علشان ما يروح عليك الموديل...بس أنا حتى مدري أي مقاس آخذ يعني مين يدري يمكن بعد سنتين أكون زدت أو نزلت 50 كيلو ولا شي :( بعدين شي ثاني استحي أفتح الموضوع مع امي مو متخيله نفسي مع امي في السوق و أقول لها ماما وش رايك في هذا؟ أبيه :o احراااااااج....المشكله أنا ما عندي خوات اكبر مني...و صحيح إني قريبه من أمي بس أحس استحي اني اقول لها ابي اشتري اشياء كذا

فيه شي ثاني بعد...دايم لما أقرأ عن تجهيزات الزواج يكتبون أشياء مثل ملابس عاديه بلايز، فساتين....إلخ و مثلا مكياج، شنط، اكسسوارات، جزم.......إلخ
عندي سؤال عبيط :15: اسمحوا لي..الأشياء اللي عندي من أول شأسوي فيها؟؟؟؟؟؟؟؟ أرميها يعني؟؟؟ فيه اختلاف بين شنط و جزم المتزوجات و غير المتزوجات؟؟؟ ولا لازم بعد العرس ألبس كل شي جديد؟؟ يعني لو كان عندي مثلا شنطه أحبها و أستخدمها قبل الزواج بعد الزواج أتخلى عنها ولا أيش؟؟؟؟؟؟؟

أفيدوني

اختي رايي انك تصبرين كل شئ راح يتغير بعد سنتين واللي اشتريتيه راح يكون دقه قديمه
فاصبري اما الملابس اللي عندك ممكن تتركينه لخاتك اذا كان عندك خوات او تتبرعين فيهم
اما الشي اللي تحبينه فاحتفظي فيه
وما فيه اختلاف بين اغراض العروس وغيره
بس حلات العروس تكون بطله جديدة من الى حتى لاهله
وربنا يوفقك

أختى تولة العود شكراً على الرد

فعلاً هذا اللي أنا فكرت فيه بالنسبه للفستان...لما يقولون لي طالعي فساتين و كذا أو لما يقولون وش حاطه في بالك للفستان أقول لهم مابي الحين أفكر فيه لأن لسه باقي وقت طويل و راح يكون موضه قديمة
بس كل أحد حولي يقول لي طالعي شوفي أفكار مو لازم تشترين الحين بس على الأقل اذا عجبك شي تحطينه في بالك و انتي بعدين بتنشغلين و ما بيصير عندك وقت من اختباراتك و دراستك (بالذات ان المدينه اللي أدرس فيها غير المدينه اللي فيها أهلي) فطفشوني فقلت أسكتهم و أطالع بالنت بس موب عارفه وش أطالع أحس كل شي بدري عليه :25:

أنا عارفه ان العروس المفروض تكون بطله جديده بس أنا اللي استغربت منه انه لما أقرأ عن تجهيز العروس ألاقي أشياء مثل فرشاة أسنان و معجون، ماكينة ازالة الشعر، طقم فرش مكياج، عطور...الخ
فأنا أفكر (بمعنى أصح أستهبل :23: )
وش دعوة يعني قبل ما تتزوج ما كانت تفرش أسنانها؟؟؟؟؟؟؟؟؟؟؟؟؟ :26: :29: يعني أنا أستخدم فرشاة كهربائيه فهل هذا معناه اني اذا تزوجت لازم أشتري وحده جديده أو يكفي اني أبدل الراس حقها :23: <------تستهبل
نفس الشي بالنسبه لماكينة الشعر!!!! بس عاد بما ان أنا بعد سنتين فيعني أكيد هذاك الوقت بيكون طلع موديل جديد فممكن اني أجددها (أوكي هذا منطقي شوي...يعني ممكن هي كانت تتشاركها مع اخواتها...مع ان هذا شي مو هايجنك)
طقم فرش مكياج: توني فلست نفسي على فرش جديده و أحبهم يعني لو بأشتري راح أشتري نفس الفرش فهل هذا معناه اني اذا تزوجت أرميهم حتى ولو فيهم روح؟؟؟؟ :23:
العطور: أنا عندي عطر استخدمه دائماً....ماركتي المسجله يعني :d بس طبعاً عندي عطور ثانية للمناسبات المختلفه و كذا...فهل يعني ان اذا تزوجت و العطر حقي كان فيه نص أرميه و اشتري جديد؟؟؟

أدري كلامي عبيط شوي
بس يعني أنا مستغربه
كل الأشياء اللي يقولون عنها أنا عندي منها الحين (ما عدا قمصان النوم يمكن :O)
فيعني مدري وش قصدهم بالتجهيز و التجهيز اللي الكل يقول لي الله يعينك (كل ما سمعوا اني رايحه سوق قالوا لي الله يعينك انتي الحين وراك تجهيز :21: )........و اذا على تجهيز الحفله..ما أحس انه مختلف عن تجهيز الملكه..يعني أنا جهزت ملكتي في ثلاث أسابيع..صحيح أمي الله يخليها ساعدتني كثير.يعني هي اللي اتفقت مع المصورة و الديجي و الكوافير و كذا (لأن أنا كان عندي اختبارات و ما خلصت منهم غير قبل حوالي اسبوع من الحفله)...بس أكيد في العرس نفس الشي...يعني هي من الحين كل ما راحت عرس و عجبها شي تسأل عنه..عجبتها فرقة تاخذ رقمهم..عجبها الأكل سألت من أي مطعم :14: و خوات زوجي نفس الشي عندهم تخطيطات...فيعني أكيد كلهم راح يساعدوني


فيه تجهيزات غير هذه؟؟