فسروا هذا الموقف
 

السلام عليكم جميعا
حصل لي موقف ما فلحت في تفسيره للحين ابيكم تساعدوني ...انا بنقل الموقف كما حصل

اعجبت ببنت في الجامعه الى ادرس فيها وهي ما شاء الله عليها اذا تكلمت معي ما تخرج في مجال الدراسه ابدا فقلت لنفسي هذه افضل بنت مناسبه للزواج ...فقررت اصارحها بالموضوع فالتقيت بها وحصل ا لموقف الاتي : يا فلانه ابغي اتعرف عليك اكثر و.....ما تركتنا اكمل كلامي وقالت: احنا كذا كويسين ...واعطتنا ظهرها وهي ماشيه سالتها ايش مخطوبه قالت لالالا ثلاث مرات هكذا انتهى الموقف ...!!!

المهم البنت وقفت عن الكلام معي تماما وحتى النضر لي ...وانا من يومها مش عارف ايش اسوي اكلمها او خايف تكبسنا وقلت يمكن انها فهمت غلط او او او او


المهم موقفها هذا زادنا رغبه في الزواج بها والمشكله اني مانا عارف عناسوى اسمها وهى كمان منقبه يعني حتى وجهها ما اعرف بالله قولوا لي ايش الحل

(ادخلوا البيوت من أبوابها)

إن لم تفهمني أعذرني :)

كلام اخى الفاضل صحيح

ادخل البيوت من ابوابها وتقدم اليها بصفة رسمية

وعن طريق ذلك سوف تتعرف عليها

ومبرووووك مقدما

السلام عليكم

اخي الفاضل انا شايف انك ممكن تكلم وحدة من المقربات لها

وتفهمها حقيقة مطلبك لانها يمكن تكون فهمت غلط

وربنا يوفقك ويسعدك


اخوك

عازف الاحزان

مرحبا اخوي ........

بصراحه انا من رايي اشوفك تسرعت كثيرا ....

اول شي روح اسال عنها قول حق اخواتك او امك تروح تسال بس خلهم يسالون اكثر من شخص واذا اجتمعت الآراء انها بنت خلوقه

توكل على الله روح واخطبها .... صح ولا لا؟

وان شاء الله تطلع البنت خلوقه ...........

أخوي ..

البنت المحترمة و اللي أهلها مربينها ,،
اللي يبغاها .. يروح لأهلها ..

مو يطلب إنه يتعرف عليها أكثر ثم يتقدم لخطبتها ..
و باين عليها إنها إنسانة محترمة و خايفة و حريصة على نفسها ..

و أمي معلمتني إذا وحدة مثلا جات و قالت لي أبغى أخطبك لولدي أو أخوي أو أو ..
فمو أنا اللي أرد عليهم ..

و إني أقول لها ( أمي موجودة ،، و اللي يبغى يتكلم بالمواضيع هذه يكلمها هي ) ..
طبعاً بأسلوب غير كذة بس بما معناه .. :)

و استخير و شاور ثم تقدم لها و لا تحكم على الآخرين من أول انطباع ..

مشكورين اخوني على الردود
 

بس المشكله يا اخوان انا اهلي في بلاد ثانيه ولا ينزلون لهذه البلاد الا في السنه مره واذا نزلو نزلو لمدينه ثانيه بعيده عن هذه ...........يعني لا عندي اخوات واذا بدعي اهلي عشان يجون هنا المفروض يكون كل شي جاهز ....ما ابغى احرج معاهم يجون مثلا ويرفض طلبي مثلا او بعدين اكتشف ان البنت ماهي مناسبه لي او او ...فلازم اعرف عنها كل شي قبل اي شي ................والله يا اخوان الموضوع اخذ وقتي كله في التفكير والغم والهم وانا ولله الحمد من الاوائل في دفعتي لكن لي اكثر من اربع ايام من يوم صار الموقف وانا ما فتحت ورقه والايام هذه بدات عندنا الامتحانات النصفيه ....جزاكم الله الف خير على الردود لاني كنت اخجل اني استشير او اكلم اي واحد عن الموضوع لكن اليوم بمنتداكم هذا الي حصلته صدفه وانا قاعد ادور في قوقل عن معنى كلمة الحب حصلت منتداكم هذا وتكلمت عن الموضوع بكل حريه دون خجل وحصلت ناس يشاركوني همي ...مشكووووووووووورين جميعا