أكيد مستعدة..(فساتين =عطور =أثاث =....................

بس ماأدري :11: هل فكرتي بحاجة انا افكر فيها ولا لا؟

:14: زواجك .. :14:

زواجك ياغالية ؟؟

مافكرتي شلون تجعلين من زواجك سبب وسيلة لتوفيقك...

الكل يدعي لك .. ويتمنى سعادتك

بعطيك بعض الأمور :

حافظي عزيزتي على لباسك ..والستر ياغالية زين ..وكلما تعريتي

زاد النظر فيك ...وتفتحت العيون عليك ...

وقولي لي بالله وش راح تصيدين من هالعيون ؟

توفيق؟ راحة؟

لاوالله ماراح تصيدين الا تفريق ..والعياذ بالله..

فضلا عن غضب الله..

ثانيا: اجعلي من زواجك مكان لراحة النفس كل من طلع من هالزواج يقول

الله يوفقها والله الزواج يريح..ويشرح الخاطر ..وذلك بالبعد عن الموسيقى والمحرمات.

لان الموسيقى بطبيعة الحال تجيب الضيقة..واللي يطلع وهو ضايق وش بيقول؟

بيقول الله لايبارك بهالزواج ضيق خواطرنا وبس...(صح ولا لا؟)

ثالثا: الفرقة اللي انتي جايبتها خليها فرقة محافظة...والله راح تفيدك..

يسوون مسابقات وكلمات هادفة ونصح...واناشيد مباحة ودعوات صادقة ومدح

مباح...وش احسن من كذا بيدعي لك كل من حضر ويقول والله ونسونا الله يوفقهم..

رابعا: شرايك تسوين بطاقات صغيرونة مع حلاوة ...سويها بالبيت واكتبي

لاتنسى العروسين من اصدق الدعوات ...سويناها والله الكل يدعي لك..

خامسا: لاتنسين الكتيب والشريط الاسلامي ترى لها اثر..وياما كثير اهتدوا من شريط خذوه

بدون قصد ...ولو رموه باي مكان الفايدة بتجيك بتجيك...

والدال على الخير كفاعله...تصوري عاد شكثر الاجر اللي بيجيك...

طبعا ان صدق الاخلاص..

أخيرا...

يضل التوفيق بيد الله...فاصدقي واحسني النية واحسني الظن بالله ...تنالي خيرا..

وان جد جديد ...سأوافيكم به...

( :d ومن احاجت ترجمة لمفرداتي فلتكتب مفرداتها لاحقا..واختكم جاهزة :d )

الى لقاء ..جديد..

::::::::::::::::سمووورة:::::::::::::::::::