|
عندي مشكله مع زوجي.الي عنده حل يقولي؟
السلام عليكم ورحمة الله وبركاته 000
باختصار وبدون مقدمات زوجي الله يهديه قبل ثلاث شهور طلبته نسافر لمدينة ما لكنه رفض واجل الموضوع وبعد خلاف بيننا تنازل وداني لمدينة اهلي وجلسنا يومين ورجعنا طبعا بعد ما حرمني اعيد مع اهلي واحنا رايحين عند اهلي عطاني وعد انه لما يروحو للمدينة الي ابغاها راح يوديني 0المهم الي صار انه قبل ثلاث ايام اتصلو فيني اهلي وقالو انهم رايحين-طبعا بعد الصلح ا لي صار قبل اسبوع بيني وبينه قلت يمكن يوافق علشان يعوضك- الي صار انه رفض بدون تعليل للرفض ولا حتى بديل لاني في قرارت نفسي ما كنت حابه اضغط عليه بس قلت يمكن يعوضني بعشا ولا طلعه هيك المهم اني انجرحت من رده وما قدرت اتمالك دمعتي عاتبته على قسوته والدموع بعيوني وقمت وخليته بعدها هو طلع0 الصراحه انقهرت من بروده قمت ارسلت له رسائل قويه جدا بينت فيها انه خلا ص ما بيننا شي واني اطلب بيت لوحدي لانه ما يصير بس انا اتنازل وانت كل يوم والثاني رايح تستانس ومخلينا0 الرجال مارد وما رجع للبيت حتى اليل............. السؤال انا افكر اطلب منه بيت لوجدي لانه هدا شرطي في العقد وراح احطله مهله وبعده اشتكيه على القاضي , او اعتدر له على الرسائل واصبر واجري على الله بس خايفه يستهتربي ويعاملين بعدم مبالات,,,وش رايكم اخواني |
:o
هلا فيك ياأم الحب ومنورتنا بوجودك وإذا ممكن أعرف أنت ساكنه مع أهل زوجك وكم صار لك متزوجه...... |
رد للاخت.......... ام الحب....
اخوج...... فيصل.. |
اشكركم اخواني على الرد واسفه على التاخير بسبب ظروف انا عندي اربع اولاد وساكنه مع اهله بيت واحد
اما بنسبه لك يااخ فيصل فصراحتك مثل البلسم على الجرح لاني محتاجه الجد يوجهني وشكرا لكم |
والله يااختي وش اقول لك
انتي على الاقل شارطه تكونين ببيت لحالك بس انا من هبال براسي ماشرطت والحين من سابع المستحيلات اطلع من البيت وكل مشاكلنا عشاننا مو لحالنا ببيت واحد وشكلك انتي شايله منه مو عشان السفرة عشان الطلعه من البيت صح؟؟ |
السلام عليكم اخت عجميه
الصراحه يمكن اكون( كنت) شايله منه علشان الطلعه من البيت يمكن لاني اشوف نفسي انه من حقي اطلع بيت لوحدي ومتنازله عن هدا الحق وهو مش مقدر التنازل بس الحمد لله صاربيننا حوار واصلح امور كثيره كانت محل خلاف بيننا الصراحه اكتشفت ان زوجي انسان طيب وحبيب بس انا ما كنت فاهمته تصوري بعد عشره 9سنوات توني افهمه ادعو لي ان الله يديم علينا ويصلح حال جميع المسلمين والمسلمات |
طالما نك شارطة بالعقد بيت لوحدك ... لاتردك الا المحكمه!!!
الرجال ماينرحمون!! |
الله يديم عليكم السعاده
كثير من الازواج ما تصفى أجوائهم الا بعد عشرة طويله قد تمت الى اكثر من عشر سنوات والسبب هو العناد والتصلب للرأي فلو كان فيه قنوات مفتوحه بين الزوجين للحوار الدائم والصريح جداً 00 ممكن تنحل مشاكلهم بسرعه وبالنسبه لمشاكلك اللي ذكرتيها -00 تراها عاديه جداً وموجوده عند معظم الازواج 00 بس المهم الانسان يصبر ويحتسب ولايستعجل النتائج 00 لأن المسأله مرتبطه بسنين طويله 00 ومسألة البيت المستقل 00 مافيه أحسن من الاستقلاليه 00 لكن حسب الظروف 00 اذا ما سمحت الظروف عليك بالصبر والدعاء ان الله يفرجها من عنده 00 وصدقيني زوجك راح يقدر صبرك وتحملك عشانه وعشان اولاده00 الله يسعدكم ويسعد الجميع |
الحمد لله على المصالحه
يالله نبي حلوان الصلحه تسوين لزوجك ليله جنان وتقوليلنا افكارك فيها ومنكم نستفيد الله يديم عليكم السعاده وعلى المسمين اجمعين |
| الساعة الآن 02:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©