مشكلتي في مكالمات الخطوبه...أبي رايكم بليز
 

أنامخطوبه (بدون ملكه) من زمان إلى مايقارب السنه تقريباوتمت النظره الشرعيه
وارتحت له :22: غيرإن والدي سأل عنه وعن أهله وهو يكبرني بعشر سنوات تقريبا..
وبحكم دراستي في الجامعه أخرنا موعد الملكه.........بعد فتره
طلب من والدي انه يكلمني :24: فصاريكلمني ......طبعن اول مكالمتين خوف و دموع :21:
لابدمنهم وبعدين شوي شوي ماعدصرت اخاف لمااشوف رقمه :d واتفقت معه عشان
دراستي ان المكالمه تكون مره كل اسبوع شوي الا وزادت المكالمات حبتين عن اليوم اللي اتفقناعليه :27:
.........كنت متضايقه مادري من ايش بالضبط مع العلم ان المكالمات لوباأجمع عددهامن اول مابدينا الى هلحين ماتجي اكثرمن خمس مكالمات.....انا ماحددت من ايش ماني مرتاحه احيانااقول يمكن علشان مابي هالمكالمات تضر دراستي من ناحية التفكيروانشغال البال :25: والقلق واحيانااقول يمكن لأني احس إني أكلم شخص ماتعودت عليه مع إن المكالمات في الخطوبه مهمه قبل العقدوالإرتباط بمن قد لا أتفق معه باقي عمري....واحياناأعتقدإن لأصحابي تأثير لهالضيقه لأنهم دايم يقولون (لايمل منك ) مادري ليش فكرت بانه ممكن يمل مع إن مكالماتنا مافيها لاعواطف ولافيها امورعن الزواج وانماكلهامكالمات اقل من عاديه عشان كل واحد ماينصدم بطباع الثاني بعدالإرتباط به :29: ولكني قررت قرارندمت عليه واتوقع إن من تأثيرصديقاتي فقررت انه يبطل المكالمات نهائياحتى تصيرالملكه وبماان موعدها بعد 4 شهور وتونافي اول شهرفصعبه اقطع فجاه كل هالمده بدون سبب وجيه ولذلك اقترحت مع هالقرارتقديم الملكه اذاكان يرغب في ذلك ...هذاكله استحيت اقوله وخليت والدي يكلمه في هالموضوع بحجة إني أتضايق من المكالمات لسبب إحساسي بالغلط أواحساسي بانه أمرغيرطبيعي قبل الملكه ورد عليه بما لم اتوقعه :( :( مماجعلني اندم على قراري كنت متوقعه انه مستحيل يقطع كل هالمده وعشان كيذابيقرريقدم موعدالملكه ولكنه اعتذر ووضح بان المكالمات بهدف التعارف ووضوح الأموروالطباع قبل الزواج واظهرأنه خايف علي :23: بحيث يصعب طلاق المرأة بعد زواجها بعكس الرجل ولم يقررتقديم الملكه لوجودظروف مع أهله...المهم وافق على تلبية رغبتي في كف المكالمات والان انانادمه لاأدري من ماذا فله الحق ان يكلمني قبل العقد واحس اني ضريت نفسي لأني قدأرتبط بمن لاأعرف عنه شيئا :( وضريت الرجل معي واشعرأنني فهمت كلمة( الملل) بطريقه خاطئه بسبب أصحابي مع العلم إننامازلنافي بدايةالشهرالأول ومامرعلى هذاالقرارإلاأسبوع واحد وأكثرمايضايقني اني تمنيت لوإني أنامن أخبره بذلك ولم أوسط والدي إليه حتى لايكبرالأمرفي نظره ويظن أني لاأريده..وتمنيت اني تعذرت بدراستي أفضل من إني أتعذر بعدم الأرتياح حتى لايظن بان هدفي وهمي الوحيد في هذاهوتعجيل الملكه وبس سواء عرفت طباعه أولا
وانا أكيييييد ماأقصدهذا وصرت متضايقه هلحين أكثر من قبل
فماالحلللللللللللللللللللللللللللللللللللللللللللل لللللللللللللللل
يارب يارب وفق كل سنع وسنعه يردون علي :d :d ...

اختي الفاضلة قبل ان اطرح رايي في الموضوع احب اذكرك بان الدخول الى اي شيء جديد يحتاج الى شجاعه فمابالك بالدخول لحياة جديدة فهي الشجاعه بعينها سواء للبنت او الشاب.

مشكلة معضم الشباب والبنات هي انهم يثقون بأصدقائهم ويأخذون اراءهم على انها اراء حكيمة وصحيحة مع انهم من نفس العمر والخبرة والتجربة. انتي ممكن تاخذي راي صديقاتك في فستان جديد او مكياج او صبغه شعر لكن مش تاخذي رايهم في الطريقة اللي تعيشي فيها او تختاري زوجك فيها. لانها في النهاية حياتك لوحدك وراح تنتهي علاقتك بضديقاتك بمجرد التخرج بينما زوجك سيكون هو مستقبلك اللي اتمنى يكون مستقبل مشرق وسعيد في ضل الرحمن.

اختي انت ليست لديك مشكلة سوى واحدة :14:




هي انك خجولة حساسة قلقة مرتبكة مما جعلك مشتتة التفكير (بين كلام الاهل والاصدقاء ورغبتك الشخصية) كل هذا سبب لك نوعا من الخوف البسيط من لاشي لانة فعلا لايوجد مايخيف في الموضوع :17:

ببساطة :d انتي مخطوبة من شخص اقتنعتي بة بعد الشوفة

لكن الحقيقة انتي اقتنعتي بشكلة وبما عرفتية من معلومات عنة ( عملة مركزة عائلتة ... الخ..))

بعد موافقتك المبدئية حبيتي تتعرفي اكثر علية وهذا عين العقل ماشاللة عليكي

بس في نفس الوقت انتي خجلانة منة (( ياناس على اللي يستحو ياناس :15: )) والمواضيع اللي تكلمتو فيها لازالت بسيطة وغير مركزة بحكم انكم لم تكتشفو النواحي الاخرى في شخصيات بعضكم حتى الان. كل هذا كلام حلو لكن المشكلة انك اي شي يصير مع خطيبك ما تحكينة لاهلك ( امك اخواتك عماتك خالاتك او من تثقي فيهم من اهلك) بل تحكية لصديقاتك بحكم انهم اقرب لك نفسيا ومافي بينكم اي حواجز او خجل من التحدث في اي موضوع مهما كان. (( مع اني متأكد انة اهلك بيسألوكي دايما هاة وش تكلمتو فية وش قالك وش قلتيلة واعتقد انك تردي عليهم .. لا ولا شي نتكلم في مواضيع عادية .

او انك ماتقولي احساسك لهم اثناء المكالمة بينما تقولية بكل ثقة وارتياح لصديقاتك اللي هم مثلك يحتاجون من يرشدهم ويعينهم)) انا لا اقصد التقليل من شأن الاصدقاء بل هم جزء مهم في تركيبة الحياة النفسية لاي انسان. ولكن لكل شي حدود ولكل انسان نعرفة مجال معين من الحياة نفضل ان نشركة فية بشكل كامل او جزئي


اخيرا اتمنى ان اكون افدتك بشيء واتمنى من الله ان يوفقك ويحفضك ويسعدك في حياتك واخرتك واياي وجميع من يقرأ هذة السطور.

مشكوووووووووووور على نصيحتك اللي تأكداني بنفذهامن ناحية الصديقات خصوصا إنك نبهتني إلى إنهم بنفس العمر وبنفس الخبره والتجربه بس أبي أنبهك لشي مهم صح إني خجوله بس كل كلام يصير بيني وبين خطيبي أحاول أقول كل اللي أقدر عليه وأتذكره لماما وأختي اللي أكبرمني مع العلم إني شخص كتوم ويحل أغلب مشاكله بنفسه لأني أحس إن أمي مثلا مارح تقدرتفهم أي سوء تفاهم يصير بيني وبين أي وحده من صديقاتي لكن من يوم انخطبت ولأني مادري وش السالفه ولادري كيف أسولف أوكيف أتعامل مع رجل أوكيف حدود الكلام معه بالضبط فصايره أقول لأهلي كل شي علشان لوغلطت في شي يخبروني ووالدي أصلا ماأقتنع في قراري وكلمه فيه إلا لماشافني متضايقه فمارضى يكدر خاطري بس اللي خبيته عن أهلي هوحكاية الملل اللي كانت من تأثير صديقاتي وماقلت لهم عنهاإلا بعدماتنفذقراري وماعاد أقدرأتراجع فيه...طبعن أهلي لاموني وأقنعوني إنه مستحيل يمل إذا كان شخص فاهم وعاقل وناوي فعلا الإرتباط..بس ماعادينفع هذا الكلام هلحين وعشان كيذا قررت أكتب في هالمنتدى لعلكم تساعدوني في حل لأني صعبه أتراجع عن قرار....وأناعارفه إني غلطانه في قراري لأني كنت فاهمه غلط بس مادري وش أسوي..أبي كل مجرب وفاهم مايحرمني من رايه...

اختى الكريمة لعلك انسانة من النوع المتردد فان كنتى كذلك فعالجى هذة النقطة عندك وايضا لا خبرة لك بالحياة فلا تسيرى وراء من ليس لهن خبرة ايضا بالحياة امثال صديقاتك وليكن اهلك هم اقرب الناس اليك فى ذلك وخطاك الاساسى انك مشيت وراء صديقاتك ولم تسمعى كلام اهلك

هذا من سلبيات ومساوىء (( طول فترة الخطوبة ))
كوني صادقة مع نفسك
فعليك أولا تحديد هدفك من المكالمات ( ! ) ومدى ضرورتها
فقد تأتي بمردود يؤثر سلبا على مستقبل ارتباطكما .
والشرع لم يمنع الكلام في تلك الفترة إذا كان ضمن منهج الآية الكريمة (( إلا أن تقولوا قولا معروفا .. )) الآية .
والحل إذا كنت مقتنعة به فعليك بالصبر
ولا تنسي (( ومن يتق الله يجعل له مخرجا ))

ألف مبروك أختي إن شاء الله حياة سعيدة
أولا لازم وضروري تتكلمي معاه لأنك قد تعيشين معه خمسين سنة والشرع ما حرم الكلام لكن يكون في الحدود
ثانيا عدد المكالمات لا ينبغي أن نحدده بطريقة حاسمة فالعدد ليس هو ما سيعرفك على خطيبك المهم أهمية المواضيع اللي تتكلمو فيها
ثالثا وهو الأهم حل مشكلتك
أنا كمان مخطوبة دون عقد وصار معي نفس المشكلة بس تربيت بعدها
كمان كنت أشعر أن المكالمات مو ضرورية باستمرار مع اننا نتكلم فقط في المفيد جدا جدا
اكتشفت اني غلطااااااااااانة
كيف صلحت غلطي
انتظرت لحد ما صار عنده مناسبة وتكلمت مع أهلي اني أباركله بمناسبته ( لنفترض ذكرى ميلاده أو مناسبة عند أحد من أهله وممكن تألفي مناسبة من عندك )
المهم اتفقت مع أهلي اني أتصل وشافوا ان الفكرة مناسبة وشرحت لهم اني حاسة اني ظلمته وتسرعت
اتصلت وتكلمت عدة كلمات فقط وكاد عقله يطير وشكرني جدا
أولا حس اني صاحبة واجب وكلي ذوق
وثانيا عرف اني نادمة بطريقة غير مباشرة ورجع يتصل بعد ما سألني ممكن أتصل وأجبت على راحتك بدون أي إضافة
أهم شي انك تكوني صريحة مع أهلك تشجعي تكلمي والدك انك نادمة
ولما تتصلي على خطيبك خبريه ان الأهل يسلمو عليه لأنها إشارة كافية بالسماح
أنا مجربة وبإذن الله أضمنلك النتيجة

وادعيلي

اختي العزيزة
 

السلام عليكم ورحمة الله وبركاته كيف الحال انا جديدة في هذا المنتدى ولكن لي راي بخصوص موضوعك احب اقول لك انك صح لا تكتري في المكالمات وصلي صلاة الاستخارة وفوضي امرك الى الله واذا لقيتي نفس الشعور هذا بعدم الارتياح خدي قرارك وانت لسة على البر فالزواج رحلة عمر كاملة لازم يكون الارتياح هوالاساس من البدايه ومافي داعي للخوف والانزعاج فهذا شريك المستقبل وحيكون اقرب اليك من ابوك وامك واذا قررت الارتباط به احبيه فالحب هو اساس العلاقة بين الزوج وزوجته مع خالص تحياتي

اخوي سليل الجد
مشكور على نصايحك بس هوشافني للمره الثانيه وبعدهاقررت هالقرار
ssaamm
انافعلاشخص مترددفي اختياراته ويرجع السبب لخوفي من العواقب
مممتشائل
من قالك ان فترة خطوبتي طويلة من يوم صارت رسميه ماكملنا ولاشهر حتى
سين1
اعجبتني فكرتك فعلاوفكرت انفذها بس المشكله حتى يوم ميلاده مامداني اسأله عنه يعني لوتصير اي مناسبه له مارح ادري..
smsm05
اكيد بتبع نصايحك بس ياناااااااااااااااااااااااااااس اصلا ماصار بينا مكالمات كثيره عشان تقولون كثرت ولااعرف عن هالرجال شي كل اللي عرفته اشياء سطحيه وظاهريه ولاادري ان كان شخص ممكن يفهمني وافهمه او لا

أختي
طالما في خطبة رسمية يعني يصير لإخوانك صهرهم عرفا
يعني أخوهم الجديد
وهذا يحتم يكلموه ويطمئنو عليه
خلي واحد من اخوانك يكلمه بعيدا عن موضوعك مكالمة لله في الله وأكيد رح يسأله عنك
أنا إخواني يكلموا خطيبي كأنه صديقهم وبعيدا عني مع انه غريب عنا ومو قريبنا
بس لما دخل العيلة اعتبروا ان له حق عليهم

بالنسبة للمناسبة مو لازم ميلاده
اخترعي أي مناسبة شوفي المناسبات العالمية متى تكون
وبالتوفيق