بالله كل الرجـــــــــــال يدخلون للاهميه والاستفاده ..!
 

القصه ومافيها زوجى الله يذكره بالخير تقريبا كل وقته فاضى وهو موظف بس وقته قليل والصباح فقط

وطول النهار فاضى وبذات وقت المساء ودى يستفيد من وقته وهو ما شاء الله وضعه مررره زين بس مو مستغله

ياريت تعطونا شلون تقضون اوقاتكم وكيف تستفيدون منها...


يا الله ياعرب ومسلمين نبى نستفيد من الوقت ..؟!

والله ما عندى اى فكره
بس ممكنيستقيد ببعض البرامج الى تبدا بعد العصر لغه او كمبيوتر
وبتساعده فى شغله طبعا
هذا الى اقدر اساعدك فيه
اختك ام فارس

تحياتي للحزينه

فيه افكار كثيره جداً منها الدورات والبرامج في مجالات / لغه / كمبيوتر / الثقافيه / طبيه / اجتماعيه ............................الخ

وفي مجال التجاره / محل تجاري صغير يجلس فيه بعد الدوام او في الاسهم او العقار .....................الخ

وفي مجال الصحه / يشترك في نادي صحي في المساء ...........................................الخ

وفي مجال الانسانيه / يتعاون في احد الجمعيات الخيريه ................................الخ

وفي مجال الترفيه / يتعلم بلوت / بنت السبيت / كنكان .........................الخ

وبعدين احترنا معكم اذا جلس الرجال في البيت قلتو ليش واذا طلع قلتو وين راح الرحمه

المفروض تحمدين الله ان زوجك متفرغ لكم في البيت وهالشي وايد احسن من ذهابه للديوانية وعودته على وجه الفجر
اقترح يكون من اهل المسجد ويتعلم القران والحديث وايد ابرك
الرجال متعلم على قلة الدوام ولا تشغلونه بالاعمال الحره لايضيع ويضيع فلوسه وفلوس البيت وتالي يدفع طول عمره قيمة الخسائر
المسجد ابرك
والسلام ختام

الله يعطيكم الف عافيه ..ومشكورين ماقصرتو

هو مايجلس بالبيت ودائما مع اخوياه الا ماندر لما يجلس البيت وانا مابغاه كل يوم مع اصحابه واربع وعشرين ساعه ...واصحابه اصنفهم انهم اصحاب سوء لانهم اغانى وطرب وافلام ودخان ....الخ .....علشان كذا ودى يستفيد من وقته اكثر بدل اخوياه الى ينكسونه ..وهو مايحب جلسه البيت لكن اقول يستفيد فى شى ينفعه افضل من الجلسات اللى ماورها استفاده

أنا رأيي تخلينه على راحته ولا تنكدين عليه

نصيحتى لكى تتلخص فى الآتى :-
1- كونى له شمعة تضىء حياته .
2- كونى له محبة وعاشقة وأم حنونة .
3- كونى له كل شىء يتمناه فى حياته .
4- أملىء حياته بالحب
5- حولى وقته من فراغ يذهبه الى اصدقاء السوء ليملأه بالمفاسد الى وقت ملىء بالحب كأن تقولى له تعالى نتعلم برامج كمبيوتر واذا لم يقبل قولى له تعالى علمنى برامج كمبيوتر او تعالى نتعلم لغة انجليزية .
6- تجنبى كل شىء يغضبه .
7- ابتسمى دائما فى وجهه .
8- لاتحاسبينه وين رايح وين جاى .
9- أجذبيه اليكى دائما بعطر ذو رائحة جميله .
10- تزينى له عند قدومه .
11- كونى له كالفراشة التى تفرح بقدومه وتحوم حوليه لتملا فراغه .
12- وبعد ذلك تعالى حاسبينى اذا ما جاب هذا الكلام نتيجة .
أخوكى فى الله الناصح لكى

آه اويلاه بس


ياليت يمسك اللاب توب (المحمول) ويفتح النت ,وينساك ,يعني يجلس 10 الى 13 ساعة عند النت ويطلع على العالم ويشوف الناس وشهي عليه ,وبعدها تعرفين ,راح تجين عندنا :: زووجي مررررررررررة مشغول عني شوفو لي حل اله يخليك يالرجال .

لاني شايف بعض الضعيفات بصراحة متدري وش تسوي بنفسها يوم خلصت مشاكلها جات لزوجها الله يعينه !!!!!


كما قال الأول :

ابت شفتاي اليوم الا تكلما ******** بشر فما ادري لمن أنا قائله ؟


وعندي تفجير خطير ضد هؤلاء النسوة من خلال اطلاعي الواسع على تفاصيل شؤؤنهن سوف افجره قريبا ليعلم

القاصي والداني نفسية هؤلاء الضعيفات.

اختي الحزينة / الكلام موجه للعموم ارجو ان لايفهم منه التخصيص شكرا لك.

اختى الكريمة السلام عليكم هذا الموضوع يرجع الى الشخص نفسه بمعنى تقسيم وقته ما بين عمله وبيته واذا كان عندة خروج خاص به يعنى الانسان يعود من العمل لا بد من الراحة داخل المنزل وبعدين الجلوس مع الزوجة والاولاد او الخروج سويا لقضاء احتياجات الاسرة او المذاكرة يعنى لا يوجد يوم شبيه للا خر لا المطالب تتغير ولابد ان يغيير الانسان من برنامجه اليومى

الأخت الحزينة