|
الى عشاق الاكل المكسيكي
اخواتي عضوات المنتدى ....
تحيه عطره لكم اول مره اشارك معاكم في هذا المنتدى الحلو ....وحبيت أسألكم عن شرائح معموله من الذره علر شكل مقوس تجي في علبة كرتونيه في قسم الاكل المكسيكي في السوبر ماركات الكبيره وشكلها بصراحه يشهي لكني ما عندي فكره بايش تحشى :confused: وهم حاطين على غلافها محشيه لحم أو ماشابه فأللي قد ذاقها أو يعرف طريقة استخدامها يدلني والله يجزاه عني الف خير ....... |
يمكن قصدك على التاكو المكسيكي ,,,
و الله جربته زمااااااااااان و كان لذيذ ,,, بس ما عندي فكرة كيف يصير ,,, ان شاء الله يفيدوكي الاخوات ,,, تحياتي ,,, |
الاخ العزيز معلم القلوب ألف شكر لك على المرور ..وفعلا هو التاكو بس انا كنت محتاره في اسمه خفت اكتبه ويطلع غلط واتفشل !!! :D وانا أبغى اسأل بأيش كان محشي وكيفية تقديمه لاني بصراحه ما قد جربته ..وياليت لو الاخوان اللي جربوه يفيدوني .
|
في الحقيقة يا اخت هيفاء اني جربته زماااااااااااان ,,,
لكن اعتقد ان مكوناته عبارة عن : 1 - قطع من اللحم او الدجاج تقطع على شكل شرائح صغيرة . 2 - بعض الخضروات حسب الطلب ( فلفل رومي - طماطم - فلفل حار ... اي شئ ) 3 - السر الكبييييييييييييير في الصلصة المكسيكية ( قد تجدينها جاهزة في الاسواق ) اما طريقة التحضير فـ......... الله اعلم ,,, تحياتي ,,, |
اختي هيفاء
مادري انتي تقصدين الفرهيتا لان الفرهيتا تتسوي بعدة طرق بس هنا انتي كاتبه عن الذره فقط والفرهيتا يدخل فيها الذره اختي هيفاء عندك طريقتين : اما انك تتاكدي عن الاكله عشان نقدر نساعدك او انك تشوفين اقرب مطعم مكسيكي وتوجهين دعوه كريمه لكل اعضاء المنتدي في افخم مطاعم الرياض وياليت يكون في (((غبيره------ او البطحاء)))))) تحياتي لكي |
أخوي ابو ثنيان الله يهديك بس أقول لك أكل مكسيكي تقولي البطحاء؟؟ :eek:
أجل لو قايله هندي وين بتقول ؟؟ والاعضاء الكرام قدرهم اعلى من كذا ........ الريف اللبناني مثلا!!!!!! هاه وش رايكم :D وبعدين الاكله فعلا هي التاكو بس يالله شدوا حيلكم معي وعطوني وصفات للحشوه.. والله مدري وين الاخت دهن العود ولا كمبوره يسعفوني .. |
والله انا جارتي مكسيكيه بسالها وبرد لك
سلام اختك ام مجيد |
اختي هيفاء انا عرفت وش تقصدين وانا شريتها ولقيت الوصفه بالكرتونه وبقولك كيف عملتها
المقادير:لحم مفروم او دجاج بس انا سويتها باللحم بصل بهارات التاكو تلقينها بالسوبر ماركت طماطم ملح شوي ماجي وجبن كرافت مبشور خس مقطع شرائح الطريقه:اولا لازم رقائق التاكو تدخلينها الفرن تقريبا 5 دقايق ثانيا:احمسي اللحم بعدين حطي البصل عليه وبعدين حطي البهارات ..واخر شي حطي الطماطم ولاتطبخينه كثير عشان مايستوي واذا بغيتي ممكن تحطين فلفل رومي بس انا ماحطيت بعدين احشي الرقائق وحطي فوقها الجبن المبشور وحسب رغبتكي اذا تبينها تسيح دخليها الفرن واذا ماتبين لاتدخلينها واخر شي حطي الخس......وبالعافيه |
الغاليه أم مجيد........ألف شكر على تفاعلك معي ولا تنسين الوصفه على أصولها . :D :D
والحبيبه أم وجدان جزيت ألف خير على الوصفه وأن شاء الله ابجربها ........بس ما قلتيلي وش كان طعمها .؟؟ |
والله ياختي هيفاء كل الي ذاقوها عجبتهم واخذوا مني الطريقه :)..عاد انتي جربيها وان شاءالله تعجبك ...
|
| الساعة الآن 06:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©