|
متى يمكنني أن البس الــ..........؟
السلام عليكم ورحمة الله وبركاته
يسعدني ان أشارك في منتدى "عالمالحياة الزوجية العملاق" كما يسعدني أن أشكر جميع القائمين عليه والسامين بنجاحه ... سؤالي للأزواج والزوجات على وجه العموم من واقع تجربتكم أخوتي/أخواتي متى يمكن للزوجه المستجده أن تبدء في تقبيل زوجها ولبس القمصان القصيره أو الخالعه والكاشفه للجسم لأني الحقيقه وجدت أني أشتريت قمصان للنوم مغريه وجذابه عاريه لكن المشكله ! أختي المتزوجه منذ سنه أنتقدتني عليها :( وقالت أني انا لحد الان لم أجرء على لبس مثل هذه القمصان .......... فمارأيكم هل هي بالغت في تأخير لبسها وحرمت هي وزوجها المتعه أم أنا التي بالغت واشتريت شيء يطول الوقت ليتسنى لي لبسه أرجو منكم الافادة والنصح ولكم شكري وتقديري أختكم / سفوووووووو |
عزيزتي ..
المفروض تعرفين ذوق زوجك... في رجال لا يحبون المراه الي تلبس قصير.. و عاري.. حتي لو معاه هو و بس.. و في رجال ما يحبون الطويل... بس انا بخبرج من واقع تجارب الاخرين .. لاني للحين ما تزوجت.. اول يوم طبعا بتلبسين قميص نوم ..بس طبعا لازم يكون طويل و شوي ساتر.. و عندج عند نعومي قمصان العروس .. وايد مناسبه.. لانج بتكونين منحرجه لاخر درجه.. مهما كنت متفتحه و متفاهمه مع زوجك.. اما بعدين فعادي الي يعجبج.. و الصراحه انا نصحوني اني ما اخذ طويل غير فستان اول ليله .. لاني ما راح البسه مره ثانيه .. و اخذ كله قصير.. بس انصحج تنوعين و لا تنسين البجامات مب كله قمصان نوم.. اما بالنسبه لاختج.. الصراحه احسها متردده و ما انصحج تاخذين نصايح منها لانها بتخوفج .. و الله اعلم يعني .. انا في وحده عندي نفس اختج.. محوله السالفه فيلم كوارثي.. مع ان الثانيه بالعكس حتي ان زوجها ما يرضي تلبس الا القصير و العاري في البيت |
فرجينيا
تسلمي على النصايح الحلووووه وفعلاً نعومي ينزل عنده تشكيله رائعه راح آخذ منها إن شاءالله بالنسبه لأني لازم أعرف ذوقه هذي صعبه علي مررره ... أما ليلة الدخله أكييييييييييييييييييييييييييييييد طويل هذا كاني شلت فستان الزواج بعد !! خخخخخخ لكن أقصد خلال شهر العسل ممكن البس الاشياء هذي والا لا والله محتااااااااااااره وأخاف أسقط من عين زوجي وأختي ياعيني عليها سالفتها سالفة والمشكله عندها ان هي وزوجها كلهم خجووولين لاهو يطلب منها بإصرار ولاهي تتجرء وتلبسها بدون طلب يسلموووو حبيبت قلبي وأنتظر آراء باقي الاعضاء الكرام تحياتي |
قمصان النوم عبارة عن انواع كثيرة طبعا في قمصان نوم تعتبر الى حد ما محتشمه , وفي نص نص, وفي اللي هو بالمرة فاضح واشكاله كثيرة , بالنسبه للنوع الاخير هذا صعب تلبسيه الان لانه اعتقد ان الوحدة تستحي تلبسه الا بعد فترة طويله من زواجها يعني بالنسبه لي بعد سسنه وكمان على حسب رغبه الزوج ,
اما النوع الثاني ادا كنتي تقصدي القصيرة والشفافه ومن غير اكمام فهذي عادي يا اختي ممكن تلبسيها حتى من اول يوم , ولا تنسي ان هذا زوجك وحلالك ويجب ان تلبسي له كل ما يغريه وفقك الله اختك ام مجيد |
و ليش تتطيحين من عينه..
بالعكس يوم بيشوف اهتمامج بلبس كل ما يسعده .. بيستانس.. اوكي اشتري شيء قصير شوي.. و البسيه ثاني يوم و هكذا... و بعدين قمصان النوم كلهم كت بدون كم.. و في شيء اعتقد ان المراه هذي الايام لها منافسات و الرجل يريد ان تكون زوجته مثلهم او اكثر منهم جمالا و اغراء.. منو هم؟؟ الله يخلي التلفزيون ما خلي شيء ما حطه |
اختي العزيزه سفانه اولا بارك الله لك وبارك عليك وجمع بينكما في خير
ثانيا الاجابه حبيبتي تعتمد الى جد بعيد على طبيعة زوجك فأنت بأذن الله راح تعرفينه هل هو من النوع اللي ما يحب الحركات هذي اول الزواج ويستحقر اوبالاصح يستهجن اللي تسويها ؟؟ او انه من النوع المتفهم واللي عادي عنده ان شاء الله من اول يوم تلبس متعري لانها زوجته حلاله اذا شفتيه يلمح لك انه يبغى اللبس ال..... فلا تكذبين خبر :p لاني اخاف تسوين مثل اختك لكن تشجعي واقدمي !!!! ياالله تحمست كأني بدخل على حرب :D وان كانك والله شفتي الرجال لاوالله شديد :mad: انصحك تنومين بعبايتك سنه لا يسوي فيك زي رفيقنا اللي في المنتدى يوم رقصت عنده طلقها!!!! |
أم مجودي تسلمين عنوني والله يخلي لك مجودي وأبوه وأخيوته كلهم
وعلى ماوصفتي قمصاني من نوع نص ونص صارت ماهي اللي خالعه حيل ولاهي اللي ساتره تسلمي على وجودك ... الله يخليك لنا |
فرجينيا تسلمين ياجدي على العوده وإهتمامك في التعقيب
والله أحس الوسواس ذابحي والا حتى هو مايخلي قناة مايشوفها ومايخلي موقع مايدخل له بس أخاف لاجاء الواقع تصير علوووووووووووووووم تحياتي |
انت توكلي على الله .. و ان شاء الله تنفرج
|
حبيبتي مثل ما قالوا لج الاخوات لازم اتعرفين زوجك من اي نوع فإذا كان من النوع اللي تعجبة الحركات والتجديد ممكن انج تبهرينة بحركاتج ولبسج وجمالج اما اذا كان من النوع الحريص شوي واللي ماتعجبة هالحركات مع اني ما اعتقد في ريال بالدنيا ما يهمه ان تكون زوجتة مبدعه له فبالتالي حاسبي وشوفي شو اللي يحبة .. احب اقولج ان محل لاسنزا منزل قمصان نوم وملابس داخلية روووووووووووووووووووووووووووووووعه وتاخذ العقل بس انتي شدي حيلج وروحي شوفي وانا متأكده انهم بيعجبونج لان فيهم انوثة وموديلات تهبل.. بالتوفيق يالغالية زطمنيني عليج .. تحياتي
|
| الساعة الآن 10:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©