|
احترت مع هالرجال وابي حل
حبايبي انا جيتكم بعد ما طفح فيني الكيل ولا اقدر اشتكي على احد
غير الله ثم انتم وانا راجيه منكم الحل او الطريقة السليمة اللي اتصرف فيها لانه لو بسأل احد من اهلي بتاخذهم الحميه معي ضد خطيبي المشكله ان هذا الادمي حيرني يكلمني ويكون في قمة الحب والشوق وانا ابادله نفس المشاعر لدرجت اني حسيت اني مجرمه في حقه لما اغيب عنه بسبب سفر او غيره مرت الايام وجات اخته زيارة وبدى يتغير يجلس باليومين والثلاثه ما يكلمني قلت عذره معه مشغول مع اخته وهي الوحيده بينهم وهو يحبها مرررره فما اعطيت الموضوع اكبر من حجمة بعدها غاب عني 4 ايام ومررره تضايقت فارسلتله ورد ورسالة عتب على العمل بعدها كلمني واعتذر وانا كنت زعلانه مرره وعاتبته جااااااامد مر اسبوع وانا زي العسل بعدها انا سافرت كم يوم وكان يكلمني عادي وقبل ما ارجع قلتله ان بكره راجعة وكان طاير من الفرحة لـــــــــــــــكن وصلت مدينتي وما كلمني ولحد الان لي اسبوعين ما يكلمني لاتقولون اتصلي لان اهلي مانعيني اتصل عليه وهذا كان شرطهم انه اذا يبغاني هو يتصل ارسلتله مسج على الجوال لاكن لاحيات لمن تنادي ابوي يشوفه كل يوم في العمل وطيب وبخير وما فيه اللى العافيه وتصرفاته طبيعيه لاكن مدري المهم انا حاسه ان فيه احد يقوله يجمدني ويثقل والاحساس هذا مررره قوي عندي لان هو ما يقدر يبعد من حاله كل هذي الفترة المهم الحين اعطوني الحل والراي والدبرة تراني بموووووت من القهر والشوق تحياتي :mad: |
أختي العزيزة،
من الأفضل أن تتركيه لا تسألي فيه دعيه هو يسأل عنك، لكن لا تفهميني غلط لأنك أرسلت له رسالة ولم يرد عليك. فأنت فعلت ما عليك. افتراضا أن أحد قال له شيئا عنك ينبغي أن يسألك ولا يأخذ موقفا. وإلا ستكون حياتك صعبة جدااااااااااااا. عذرا على كلامي... هذا رأيي الشخصي فقط. |
مجرد رأي
اختي العزيزة
قد يكون كما قلتي بأن أحد ما طلب منه أن يثقل ولكن إلى متى ؟ أحتي العزيزة إذا أهملتيه سيزداد شوقك إليه وإذا كلمتيه تخافين من احراج نفسك كما أعتقد . ولكن أختي العزيز لا يعرف النار التي تشتعل في القلب من بعد الأحبه دون سبب إلى من جربه فنصيحتي لكي بأن تتوكلي على الله وتتصلي به فشيء أحسن من لا شئ ومعرفة السبب أحسن من عدمة وإن لم يرد عليك إبعثي له برسالة تبينين له عتبك الشديد له . وهذا مجرد رأي ولكي القرار أخوك ملك |
lady_sou رأيك هو نفس رأيي وهذا الوضع اللي متبعته ولكن إلى متى
ملك اتصل صدقيني صعبه علي بالحيييييييييل لاكن بنتظر إلى النهايه والله يعين تحياتي |
أختي الكريمة ربما خطيبك هذا غير جاد في أنره أو أنه في طرف آخر يؤثر على مشاعره فهل أنت ارتبطي به أم أنها مجر خطوبة قبل الكتاب اذا كات الأمر كذلك عليك التريث في أمرك ولا تستعجلي مادام من بدايتها وخليه ياحسر على فعله حسسيه بالجفا أتمنى لك حياة موفقة وشكرا تحياتي |
تبغي نصيحتي؟
لا تتصلي خليه الين ما يحس ويتصل بعدين انتوا لسه مخطوبين وبيسوي كده اجل لو متزوجين ايش بيسوي؟ والافضل انك تعاتبيه وتفهمي ايش لزمه الحركات دي وجها لوجه تحياتي |
عزيزتي هدى والله والله أنا حاسة معاك
|
لكن لا تتصلي به انتظري قليلا وخلينا معاك بالجو لنرى ما علينا فعله..........
|
الله يعينج أختي ..
يكمن يريد يثقل و يختبر غلاه عندج ... أنت ثقلي ... و كوني عادي .. حاولي تشغلين تفكيرج بأي شي .. اقري قرآن .. احفظي كم سورة .. اقري كتب .. تعلمي شي جديد .. و هو من نفسه .. أو ما تنسين الموضوع و تاخذينه عادي .. بتلقينه يتصل .. ( الرزق يبيله غفله ) .. مبين عليه يحبج و يريد يثقل .. و معاهم حق أهلج لما اشترطوا أنه هو يتصل .. لأنه الريال يموووت على البنت الثقيلة .. الله يوفقج يارب و يسعدج دنيا و آخرة .. |
مخطوبه في مجتمعنى الخليجي يعني مكتوب كتابها لكن باقي حفل الزواج
اشكركم على تفاعلكم واتمنى تكونوا معاي دايم خصوصا ان اخته هذي كانت حامل وعلشان كذا جات هنا تولد والحين ولدت وامي واختي اليوم رايحين يزورونها في بيت اخوه الكبير وانا جهزة هديه فخمة وبرسلها مع اهلي لان عندنا من يوم تتملك البنت ما تروح بيت اهل زوجها اللى بعد الزواج وحابه اضيف شي اخته ترى مرررررررره طيبه وحنونه لاكن مااقدر ابرر تصرفه من يوم ما جات هنا وغير كذا امس جاني خبر ان اخوه قال لواحد نعرفه ان انا وهو دايم في مشاكل وهذا الكلام مافيه شي من الصحة والله مدري كيف هذا الوضع الغريب لاكن اتمنى انكم تدعون لي ان الله يهديه ويعقله تحياتي للجميع |
| الساعة الآن 12:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©