|
كيف التصرف مع هذي الزوجة ؟؟؟
السلام على الجميع سؤالي لذوي الدخل المحدود اوووه اسف لذوي الخبره اقصد :) كيف تتصرف مع زوجتك اذا حسيت انها ثقيلة طينه ( ماصلة ) يعني بالمفتشري ثقيلة دم .!!!! والادهى والامر اذا حاولت تخفف دمها وما تنجح ؟ وعظلات خدودك تعورك من كثر ما تتبسم وتضحك مجامله ؟ هل تصارحها بانها مالها داعي وتقول لها يازينك ساكته :D ام انك تكركر من الضحك وتفقد ثقتك في نفسك وتتنازل عن مبادئك >>> كلام كبير لا يفوتكم :cool: ام انك تطنش ويادار مادخلك شر ؟ اسف اذا وضعت الموضوع في قالب هزلي ولكن كي اكسر حدة النقاش والموضوعية :rolleyes: اتمنى التفاعل من الجميع وخصوصا البنات والشباب >>> من فيهم غيرهم :p ثائر |
هل انت واثق من حبك لزوجتك ؟ انا اشك فى هذا .
|
وش دخل الحب في الموضوع .؟ يعني اذا احبها لازم اكذب عليها ؟ يووووه ياما كذبت الحب علاقة حميده بعيده كل البعد عن المجامله سيدي الفاضل ... ابحث عن حل وليس عن دراسة لشخصيتي ونفسيتي اقدر لك مرورك الكريم ثائر |
حاول تفهمها انك متضايق باسلوب هزلي او خبرها عن صديقك النكدي(اخترع يعني) واذا مانفع معاها اشتر لها كتب اسلاميه تنفعها واشرطه مع ان بيني وبينك الوغد وغد لو شو سويت وياه بس ما عليه مع الوقت بيعتدل حالها وانت بعد لاتضحك وايد عشان الناس اللي مثل هذي الزوجه يشوفون الانسان المرحه عفوا يعني غبي او اهبل فلا تعرض نفسك لهذا الموقف وخلك سيريس معهاه واذا فكتها فكها.
تحياتي |
شكرا لك مرحة.... حاولت وحاولت ... وازيدك من الشعر غرفتين وصالة ( ينكت ) هي ملتزمه وتسمع اشرطة اسلاميه تختص بعالم الحياة الزوجيه وكيفية التعامل مع الزوج بس بصراحة كيف الحال :d شاكر لك مرورك الكريم ونصحك وارشادك ... ثائر |
اخي اكريم....... صدقني اذا وضحت الى تبيه من زوجتك.....ستحاول المستحيل.....عشان تسعدك....وتتقرب منك.....خصوصا انها ملتزمة..... ادخل لها من باب الاشرطة التي تسمع..... فعلى سبيل المثال وليس لحصر....شريط السحر الحلال للزوج.....قمة وغيره الكثير..... بس اهم شئ نك تعطيها وجه...وتشجعها.......:D اختك تووووت |
هلا توتي فروتي >> اسم جديد :D عموما اشكرك على مساعدتك لحل المشكله ولكنني بالفعل حاولت بشتى الوسائل ... حتى انه ذات مره من المرارير قلت لها نكته وانا فطست من الضحك وكل الي قالته قديمه وقالت نكته اقدم نكته في التاريخ حقت الفيل هذا الي تزوج نمله ومدري وش صار المهم انا جاملت وسويتي نفسي بموت من الضحك على النكته وجلست ارافس برجليني يعننها النكته حلوه في الاخير قالت صدق انه مالك داعي :o .... قمت رقدت وانا اضحك على نكتتي :D شكرا لمرورك الكريم ثائر |
السلام...
الصراحة ياخي مت من الضحك وانا اقرا كلامك واعتقد انك تشوف مرتك دمها ثقيل لان دمك خفيف حيل وانا بقول شي غير عن الي قالوه لك الاخوة الاعضاء... اخ ثاير علينا وعلى مرتك... ترى عيب تتكلم عن مرتك بهالطريقة وحتى لو كانت مرتك اسواء مخلوقات الله بس عيب وانت بهالطريقة تسمح لاي احد انه يقط عليها جم كلمه هذا الا اذا انت كنت راضي وعادي عندك ومثل ماهي تتصرف معاك تصرف معاها يعني انت تستخف علينا وترفس بريولك من الضحك على نكتة بايخة واهي ماتجاملك اذا قلت نكتة تلوع الجبد مايصير ... شربها شوي من دمك الخفيف.............. :D :D :D |
هههههههههه أخوي ثائر بس حبيت اعرف ان مرتك من اي ناحية ثقيلة دم من حيث الشكل او المعاملة ؟؟ او طريقة الكلام وكل شي يختلف عن شي الا اذا كانت مثل ما تقول من جميع النواحي فالله يعينك .. اصبر عليها الصبر زين وفاتحها في الموضوع وراح اتسويلك الي تبيه انشاء الله .. والله يوفقك
(( أم نورة )) |
هلا وغلا خيو راميش >>> معليش اذا اسمك نطقته غلط بس عشان تعليمي فرنساوي :D نرجع لمحور حديثنا >>> ثاير الصيرفي :p انتبهي لا تموتين من الضحك ويتبلوني اهلك فيك ... عموما اشكرك على اطرائك :o ومو عيب لو قلت لاخواني عيوب زوجتي حيث اني اعتبركم اسرتي الثانية هذا اولا اما ثانيا وهذا الاهم انا ماكذبت في شي من الي قلته عذروبي اني كتبت بأسلوب مضحك كي اكسر حدة الموضوع كما اسلفت سابقا ... وازيد هي ودها تشرب من دمي فعلا بس مو عشان يستخف دمها لالالالا عشان تنقهر مني على برودي وبعض ردودي الي اقلبها غشمره ( كأني قلبت كويتي اشوف ).... ثائر |
| الساعة الآن 06:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©