|
اهانات زوجي و تطاوله المستمر !
بكل خلاف: يسب يلعن يهدد بالطلاق
اتجاهل اسامح انسى مرة مرتين ثلاث اربع خمس.. عشر بمعدل اسبوعي على مدى 7 شهور هي مدة رجعتي له من بيت اهلي لانه سبق ضربني وهجرته بعدها استسمحني ورجعت له قبل اسبوعين تعبت بشده رحت الدكتور.. قال قولون عصبي من شده الضغوطات انهرت صحيا ساكته ومتحمله فوق طاقتي ولا علمت احد بمعاناتي لان علاقه زوجي واهلي متوتره جدا رحت انام كم يوم عند اهلي انزعجوا من اطفالي وقالوا لي ارجعي بيتك لزوجك اريح تحملت ورجعت له اهلي ماتحملوا شقاوة الصغار توظفت فتره بوظيفة بسيطة صحيح راتبها قليل لكن مشغلتتي تسلط زوجي علي لحد ماتركتها صارت قصة طويله وطعن باخلاقي وحلف يا اتركها والا يطلقني فضحيت فيها وطعته تراكمت الامور هو يفتكر تسامحي وتجاهلي ضعف تمادى اكثر واكثر صار يهين شكلي وخلقي واخلاقي يردد: انتي ولا شي.. ماتسوين شي الخ وانا راقيه ما ارد عليه بحرف اشتكتيت اهله لاول مره.. كلموه رجع هدد بالطلاق.. طلبت الطلاق رفض واعتذر.. لكن ماسامحته نزعته من قلبي.. كرهته.. اتمنى له الموت بس عندي منه بنت وولد يسوون حياتي كلها.. فقررت تجاهله عايشه لاطفالي وبس متحاشيته تماما بعدها بايام طلعنا نلعب الاطفال شريت لولدي حلاوه مصاصه قبل نطلع عصب واتهمني بالغباء والعناد خاف اوسخ سيارته.. اعتذرت مافاد اخذت المصاصة ورميتها بالزباله صاح الولد.. استمر هالذكر بالصراخ قلت له: عيب خلاص احنا بمكان عام قال: عام ولا خاص ماتهميني يا نكره طلعنا ركبنا السياره.. ساق بسرعه جنونيه بنتي كانت تقول ماما بنموت طلبت منه يخفض السياره رفض دخلنا البيت.. نومت الاطفال بالليل رحت اكلمه بهدوء قلت له يكفي اذيه يكفي مرمطه قال ليه تقولي طلقني قبل اسبوع قلت لانك تهدد بالطلاق كل اسبوع قال انا رجال اهدد عادي قلت لا مو عادي.. جرحتني كثير بهالكلمه قال انا اطلقك بمزاجي مو بمزاجك ولو حبيت ارجع مهرك ... وياخذه ابوك ... لانه ... مثلك قلت الزم حدودك يا ... لاتهين ابوي! قال و... في ابوك ما اطيق اشوفه ها .... قمت فصخت .... ورميتها عليه وحده جت بعيد والثانيه بوجهه وصرخت: انت ماتسوى ... ابوي انت ... يا ... يا عديم الرجوله انهرت.. استفزني حسبي الله عليه ورحت ابطلع لقيته يضحك بقهقه ويصفق مبسوط قال: هذا اسعد يوم بحياتي طلعتي على حقيقيتك.. تضربي زوجك! وعامله نفسك راقيه.. وانتي .... قلت له بعصبيه المفروض تاكل ... مو بس تنضرب فيها ما اسمح لك ولا لاشكالك تهين ابوي قال انا غلطت فيه لانك سبيتيني وقلتي عديم رجوله لاحظوا عكس الردود ولخبط الكلام قلت يا كذاب يا منافق مهما صار بينا ماتغلط بالاهل والاب قال بعد فعلتك وضربك لي لا تتكلمي زي اللي فرح مسك علي ممسك يعتقد ان فعلتي اشنع من فعلته وانا ادري اني فقدت اعصابي بس من الالم والتعب وتراكم الاهانات كتبت له عالواتس يطلقني قال روحي اخلعيني وجلس يسبني ويسب اصلي وتربيتي وكيف اني ولا شي بين النساء كلام وضيع يكتبه باستخفاف وضحك شد علي ألم القولون انهرت عالسرير ماقدرت انام منسدحة وجسمي ينتقض ادعي على هاال..... يموت مريض ماضحك الا لما انا انفعلت ويغلط بابوي ببجاحه قليل الادب انا تعبانه يا ناس افكر اخذ اغراضي واطلع بس هال....يتمنى يمسك علي ممسك وبيفضح فيني اني طلعت زي الحراميه ولو بطلع وين اروح اهلي مايبون اطفالي ولو تركت الاطفال عنده بيجرم هو فيهم لانه عصبي بذيء اللسان ياناس ايش اعمل تعببببببببببت لا سكوت فاد لا صبر فاد لا هجر فاد لا رد فاد لا انفعال فاد صحتي تتأكل مع هذا المجرم وجهي جته تجاعيد بدري منكد عيشتي الله ينكد عيشته وانا كارهته كره العالمين حتى وقت النوم تجيني كوابيس منه حادثه ال..زز صارت قبل ساعات ماقدرت انام طول الليل حسبي الله ونعم الوكيل تم تغيير العنوان ليتناسب مع المضمون |
رد: تعباااااااااااااانه
الله يعينك
في بيت اهلك ادبي صغارك تدرين حالتك صعبة صحيح احسن حل ما تتواجهين مع زوجك ابدا واذا غلط عليك و على ابوك طنشي و لا كأنك تسمعين شي (واذا مروا بالجاهلين قالوا سلاما ) ايش مستفيدة بجدالك معه غير حرق اعصابك ؟ (وقد قيل ما جادلت جاهلا الا غلبني) اذا بتعيشين لعيالك ارحميهم من هذا الجو المشحون . ماتبين تمرضين خلاص اعتبريه سفيه و عيب تتجادلين معه والله يصلح حالك معه و لاتهملين قيام الليل و الصدقة و انشغلي باصلاح اخرتك و الجنة تجيك الدنيا بمثل ما تحبين 😊 |
رد: تعباااااااااااااانه
صحيح ان اعصابك فلتت
حاولي تربي عيالك على الهدوء يعني وين بتروحي لا اهل يتحملوا ولا زوج مثل الناس انقهرت عليك |
رد: تعباااااااااااااانه
سبحان ربي ...
اسمعي اقولك كلام ... انتي انسانة رائعة غصبا عن كل واحد يشكك في اخلاقك او تربيتك او سمعتك سواء كل زوجك او غيره من الناس ... هذا انا ، وصلت لمرحلة الاشباع مثلك ، و سويت ردة فعل و انا في قمة القناعة بقراري الى يومك هذا ... بس لازم تعرفي اني لحد الان اعاني من بعض الشوائب الصحية و المخلفات اللي تسبب لي فيهم ، و مصايبه الى يومك هذا مستمرة ، اولادك ربيهم باي شكل ، اصبري على محنة التربية ، ترى الطلاق بالاطفال مو سهل ابدا ، |
رد: تعباااااااااااااانه
اذكر انك تساعدين زوجك ماديا في السابق
انتي باقي موظفه ؟؟؟ |
رد: تعباااااااااااااانه
اقتباس:
وامس كلمته بهدوء لانه فقد اعصابه بمكان عام واسرع بالسياره بشكل مخيف راح رجعني لخلافات قديمه شافني هادئة.. قام تطاول على الوالد وضيع قال كلام ما ينقال حسبي الله ونعم الوكيل حسبي الله ونعم الوكيل انا محتاجة صحتي لوصاو فيني شي بيرميني بالشارع |
رد: تعباااااااااااااانه
اقتباس:
وتصرفي امس كان غلط بس ماعرفت ارد عليه ضعطني لابعد حد والله جسمي تعبانه الى الان مقهورة من نفسي مقهوره على عيالي قلت له امس روح تزوج فك عني اطلع تزوج قال ناشب بحلقك الى الموت |
رد: تعباااااااااااااانه
اقتباس:
مشكوره حبييتي كلامك ريحني العيش مع مجرم شي مدمر انا متأكده لو يفجصون نفسيتي وصحتي بيلقون تدهور كبير هالسنه عن العام الماضي |
رد: تعباااااااااااااانه
اقتباس:
بس كنت شايله مصاريفي لان راتبي ضعييييف هو راتبه عاااالي الان انا غير موظفة زن زن حتى تركت الوظيفة وقال بجيب لك غيرها هالكلام قبل 6 شهور ولا جاب ولا شي |
رد: اهانات زوجي و تطاوله المست
لاحول ولاقوة إلا بالله.
قبل شوي جيتي ببالي دخلت ولقيت هالموضوع مادري وش الواحد يقدر يقول أكثر من الكلام اللي قاله قبل، والوضع مازال على ماهو عليه. مادري عن حالة أبوك المادية، وهل يقدر يساعدك لو استقليتي بسكن، بحيث تكوني مع أولادك، وبنفس الوقت بعيدة عنه، وأطفالك مايسببوا أزعاج لأهلك. وأنتي بنفس الوقت بحاجة إلى وظيفة. |
| الساعة الآن 08:23 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©