خطيبتي تتهرب من رؤيتي
 

السلام عليكم ورحمة الله وبركاته

ابي اقولكم مشكلتي واتمنا منكم الافادة
اخواني واخواتي انا خاطب بنت قريبه لي عمرها 18 خطبتها من سنتين وعقدت القران في المنزل قبل 6 شهور مؤقت لحين صدور اوراق الموافقه على الزواج وبعدها نعقد بالمحكمه المهم انا تعبت وما ادري هل انا اللي متعب نفسي او البنت هي متعبه والحياه معها صعبه راح اقولكم مشكلتي بالمختصر البنت من يوم خطبتها ما احس تسمع كلامي بالاشياء اللي م احبها الا نااادر ولما اقولها بجي اخذك نروح مكان او بجي اسلم عليك احس كذا م فيه استقباال وتقول تعال الا بالتكرار وانا ادري ان هي اللي م تبيني اجي لان كذا مره اقولها بجي اخذك ونروح مكان او اسلم عليك تقول لا تعبانه وم لبست شي وشوي تقول بروح السوق مع اهلي ونبره صوتها فرحانه م ادري ليش! والله انقهر كذا احس م فيه احترام وترحيب ابداً حاولت اناقشها تقول طيب وتصرفني وتغير الموضوع وبعض احيان نتهاوش ع شي ونجلس يومين وثلاث م نتواصل

عائلة البنت من ناحيه الحياه عندهم تختلف عنا كلياً واتعب في التوجيه في بعض الاشيا والبعض امشيها من عندي يعني احس الاستجابه لكلامي لحد الان 20٪ فقط

مع العلم ي اخواني عشان اكون واضح لما اجي ازورها الاهتمام 100٪ ودايم ترسلي وتشتريلي هدايا اكثر مني وترسل الرسايل وتقولي احبك وتبكي بعض احيان تقولي ابي عندك متى زواجنا

حبيت اوضح كل شي لكم

والله ييسر الامور ويعين

تم تعديل العنوان ليتناسب مع المضمون

رد: مشكلتي مع خطيبتي اتمنا الا
 

مسكينه مستحيه منك، ما أحسها مشكله.

والحياة معها إن شاءالله حلوه، تفائل.
طالما تهديك وتكتب لك إنها تحبك فهي صادقة والباقي يبان بعد الزواج.

رد: خطيبتي تتهرب من رؤيتي
 

ياااحبيبتي تحبك وتستحي مررره منك


مسكينه تبو لمى تجي انت عندها تكون متجهزه ومستعده

ممكن تقول لك لا تجي او تصرفك لانها مثلا ما ضبطت حواجبها او ما عندها لبسه جديده

او تبي تجهز لك شي ومو متوفر

انسو موضوع انها تصرفك لشيء فيك

رد: خطيبتي تتهرب من رؤيتي
 

شكراً لكل من افادني

وجزاكم الله خير

رد: خطيبتي تتهرب من رؤيتي
 

خلال 6 شهور غيرت 20٪ مما ترتبت عليه خلال 18 سنة هذا انجاز كبير جدا ولا تتوقع أن تتغير خلال مدة قصيرة

أما من ناحية أنها لا ترى أنها تتحمس للقائك فلربما لحيائها وتريد أن تستعد لك بما ترى أنه يظهرها بالمظهر اللائق بك وهذا من فرط حبها لك

بالاخير : ذكرت أنها تهدي لك أكثر مما تهديها أنت ، فهل سألت نفسك لربما يدور في تفكيرها لماذا لا بهديني كما أهديه ؟
كل إنسان له لغة حب تختلف عن الأخر ، فممكن لغتها حبها في الهدية
انصحك بقراءة كتاب " لغات الحب الخمس "

رد: خطيبتي تتهرب من رؤيتي
 

احتمال كبير تكون من النوع الكسول الي ما يحب الخرجات
ومتأكد حتتغير 180 درجه بعد الزواج من هالناحيه
دام انك متأكد انها تحبك ايش المشكله