|
عايرت زوجي بمرضه بلحظة غضب
[SIZE="5"][COLOR="Blue"]السلام عليكم وصبحتم بالخير 🌸.
م أعرف من يقدر يساعدني .. لذلك تركت المساعده مفتوحة واللي يقدر يضع حل 💙💙 لاهنتوا البارح حصل بيني وبين زوجي مشادة كلامية ، واحد من الصغار تلفظ بكلمة انجليزية وكان معناها قذر وكأنه شايف فلم اجنبي وماخذ الكلمة منه.. انا اندهشت صح انهم يتكلمون بس ماما بابا جده اوكية بس هالكلمة؟ ، وايضاً هو اندهش وعصب كيف طفل ماكمل السنتين يتلفظ كذا! راح يصرخ عالصغير تكلم من علمك كذا وش هالكلام ماتستحي ؟ والله لاربيك و و و انا اخذت ولدي قلت وشفيك انت طفل ولاقطها !! وحنا ناس نشوف افلام الرعب بكثره يمكن لاقطها بسبتنا!! كان رده يقهر ،(لا يالشاطرة هذي اكيد امك مخليتهم عند التلفزيون ماتدري عنهم) انا عصبت وصارت الشياطين قدامي، قلت امي ؟ امي اللي ماتنام بسبة عيالك قايمة فيهم على اكمل وجه . وتقول عنها كذا (يالسكري)! مادري وشفيني قلت كذا مادري😭 فك جواله عالارض قال تسلمين حبيبتي 💔 وراح لغرفته ورقد .. وهذي اخر كلمة سمعتها منه ، زعلته شينه معروف 😢 والله حاولت بكل الطرق اراضيه حاولت اكلمه ابى يهرج 😭 ولا يطالع في وجهي حتى !! حتى بالواتس ارسلت ابى يتكلم .. وش اقدر اسوي 💔 منهارة من كلامي وكارهة نفسي والله قلتها من ورى قلبي المحروق على مرضه اصلاً ساعدوني لكم الاجر.. تم تعديل العنوان ليتناسب مع المضمون |
رد: لحظة غضب 😢
لا تعليق تعايرينه يعني بالمرض !!
لاحول و لا قوة الا بالله ترى مو عذر انك تردين عليه هالرد كنتِ تقدرين تزعلين منه تاخذين موقف بس ما تعايرينه جرحتيه بتصرفك هذا و الحل انك تعتذرين منه بكل ما اوتيتي من اسف |
رد: لحظة غضب 😢
اقتباس:
على فكرة انا متعذبه اكثر منه ف مرضه ذا حتى الاكل م اخليه ياكل بكيفه 😭 بس طلعت مني ب قهر اقولك ماخليت ولا طريقة اراضيه تكلمت مايطالع فيني حتى |
رد: لحظة غضب 😢
مرحباً أختي
لا تخافين بتتصالحو إن شاء الله بس هو زعل شوي من كلمتك إللي مالها علاقة بالموضوع وما ندري كيف خطرت على بالك عموماً لابد تدركي أنه من حقه كأب أن ينفغل على ولده ويزعل .. وحتى لو تشوفي أن طريقته غلط وأن الولد صغير ما يفهم ويخاف .. ولكن غالباً هذه طريقة الرجال عند الزعل من أبناءهم دائماً يصارخون ويهددون وكل ما عليكِ الآن كل ما رأيتيه أن تتكلمي معه من بعيد حتى لو ما رد عليك فهو يسمعك وأعتذري أنك خفتي على ولدك لأنه صغير وراح يخاف .. ولا تجيبي سيرة أمك أبداً .. إنما قولي أن الكلمة طلعت ماتدري كيف وأنك تخافي عليه دائماً وتحبيه وتفديه بنفسك بس إلا زعله أعانك الله |
رد: لحظة غضب 😢
اقتباس:
اتكلم كأني اكلم جماد فجاه يصور نفسه سناب عشان يعلمني انه مو معي او يفك مقطع فديو او اغنية عشان مايسمعني 👍🏼 |
رد: لحظة غضب 😢
متعلقه فيه حيل ...!
|
رد: لحظة غضب 😢
اقتباس:
|
رد: لحظة غضب 😢
كنت الوم نفسي على الفاظي وقت العصبية طلعت ياحليلي مووودبه مره والله ^_^
مدرى ايش فيكم وحده خروف ووحده سكري ..! ماتجوز هالالفاظ ولمين ...! واضح جدا انك تعانى من ناحية ما بسبب السكري .. فطلعت وقت الغضب < حسب ظني .. و يا ذكيه ممكن ووارد جدا ان احد ابنائك يصاب فيه يعنى مايجوز المعاير و التشمت بالمرض او بغيره " فيعافيه الله و يبتليك " تقولين تحبينه و ام وماعرف ايش الحب وحده لا يكفي بل لابد من الاحترام و خاصه امام اطفالكم ووالده هذا و له حق تربيته .. " اول ماقرات موضوعك ظنيت ان الكلمة غلط املائيا و انك تقصدي سكير من الخمر ..! الا انى فهمتها من ردود الاعضاء ..! قلت سبحان الله كيف جات هالكلمة وسط الخناق ..!" |
رد: عايرت زوجي بمرضه بلحظة غضب
أنا أيضاً اعتقدتكِ للوهلة الأولى تقصدين شرب الخمر. كلمتكِ موجعة .. وبصراحة أسلوب لئيم .. ومثل ما قالت فليكا مب معقول كل واحد منا يرمي على شريكه كلمة ثقيلة ثقل الجبال .. ثم يقول: والله أحبه!! المسألة مالها علاقة بالحب .. ونعم الاحترام ضروري .. ولكن الأهم هو أخلاقنا التي يفترض أن تكون متيقظة طوال الوقت وهي التي يفترض أن تمنعنا من قول ما يعيب. بالمناسبة .. زوجي مصاب بالسكر .. ويمر أحياناً بلحظات ضعف .. ووالله لا أدري هل هذا بسبب المرض أم بسبب أمر آخر .. ورغم أن هذا له انعكاس مباشر عليّ إلا أنني لم أفنح معه الموضوع لأنني لم أجد الصيغة المناسبة التي لا تجرحه أو تشعره بالتقص .. فكيف بمعايرة زوجكِ في موقف ماله أي علاقة بمرضه أو انعكاسه على حياتكما. على كل حال .. أعطيه وقته ليزعل ولا تلخّي عليه ليرضى سريعاً. وعلى فكرة .. مع احترامي لجهدكِ في التعامل مع مرضه والاعتناء به .. لكن محد يتعذب من المرض أكثر من المريض نفسه. |
رد: عايرت زوجي بمرضه بلحظة غضب
اوقات الانسان وهو زعلان تطلع منه كلمه واصلا هي مو على بااااااااااله
مادري كيف تطلع سبحان الله .. وكلنا اعتقد مرينا بموقف زي دا تطلع مننا كلمه احنا نفسنا نقول كيف طلعت ؟ وهي ماجات على بالي اصلا ؟؟ عشان كدا ماحلومك على كلمتك لان كل انسان تطلع منه كلمه بدون مايحس بعض الاوقات .. لكن استمري في ارضاءه بالكلام والرسايل ولو تجيبيله هديه كمان ووضحيله انه طلعت بدون قصد ,, |
| الساعة الآن 07:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©