|
ناوي اخطب بنت خالتي . .ومتردد!
السلام عليكم ورحمه الله وبركاته
اكلمكم وانا ابي فزعتكم القصه بكل اختصار انا كنت اكلم بنت خالتي و سوالف الخ ( بس عن طريق الجوال ) و عاجبتني وموت الخ الى ان قررت اخطبها , طبعا بس كلام . . و على بال م اجهز نفسي بهالفتره . . صرت اعطيها مواعيد للخطبه الرسميه والملكه الخ . . وبالفتره صرت اجمع واجهز نفسي . . ف انقلبت علاقتي معها " غم " وصارت تقول ليش تتاخر وليش م قلت لي من زمان انك ببتاخر الخ . . الى ان نفست علي . . وكلن رفع صوته على الثاني انقطعت عني شهور . . مب المشكله هنا المشكله مابقاء شئ على اكتمال بيتي يعني ممكن على الصيف الجاي اكون متملك عليها . . الاشكاليه بهالفتره مخي ضرب . . اقول هل انا وياها بنعيش تمام ولا بتصير حياتنا غثا وملاقط علما انها اخر بنت بعايلتها و ابوها مدلعها . . بفتره تعارفي معها كانت ولا اروع كنت انبسط واحس يومي احلا يوم . . لكن الان جالس افكر هل هي تناسبني ولا كيف * لاحد يجيني يقول التعارف قبل الزواج ومن هالخرابيط . . بنت خالتي هي اقرب بنت لي بهالحياه . . ف وش الخطه . . وش السوات علما اني ماراح اتراجع عن خطبتي لها و الزواج منها . . لكن اللي قاعد افكر فيه شئ طبيعي او لا . . وهل البنات منفسات وكذا لاني شايف الزواج فله ووناسه خاصا مع بنت خالتي . . الموضوع يطول لكن ماعرف وش السوات . . قاعد اكل في نفسي وافكر وش حياتي راح تكون معها . . عمري 26 عمرها 21 |
رد: ناوي اخطب بنت خالتي . . لك
انت الله يجزاك خير جاي تهاوش ماتطرح مشكلة وهذا يدل انك انت اللي منفس عليها ولا هي الضعيّفه وش سوت !
كلمتك وتحبك وصابره عليك وانت تكذب عليها ومتعمد تعطيها تواريخ غلط وتعشمها وتماطل وتراوغ وبعدين تحبها وتحبك وعارفين بعض عدل بغض النظر عن إسلوب تعارفكم ومقتنع فيها ليه التنبيش عن مشكلة فيها من تحت الأرض !! تدري متى بتعرف قيمتها عدل ؟ اذا خلتك وراحت تزوجت واحد ثاني ذيك الساع بتجي هنا تكتب موضوع انقذوني كيف انسى حبي السابق لأعظم وأحلى وأرق بنت في الدنيا وخلك رجال ولاعاد تكلمها بالحرام تقدم واخطبها وكلمها واهلها يعرفون |
رد: ناوي اخطب بنت خالتي . . لك
اقتباس:
توكل على الله .... |
رد: ناوي اخطب بنت خالتي . .ومت
هلا ب ابله دلال, شكرا على الصراحه . . هذا اللي بيصير.
خالد عبدالله . شكرا على المرور . |
رد: ناوي اخطب بنت خالتي . .ومت
انت مقرر ومنتهي, وخلاص معزم ع الزواج منها, .
|
رد: ناوي اخطب بنت خالتي . .ومت
وعليكم السلام ورحمة الله وبركاته أولا . أول من يجب أن تستشيرهم هم والديك وأخواتك هم أدرى بالبنت وأدرى بطريقة تفكيرك وتفكيرها وهل تناسبك أنت تقول : اقتباس:
طبعا ومعها حقّ وأنت الغلطان هذه الأمور لا تؤخذ إلا بالجدية والوضوح لكنك يا أخ نصنصنص الزواج ليس فقط اكتمال بيت وماديات من مهر ونفقة وغيره, وإن كانت مهمة جدا لكن أهم من هذا فهو استقرار ومودة وسكينة يلزمه نضج وثقافة واسعة في التعامل والتعايش مع شريك الحياة وهذا يبدو أنك متهاون فيه كذلك, فيك تناقض عجيب : تقول: اقتباس:
اقتباس:
وتصرّ على انك تتم الزواج !! ثم تطلب الآراء وتجعل منها استفتاء ممكن تبني عليه قرارك ؟؟؟ === وما هو رأي والديك ؟ هل يدرون عن علاقتك بالبنت؟ === |
رد: ناوي اخطب بنت خالتي . .ومت
العقل نعمه , انا باخذها علشاني وعدتها
انا قلت ابيها , واهلي وافقوا ومايقابلونها الا بالمناسبات يعني ماسكنوا معاها علشان يعرفوا وثانيا انا ماتهاونت انا كنت اخطط ع تاريخ معين , وبالنهايه تصير عوائق ف اضطر اخلق موعد جديد والديني موافقين وخواتي والكل . . لا طبعا , تبيني اقولهم اني قاعد اكلمها لا لاااااااااا طبعا . . بس انا كتبت هالموضوع لاني ودي حل الغي المشاكل وتنصحوني وش اسوي وكذا . . مشكوره على العموم |
رد: ناوي اخطب بنت خالتي . .ومت
توكل على الله
الله ييسر لكم ماني شايفه مشكلة بالموضوع ! بس انت حاط ببالك الزواج فلة ووسعة صدر 🌚 الاختلاف وشوية مشاكل لابد منها . |
رد: ناوي اخطب بنت خالتي . .ومت
اقتباس:
فإذا امورك تمام وبينكم ود واحترام, تكلّموا مع اهلها في الموضوع إن شاء الله يوافقون وتتفاهمون على الأساسيات وتصير الأمور سلسة ونقطة مهمة: أنت تقول انها مدللة, هل هو دلال ماديات أي من ناحية المصروف وما يتعلق به من رفاهية أو دلال بمعنى انه كل طلباتها مجابة وما حدّ يقول لها لا ؟ فيجب ان تكون مستعدا للتعامل معها من هذه الناحية بما يتناسب مع شخصيتكما أسال الله لك حياة هنية |
رد: ناوي اخطب بنت خالتي . .ومت
لا خالصين وكلش تمام مدري ليش احس الموضوع معقد هه
مدلله ماديا نوعا ما , بس كل طلباتها مجابه . . هي قالتها لي اصلا . . ف : ( |
| الساعة الآن 12:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©