|
صديقي وزوجتة وامه
السلام عليكم ورحمة الله وبركاته
صديقي الصدوق قال لي امس انه يريدني في موضوع فقلت له ولا يهمك قابلته وقال لي ان لديه مشكله مع زوجته لقد رزق صديقي قبل اسبوعين بتؤام بنات ما شاء الله عليهم ربنا يحفظهم ويخليهم يا رب وهي اول ولاده لزوجتة المشكلة باختصار ان ام صديقي كلمت ولدها انها ستاتي هي واخواتها وبناتها ليباركوا لهم في بيتهم قبل يومين وصديقي ابلغ زوجتة ان امه وخالاته واخواته سوف ياتون ليباركوا لهم فقالت له زوجتة لماذا كل هؤلاء سياتون ولماذا لم تاتي امك واخواتك فقط لماذا لا تدع امك ان تكلم خالتك ليس لها داعي او ان تكلم امك ان يأجلوا الزيارة للاسبوع القادم بعذر ان بيته لم يجهز فغضب صديقي من زوجته وعندما بلغ صديقي ام زوجتة فكان ردها نفس رد زوجتة فغضب من ام زوجتة كذلك فقال لهم بالحرف الواحد ان اهله خط احمر فمتى ما ارادوا ان ياتو فلياتوا مع العلم ابلغني صديقي ان البيت جاهز ولا ينقصه الا بعض التحف الخفيفة فقط اما الكنب والطاولات والرفوف موجوده مع ورق الجدران والاضاءات ولكن زوجته حسسته بانها لا ترغب باستقبال اهله فقالت له ام زوجتة اذا انك بتقتنع بكلام صاحبك اللي هو انا فابلغه فقلت له بصراحه ليس من حق زوجتك ترفض استقبال اهلك الا في ضروف اخرى اما تتعذر بسبب انا البيت لم يجهز فهذا عذر غير مقبول مع العلم ان اهله سوف ياتون اليه يوم الخميس هذا وهو ناوي ان لم تحسن استقبال اهله سوف يخربها مع زوجته اتمنى انا اخذ اراءكم ودمتم في حفظ الرحمن |
رد: صديقي وزوجتة وامه
الموضوع تافه لكن الشيطان كبره بينهم
لو كل واحد حط نفسه مكان الثاني كان ارتاحوا الزوج من حقه هو وأهله يشوفوا الأطفال والمفروض الزوجة ترحب فيهم وتكرمهم وتقدر جيتهم الزوجة مارفضت اهله مثل مافهم هي من كثر احتفاءها وتقديرها لهم حبت يكون كل شي على سنقه عشره الواضح في فرق بين الشخصيتين الزوج وأهله: بسيطين غير متكلفين الزوجة وأهلها: رسميين ودقيقين فرق الطبائع يسبب أحيانا سوء فهم خصوصا وان الزوج اخذته الحمية على اهله ومتأكده انه انفعل بدون ما يتحاور معها لانه فهم كلامها غلط على انه انتقاص لاهله والمرأة ابدا ما قصدها تغلط باهله او ترفضهم هي وأهلها تفسير الزيارة عندهم مختلف واليوم للأسف صرنا بزمن زيارة النفاس كأنها حفلة زواج تكاليف ومصاريف وهدايا وزينة وبالونات وصواني اشكال والوان وتنافس عالتقديمات اعتقد واجزم اهل الزوجة من هالصنف وهذا مو غلط.. لكن يحتاج ترتيب نصيحة حاول تهدي صاحبك يعني يأخذ زوجته على قد عقلها وفهمها ويقول معليش بس هم جايين جايين وهي اكيد بتتفهم ما كان الرفق في شيء الا زانه |
رد: صديقي وزوجتة وامه
يااخي مايستدعي انه يخربها مع زوجته
الاشياء الكماليه بعض الاحيان نعتبرها احنا اساسيات لما يكتمل البيت حتى هي راح تكون نفسيتها حلوه وهي توها والد وتوئم ماشاء الله الله يبارك له المفروض يراعيها وياخذ بخاطرها *خلك مفتاح خير عليهم وقول له يافلان اهي تعبت بالحمل والاولاده مافيها شيء لو طيبة خاطرها هي ماطلبة شيء صعب واهله يقول لهم زوجتي تعبانه تعالو الاسبوع اللي بعده واكيد راح يعذروه لان ولادة طفل واحد متعبه فما بالك بتوئم واللي بيجي مو بس امه واخواته خالاته* كمان وحتى احنا وقت ولادتي امي اجلة زيارة اهل زوجي لحتى ماكملة البيت ومافيها شيء وبعدها استقبلناهم احلى استقبال |
رد: صديقي وزوجتة وامه
عليكم السلام ورحمة الله وبركاته
اشوف الحل انها الخميس تستقبل فقط أمه وخواته وتحدد هي بعدين يوم إستقبال تعزم فيه خالاته وباقي الشله كذا يرضون الطرفين واذا جينا للجد ترى فعلا توها والد لها اسبوعين وتوأم يعني غالبا قيصرية ماله داعي كل جماعته يجونها الآن ! خلاص اذا شافت نفسها صارت احسن وقادره تستقبل هي تجهز يوم وتدعوهم فيه اللي مهم حضورهم الآن الأم والخوات بس |
رد: صديقي وزوجتة وامه
شوف أخوي بصراحة اهم شي البيت يكون نظيف ومرتب ولو بسيط. ماحد بيهتم بالتحف ندخل لبيوت البسطاااء ويكون مرتب ونظيف ونرتاح فيه وننبسط بشوفة أهله هذا هو المهم..
اذا هو ساير زوجته راح تصير مشكلة مالها تالي مع امه، بتحقد عليها حتى لو ماجاب سيرتها.. يعني تصير مشاكل وكثر حكي بسبب تحف وديكورات؟ برأيي حتى لو زعلت زوجته ماعليه الحزم هنا واجب لدرء مشاكل كبيرة. لازم يوضح لها هالنقطة. وكمان من اليوم للخميس فيه وقت اذا فيه شيئ لازم يتصلح بالبيت او اغراض فعلا ضرورية. |
رد: صديقي وزوجتة وامه
زوجته مخطءة في طريقة رفضها للزيارة
كانت تبين له اسباب رفضها باسلوب لبق ما يفهم من خلاله انها رفضت اهله وفي نفس الوقت اهله مخطءين تسرعوا في زيارتهم خاصة وانه جايين كل العايلة ماشاء الله توها المراة عندها اسبوع من ولادة توام بعد تسع اشهر حمل! يعني مرهقة نفسيا وجسديا وما عندها نفس ولا قوة انها تجامل وما تراه النساء غير ما يراه الرجال فيما يخص التحضيرات لذلك لا تعتمد على قول صديقك في عذه النقطة رايي ان يرضي الطرفين بان يكلم امه واخواته ياتون زيارة بسيطة لحتى يطمءنوا عليها ويعينوها في احفادهم وبعد اسبوعين لما تكون ارتاحت شوي يجون كلهم لحتى يباركوا لها |
رد: صديقي وزوجتة وامه
ضيافة الحريم مو مثل ضيافة الرجال
معها حق صراحة انسانه تعبانه و ماهي مستعدة تستقبلهم خصوصا اذا كانت ذي اول مره يزورونها من زواجها والمفروض من البداية هو بنفسه تعذر من والدته عن خالاته و استقبل أمه و أخواته لكن الان ماله الا يعين زوجته و يعذرها |
رد: صديقي وزوجتة وامه
.
موضوع جداً بسيط ومايحتاج احداث مشكله, اش خلا للمشاكل الكبيره؟ المفروض زوجته وهوا يتفاهمون, وام الزوجه مالها اي تدخل الا في الامور اللي جدا جدا جدا جدا...مستعصيه ولا يمكنهم حلها! المفروض يقولها: أهلي هم حددو عدد الحاظرين, وانا ما اقدر امنع احد, لكن بمقدور صديقك يجيب خادمة باليومية اذا ماعندها خادمة! .. |
رد: صديقي وزوجتة وامه
اقتباس:
العادات تختلف من مكان لآخر فمثلا عندنا العادي أن أم الزوج والزوجة وكذلك بعض أخوات الزوج والزوجة يكونوا بالمستشفى معها حتى تضع بالسلامة ثم بعد ذلك تأتي الخالات والعمات للزيارة في البيت بدون استئذان طبعا لأن الجميع يتوقع الزيارات هذه والبيت في حالة استعداد كأنه عيد هههه لكن عندكم يبدو العادات مختلفة عننا وكذلك يبدو في اختلاف بين طباع الأسرتين فيجب أن يكون الزوج حكيما وحازما يعامل زوجته برفق وفي نفس الوقت لا يسمح لهم أن يجعلوه يظهر بمظهر سيئ أمام أهله. |
رد: صديقي وزوجتة وامه
.
ثاني شي, انا استغرب نقطة انه الزوج يتواصل مع ام الزوجه. يعني اللي قدامك مو انسانه بامكانك توصل المعلومه لها عشان تدرك الموقف؟ ولا افضل شي لوي اليد(بالعامية)؟...... طرق جدا قديمه ولا تأدي الا لصنع المشاكل! . |
| الساعة الآن 09:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©